Matesu 7:26 - O Mikanda Ikola

²⁶ Uoso dingi uívua maka mamiʼ ama, anga u kamba ku ma bhanga, muène u difangana kiôua kia tungile inzu iê bhu kisékele.

Matesu 7:26 ပူးပေါင်းရင်းမြစ်များ

Jobe 22:16

Eneʼá a a buikisa kioso ngó kithangana kiâ ki ki bhixila luua; hungulule ja menha ja sengulula ibhela iâ.

Jisabhu 14:1

Muhatu ua njimu, u tunga o inzo iê; maji o kioua-phe kia muhatu, mueniʼê u i bula ni maku mê.

Jelemiia 8:9

O jinjimu sonhi ja a kuata, a a tukumuisa ia a a kutu: Oko a tènde o kizuelu kia Jihova; unjimu uahi-phe ua kala na-u?

Matesu 7:24

Uoso-phe uívua o maka mamiʼ ama, anga u ma bhanga, muène u difangana ni njimu ia tungile o inzu iê bhu ndànji.

Matesu 7:25

Mvula anga i sonoka, hé bhu di bhanga masenza, ni kitembu ki bhuka, ki di vunda ku inzuʼ oio. Iene-phe ki ia lundumuka, mbata iòtunge bhu ndànji.

Matesu 7:27

Mvula anga i sonoka, bhu di bhanga masenza, o kitembu ki bhuka ki di vunda ku inzuʼ oio; anga i lundumuka. O kuzangiua kuaʼ nzu ioio, kuavulu.

Luka 6:49

Uoso-phe uívua, anga u kamba ku ki bhanga, ua di fangana ni muthu u tunga ngó ku mavu, bhua kambe disesa. O ki bhita hungulule, inzo kindala ia lundumuka. O kusekala-phe kua ʼnzuʼoio, ku vula!

Tiiaku 2:20

Semenhi ia muthu! Tuma-phe ku kʼijiia, kuma: O kuxikana kua di kalela sè ima ia kubhanga, kuxikana kua ngoho.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.