Matesu 7:2 - O Mikanda Ikola

² Mbata, o kubatula kuoso ku mu batuila na-ku akuenu, enu uenu kiene Nzambi kia kà mi batuila; ni nzôngo ioso i mu zongela na-iu akuenu, enu uenu a ka mi zongela-iu dingi.

Matesu 7:2 ပူးပေါင်းရင်းမြစ်များ

II Samuuele 21:5

Ene anga ambela muenexi, exi: Muthu uoso ua tu buidisile, ua kexe ku tu kanena ku tu jimisa mbutu, phala ki kuxale muthu mu jimbamnbe joso ja Izalaiele.

Jisálamu 109:17

O kuxinga jindaka, uene o mukumbi uê; kiki muene a lebhuke ue! o kubhana dibesá ki kua mu ijidila, dibesá-phe dia mu lenge!

Makatukilu 21:24

diesu mu diesu, dizu mu dizu, lukualu mu lukuaku, kinama mu kinama,

Izaía 33:1

Kokolo diê u mubhundi, sumbala ene ka ku bhundu, athu ka ku bhange ufe, eie u a bhanga ufe! Kioso-phe ki u zubha kubhunda akuenu, eie ue a-nda ku ku bhunda; kioso ki u zubha kubhanga ufe ku akuenu, eie ue bhu kala o ku ku bhanga ufe uene.

Jelemiia 34:17

Uila kiki, Jihova uambe, uixi: Enu nguenu ku ngʼivua eme, phala kukola ufolo, muthu u kolela kua phangʼiê, muthu u kolela kua mukuá; kiki-phe, talenu, eme nga-nda ku mi kolela ufolo, Jihova ua kiambe, muia ku xibhata, muia ku dibhebhu, muia ku nzala, anga nga-nda ku mi bhana kala kima ki sasumukisa mautuminu moso mu ngongo.

Jelemiia 51:24

Anga mua kà ki mona ku mesuʼenu, kioso Babilonha ni ene oso a tungu mu Kaldeia, ki nga-nda ku a futa o ufusa uâ uoso ua bhanga jinga mu Ziione, Jihova ua ki tange.

Obadiia 1:15

Mbata o kizuua kia Ngana kia zukama ku thandu dia mundu uoso ua akua jixi jengi; kioso ue ki ua bhanga eie, kiene muene ue kia kà ku vutuila. O futu ia kuiibha kué ku ua bhange, iene ia kà ku vutukila ku thandu dia mútue ué muene.

Matesu 6:14

Kuma enu o athu se mu a loloka ikuma iâ ia mi bhanga, Tatʼ enu ia diulu u mi loloka uenu.

Marku 4:24

Anga ua ambela dingi, uixi: Alukenu kioso ki muívua: kuma o nzongo ioso i mu zonga na-iu phala akuenu, enu uenu iene Nzambi ia mi zongela; anga a mi tela-ku dingi.

Luka 6:38

Bhanenu akuenu, enu uenu Nzambi a mi bhane. Kienhiki-phe Nzambi ua-nda ku mi bhana kizongelu kiambote, kiòbate, kiòsakese, kia ẋamuka, a mi bhana bhu homba ienu. Mukonda ioso o nzôngo i mua zongela akuenu, iene ue Nzambi ia mi zongela enuʼenu.

II Kolindo 9:6

Lembalalenu kuila: Uoso u kuua bhuʼofele, u muna ue bhuʼofele; uoso u kuua nzungule, u muna ue kia nzungule.

Tiiaku 2:13

Mukonda o Nzambi kia kà fundisa, ka kà lendukila athu ió a kambele kukala ni henda ia akuâ. Maji o kukuatela henda kua somboka o kufundisa.

Dijingunuinu 18:6

Kioso kia bhangele muène, mu futienu-kiu; kioso kia fuama mu imbamba iê, mu vutuidienu-kiu mu luiadi! O kopho ia mi lungidile, muène ue mu lungidienu-iu luiadi.

Afundixi 1:7

Adoni-bezeke anga u zuela, uixi: Makuinhi sambuadi a sobha a kumbuka milembu ia ikota ia maku ni ia inama, a kexi mu nona jisesekenha mʼoxi a meza ami; kioso ki nga bhangele eme, Nzambi ua ngi futu-kiu. Anga a mu bheka mu Jeluzaleme, hé u fuila momo.

Afundixi 5:27

U bulukutila bhu inama iê, ua tandelela muene, u zeka, koto-koto! Bhua bulukutila bhu inama iê, ua sunanana muene, bhene bhua zeka, uafu.

I Samuuele 15:33

Samuuele-phe, uixi: Kuma o xibhata ié ia bhangesa ahatu kukamba anʼâ, kiene ue kimoxi mamʼenu ua-ndu kamba ana muʼaxaxi ka akuâ. Samuuele anga u sesa Akake, u mu bhanga ku idiandu-idiandu, bhu pholo ia Jihova bhu Jidingale.