Matesu 7:23 - O Mikanda Ikola

²³ Benhobho eme nga kà a tangela, ngixi: Eme ki nga mʼ ijidile. Tundenu bhu mbandu iami, enu mu ati a ituxi.

Matesu 7:23 ပူးပေါင်းရင်းမြစ်များ

Jisálamu 119:115

Ngi tundidienu bhu mbandu, enu mua solo kubhanga kiaiibha, mukonda ngʼandala kubhaka o ijila ia Nzambi iami.

Jisálamu 5:5

Akua izala ka tena kuimana ku mesu mé; eie ua di zemba ni ene oso akalakala ituxi.

Jisálamu 6:8

Tundenu bhu mbandu iami, enu oso mu ati a ituxi; kuma Jihova ua ngʼivu kiá dízui diami dia kudila.

Matesu 25:12

Muene-phe u a vutuila, uixi: Kidi kiene ngi mi ambela, ki nga mʼ ijiia!

Matesu 25:41

Muène anga ua kʼàmbela iá ala ku kiasu: Tundenu bhu mbandu iami, enu a mi bhubhidila kuala Nzambi! Ndenu mu túbhia ki tuà jima, a tu iudikila Diabhu ni ji-anju jê!

Luka 13:25

Hádia mukua dibhata kia balumuka, anga u jika ku dibhitu, enu mu kuata kuimajana bhu kanga ni kubunda ku dibhitu, muixi: Ngana, tu jikuile! O muéne u mi vutuila, uixi: Ki nga mʼijiia kuoso ku mua tundu!

Luka 13:27

Muène anga uila: Nga mi ambela kiá: Ki nga mʼijiia kuoso ku mua tundu. Ngi tundidienu bhabha, enu oso mu a-ti-a-ituxi.

Nzuá 10:14

Eme ngi mubidi uambote. Mukuâ ni Tata kia ngʼijiia, eme-eme ue ngʼejiia Tata, kiene ue ngʼejiia jimbudi jami; o jene ue ja ngʼijiia.

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.