Matesu 7:15 - O Mikanda Ikola

¹⁵ Dimukinenu o jipolofeta ja makutu, a mi kana mu izuatu ia jimbudi, maji moxi diâ-phe ala jimbinji jahame.

Matesu 7:15 ပူးပေါင်းရင်းမြစ်များ

I Jisobha 13:18

Anga muene u mu ambela, uixi: Eme uami ngi polofeta ni mukuenu, anjo ia ngi tangela mu kizuelu kia Jihova, uixi: Mu vutule, uize-nê ku bhata dié, nda a die-ku kadikoka ni kunua-ku tumenha. Mbe-phe ua mu tangela makutu.

Jelemiia 29:21

Jihova dia Ifuẋi, Nzambi ia Izalaiele, uambe kiki, ku mbandu ia Ahabe, monʼa Kolaia, ni Zedekiia, monʼa Mahaseia, ala ku mi zambuila upolofeta ua makutu mu dijina diami: Tala, nganda ku a bhakula bhu maku ma Nabukodonozolo, sobha ia Babilonha, phala muene nʼa a kuamena bhu mesuʼenu muene.

Jelemiia 29:32

kala kiki. Jihova uambe kiki, uixi: Tala, Semaia, nehelamita, nga-nda ku mu zungila, ni muene ni muiji uê, muene ka kà kala ni muthu u tunga mu kaxi ka kifuxi kiki, o mbote i nga-nda kubhanga ku kifuxi kiami, muene ka kà i mona mesu, Jihova ua ki tange, mukonda muene ua zuela ni kubhumina Jihova.

Izekiiele 13:16

O jipolofeta ja Izalaiele, a zambuila jinga mu Jeluzaleme, anga o Jeluzaleme aia ni ku mu muena isukila ia kutululuka, mbé o kutululuka kuene ki kuala-ku dingi; Jihova Nzambi ua ki tange.

Izekiiele 13:22

Mbata enu o muẋima ua muthu ua iuka mua u bhekesa dilamba ni mangonha menu, o muene eme ki ngi mu tatesa; enu mua suinisa o maku a mukua phulu, phala mu njila iê iaiibha ka tundu-mu, nʼa kole muenhu;

Izekiiele 22:25

O kikutu kia ufe, kia jipolofeta jê, kiala mu kaxi kê; mukua ni hoji ia mu zuma, ia lundama o mbole; ene uâ a dia o mienhu; o jimbongo ni ima iate kiavulu a i ambata, a vudisa nzungule ia atudi mu kaxi kê.

Izekiiele 22:27

O adiakime, mu kaxi kâ, edi kala imbùngu ia xikamena ku kuata mbole, mbé kuzunzumuna o manhinga, phala kusengulula mienhu, ni kukaiejela o unjenge.

Daniiele 11:34

O kia kà laúka kienhiki, bhua-ndu kala o ku a bhetula ni kadikuatekesu kòfele ngó; athu àvula a kà zuama ku mbandu iâ, maji enhá a kʼèza ni miẋima iiadi.

Mikeia 3:11

O atumini-â, milonga a i batula ni kutambula maujitu, o jinganga jâ mu kulonga a longa ni kukinga ku a futa, o jipolofeta jâ kiela kuzambula, azambula phala kutambula kitadi; anga a tatela Ngana, exi: O Ngana muene, mbé ki iú-ue-iú muʼaxaxi ketu? Ki bhuala kia ibha ki tu bhiẋila.

Zakadiia 13:4

Mu kizuuʼomo-phe jipolofeta ja kà kala ni sonhi ia kutanga kisukila kioso kia mono mu uanji ua upolofeta; ene uâ ka kà zuata dingi mandu ia kindemba, phala nʼa kuata kutanga makutu.

Matesu 10:17

Athu-phe mu enda-nâ ni muanu. Mbata ene a kà mi thelekala bhu kionge, a kà mi beta mu malombe-mâ.

Matesu 16:11

Ki mu kʼivu kiebhi kuila o jimbolo ki jene ji nga tange? Dimukinenu-phe o kithûthume kia jifalizeu ni jisaduzeu.

Matesu 16:6

Jezú anga ua ambela, uixi: Alukenu, mu dimukine o kithûthume kia jifalizeu ni jisaduzeu.

Matesu 24:11

Bhua kà tukuluka jipolofeta javulu ja makutu, ji kala mu jimbidisa mundu uavulu.

Matesu 7:14

O kadibhitu-phe katolo, ni kanjila kòfele, kaia ku muenhu; athu kʼa kidi a ka sanga.

Luka 12:15

Uambela enhoso, uixi: Ividilenu kiambote! Alukenu, mu di lange ku luímbi, mukonda o muenhu ua muthu ki u tundu mu umvuama uê ua kuvula o jimbongo.

