Matesu 7:5 - O Mikanda Ikola

⁵ Kamangonha! Dianga hanji kukatula o kimuẋi mu diesu dié eʼ muène, nda u mone kiua kukatula o kakisoso mu diesu dia mukuenu.

Matesu 7:5 ပူးပေါင်းရင်းမြစ်များ

Matesu 22:18

Jezú-phe, kuma uejiia unguma uâ, uixi: Mu ngi bhombela-hi, mu akua mangonha?

Matesu 7:3

Mukonda dia-hi u tala o kakisoso kala mu diesu dia mukuenu, maji ku xinganeké o kimuẋi kia ku kala mu diesu dié eʼ muène?

Matesu 7:4

Mba mukuenu u mu ila kiebhi: Izá ngi ku katule o kakisoso ka ku kala mu diesu, manhi mu diesu dié êʼ muène mua ku kala kimuẋi?

Matesu 7:6

Ima ia Nzambi kana ku i tela jímbua, o jiphelula jenu kana ku ji texila jingulu, kuma jene ji ji diotela bhoxi, anga ji lunguluka ji ku ẋuua.

Luka 12:56

Akua mangonha! Enu muejiia kutungula o pholo ia ixi ni diulu, mua lémbua-phe kiebhi kutungula o izuua i tualʼ iii?

Luka 13:15

Ngana-phe ua mu kumbulula, uixi: Mu akua makutu! Manhi bhuala muthu mudienu u kamba kujituna o ngombe iê, mba bulu iê mu kibhanga, ni a i bheke mu kunua?

Luka 4:23

Jezú anga ua ambela, uixi: Kidi kiene, enu mua-ndu ngʼamba o Sabhu iíi: Kimbanda, di sake eie-muène! Muanda kuzuela ue, muexi: Ima ioso i tua ku ivu ni ku i bhanga mu Kafanau, bhanga-iu ue bhabha bhu bhata bhu ua kudila.

Luka 6:42

U tena kiebhi kuambela phangiʼé uixi: Phangiʼami, izá ngi ku katule kisemu mu diesu, eiʼmuène ua lémbua kumona o thùnga iala mu diesu dié eiʼmuène? U mukua makutu! Dianga hanji kukatula o thùnga mu diesu diéʼmuène, u mone kiua kiambote kukatula o kisemu mu diesu dia phangiʼé.

Jipoxolo 19:15

Maji o nzumbi iaiibha-phe ia a vutuila, iexi: Jezú nga mu suu, o Phaulu nga mu ijiia, enu-phe mu akua-hi?