Matesu 7:25 - O Mikanda Ikola

²⁵ Mvula anga i sonoka, hé bhu di bhanga masenza, ni kitembu ki bhuka, ki di vunda ku inzuʼ oio. Iene-phe ki ia lundumuka, mbata iòtunge bhu ndànji.

Matesu 7:25 ပူးပေါင်းရင်းမြစ်များ

Jisabhu 10:25

Mukua phulu uia nzaká, kala ki somboka o kitembu kia kibhungu; maji o muthu ua iuka, ua kalelà-ku kala a mu tunga bhu ndanji.

Malakiia 3:3

Muene ua kà xikama mu kuzunza ni kuzelesa o phalata; anga ua kà zelesa o muiji ua Levi, hé ua kà u bhuisa dixilu mukuâ ni kia zunza o ulu mba phalata; mu kienhókio a kà bheka kua Jihova maujitu ma kuiuka ni kidi.

Matesu 16:18

Kala kiki, ngi ku ambela dingi, kuma eie Phetele, o bhu ndànji iíi, bhene bhu ngi tunga o Ngeleja iami, o mielu ia Kalunga ki ia kà tena ku i lundumuna.

Matesu 7:24

Uoso-phe uívua o maka mamiʼ ama, anga u ma bhanga, muène u difangana ni njimu ia tungile o inzu iê bhu ndànji.

Matesu 7:26

Uoso dingi uívua maka mamiʼ ama, anga u kamba ku ma bhanga, muène u difangana kiôua kia tungile inzu iê bhu kisékele.

Matesu 7:27

Mvula anga i sonoka, bhu di bhanga masenza, o kitembu ki bhuka ki di vunda ku inzuʼ oio; anga i lundumuka. O kuzangiua kuaʼ nzu ioio, kuavulu.

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.

Efezo 3:17

Eme nga mu bhinga dingi phala Kristu a mi tunge ku miẋima ienu mu kuxikana. Nga mu samba phala o ki muila mua te jindanji, mua kuata, mua xikama mu henda,

Kolose 2:7

Mu ta jindanji jenu mua muéne, anga mu sabhuka mua muène, mua di sokejeka mienhu ienu mua muène, mua kolo mu kuxikana kuenu, kala kioso kia mi longo na-ku. Hé muizala ue ni ku mu sakidila jinga muène.

Tiiaku 1:12

Ua zediua o muthu u kolokota mu lamba, anga u kala fiiele. Kuma kia zubha ku mu lola mu malamba enhó, ua kà tambula kitundu kia muenhu, kia tange Nagana kubhana oso a mu zola.

I Phetele 1:5

O mabesá enʼiâ phala enu oso mu kutena kua Nzambi, a mi lange mu kuxikana, ni mu kukinga o kubhulukʼ oko kua-ndù tukuluka mu kithangana kia kà suka-ku.

I Phetele 1:7

Malamba iá mu bhita na-u, ihi o ku mi lola o kuxikana kuenu, kuala kota mù kuta, o ulu ndenge, kuma ulu u di bota, sumbala a u lola mu tubhia, phala kibhua o ku mi lola, muà sanga o diximanu, ni fuma, ni ujitu, bhuoso bhua kà tukulukila Jezú Kristu.

I Nzuá 2:19

Ni kidi, athu enhó a di katula mudietu, mukonda ene ka tu tokala. Mbata ene se a tu tokalele, hinu a xala mudietu. Maji ene-phe a tu xisa, a katuka mu kudimonekena kuma ka tu tokala nè umoxi ngó mudiâ.