Luka 6:26

Lamba dienu, athu oso se a mi tumbula kiambote, mbata jitata jâ kiene ue ki ja kexi kutumbula o jipolofeta ja makutu!

Nzuá 10:12

O mukua-nganhu, u kalakalela ngó kitadi kiê, ki muène mubidi, ki muène mukua jimbudi jê. Ió kia mona o kimbungu kiala mu kuiza, jimbudi u ji xa, hé u lengʼê. O kimbungu-phe ki ji kuata, ki ji muanga.

Jipoxolo 13:40

Alukenu-phe, ki ki mi bhite kia soneka mu jipolofeta, exi:

Jipoxolo 13:6

Ene anga a tandulula o kikolo kioso katé ku Pafu. Kuenioko a sangaku mukua uanga, polofeta ia makutu—Judé, dijina diê Bale-Jezú.

Ngalásia 2:4

Inda o phata iejilile ku jiphange ja makutu, ja bokuene ni kuzonza ni ku di dinga, anga a mesena ku mu saia. Mukonda ene a bokuene mu kulonda o ufolo uetu u tuene na-u mua Kristu Jezú, phala nʼ a tu bheke dingi ku ubhika.

Efezo 4:14

Uila kiki, kana, ki tu kala dingi tu anandenge, a tu takujula ku mabhuku, ni ku tu xinjijika kuala o kitembu kia ulongelu uengi uiza-ku ua athu akua mangonha. Kuma enʼiâ mu jindunge jâ kala mibhetu, ambata akuâ mu jinjila ja kutexika.

Efezo 5:6

Ki bhu kale muthu u mi nganala ni maka ma usemenhi; kuma ima ienʼ íii iene i bheka o njinda ia Nzambi ku thandu dia oso abhukumuka.

Filipe 3:2

Alukenu akua midimu iaiibha, edi kala jimbua, aku kujijila o ku di ta jiphoko ku mikutu.

Kolose 2:8

Alukenu! Ki bhu kale muthu u mi tobhesa, anga u mi bhûnda kala kingûmba, ni uanji uê ni makutu, ua kaiela mu malunda ma ulongelu ua athu, ni mu jindonda ja mu ngongʼumu, o kua Kristu ki kiala-ku.

II Timote 3:13

Maji athu aiibha-phe, akua makutu, jindunge jâ jiia ni ku di bandekeza, a nganala athu, maji ene uâ aia ni ku a nganala.

II Timote 4:3

Kuma kuanda kuiza thembu athu ka kà xikana dingi ulongelu uadisanze, mbé o kukaiela jihânji jâ jaiibha. Mokonda-phe dia kuzanzala mu matui, a kà lunjika ndumba dia jimesene ja vondadi iâ, jenda ni ku a tangela ioso ia solo ene kuivua.

II Phetele 3:17

Enu-phe akuetu nga mi zola, imʼ iii mua dianga kiá ku ijiia. Kala kiki, dimukinenu o makutu ma athu abhukumuka, phala ki ma mi bhitule, anga mu di bhala bhu ditala dia kolo bhu muemana.

I Nzuá 4:1

Enu akuetu, nga mi zola, kana kuxikana jinga ku athu oso a tanga kuila ala ni Nzumbi ia Nzambi. Athu kala iá mu a lola jinga phala ku a mona se ni kidi kiene ala ni Nzumbi ia Nzambi, mba kana. Mukonda Jipolofeta ja makutu javulu ja tubhuka mu ngongo.

Juda 1:4

Kuma sai-ku athu a kambe o kuxikana, a mi zombela mudienu ni ku dʼimbikisa, ene tunde ukulu a a xindi o kuêla, athu abhumu, o kiadi kia Nzambi ietu a ki kitula uhabhu, o Mesene ietu imoxi, ni Ngana Jezú Kristu, a ditunu-nê.

Dijingunuinu 16:13

Anga ngi mona ʼnzumbi jkitatu jaiibha jedi kala mazote. Nzumbʼiji ja tundu mu kanu dia mudikixi, ni mu kanu dia kiama, ni mu kanu dia polofeta ia makutu.

Dijingunuinu 17:6

Anga ngi mona kuila o muhatu muenhú ua kodiua ni manhinga ma akua-Ngana Nzambi, ni manhinga ma ió a a jibha mukonda a kexile jifiiele jangene ja Jezú. O ki nga zubha ku mu mona, nga diuana kidiuanau kia dikota!

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

Dijingunuinu 20:10

Bhenhobho, o Diabhu ua a bhombo, a mu takuila ue mu kizanga kia túbhia ni xofidi, mu ala kiá o kiama a mu takuila momo kumoxi ni polofeta ia makutu. Enhá à kala muenhomo, mu ku a tatesa usuku ni muanha, mu mivu ni mivu sè dizubhilu.