Matesu 7:24 - O Mikanda Ikola

²⁴ Uoso-phe uívua o maka mamiʼ ama, anga u ma bhanga, muène u difangana ni njimu ia tungile o inzu iê bhu ndànji.

Matesu 7:24 ပူးပေါင်းရင်းမြစ်များ

Jobe 28:28

Iú uambela o muthu, uixi: Talesa-ze! O uoma ua Nzambi, uene o unjimu; o kueha kia ibha, kuene o kuijiia.

Jisálamu 111:10

O kukala ni uoma ua Nzambi, muene muijiia unjimu; ene oso a mu tumaka, a kala muene ni kilunji kiambote, o diximanu diê dia kalʼê, katé ku hádia ni hádia.

Jisálamu 119:130

Bhua jimbuluila o maka mé a muika, a zelesa; ni ió ua tobho a mu bhana kuijiia.

Jisálamu 119:99

Nga beta kutongoloka, jimesene jami joso ndenge; mukonda-phe dia kuxinganeka o umbangi ué.

Jisabhu 10:25

Mukua phulu uia nzaká, kala ki somboka o kitembu kia kibhungu; maji o muthu ua iuka, ua kalelà-ku kala a mu tunga bhu ndanji.

Jisabhu 10:8

O muthu ua dimukina ku muẋima, u tambula ijila; maji o kiôua kiatu mu kanu, ua-nda kudibhala mukonda dia dikanu diê.

Jisabhu 12:7

Athu a bhumu, hádia a kà a lalumuna, ka kà moneka dingi; maji o dibhata-phe dia athu a iuka, dinangenena.

Jisabhu 14:8

Muthu ua dimuka, unjimu uê o ku tongolola kiambote o njila iê; maji o usemenhi ua maioua-phe, o kunganala.

Matesu 12:50

Mbata uoso u bhanga o vondadi ia Tata iami uene mu diulu, muène phange iami ia diiala, muène phange iami ia muhatu, muène mamʼetu.

Matesu 16:18

Kala kiki, ngi ku ambela dingi, kuma eie Phetele, o bhu ndànji iíi, bhene bhu ngi tunga o Ngeleja iami, o mielu ia Kalunga ki ia kà tena ku i lundumuna.

Matesu 24:45

Nanhi-phe selevendeʼoio ia fiiele, ia dimuka, ngana iê ua mu lekela kutambula konda ia dibhata diê, ku a uanena kúdia kuâ mu ola joso ja tokala?

Matesu 25:2

Kitanuʼiki kia tobho, kitanuʼiki kia dimuka.

Matesu 25:4

Iá-phe a dimuka, ambata ni maji mu jithenda, kumoxi ni tundeia tuâ.

Matesu 25:9

Kuala ilumba ia dimuka: Ki ki xikina. Imoxi ki tu soko, ni etu ni enu. Inda ndenu ku abadi, enu uenu mu sumbe.

Matesu 7:25

Mvula anga i sonoka, hé bhu di bhanga masenza, ni kitembu ki bhuka, ki di vunda ku inzuʼ oio. Iene-phe ki ia lundumuka, mbata iòtunge bhu ndànji.

Matesu 7:26

Uoso dingi uívua maka mamiʼ ama, anga u kamba ku ma bhanga, muène u difangana kiôua kia tungile inzu iê bhu kisékele.

Luka 11:28

Muène-phe u vutula, uixi: Kiene, maji a beta o kuzediua oso evua o Maka ma Nzambi anga a ma lunda!

Nzuá 13:17

Kindala ima iíi se mua ijiia, mu zediua se iene i mu bhanga.

Nzuá 14:15

Jezú uixi dingi: Se mua ngi zola, alukenu o ijila iami.

Nzuá 15:10

Se mu aiuka o ijila iami, mua-ndu xala ue mu henda iami, kala eme ki ngʼ aiuka o ijila ia Tata iami, eme nga xala mu henda iê.

Nzuá 15:14

Enu mu makamba mami se mu bhanga ima ioso i nga mi tumu.

Loma 2:13

Kuma oso evui a Kitumu, ki ene a lunga kua Nzambi; maji oso atumaka, a bhanga kia tumu o Kitumu, ene a lunga.

I Nzuá 2:3

Kiene ki tu kʼijidila kuila Nzambi tua mu ijiia, se tu aiuka o ijila iê.