Matesu 7:14 - O Mikanda Ikola

¹⁴ O kadibhitu-phe katolo, ni kanjila kòfele, kaia ku muenhu; athu kʼa kidi a ka sanga.

Matesu 7:14 ပူးပေါင်းရင်းမြစ်များ

Jisálamu 16:11

Eie u ngʼidikiza njila i bheka kuala muenhu, kuala kusanguluka kua mbote bhu pholo ié; o ku lukuaku lué lua kúdia sai-ku ima ia vondadi ki i kumu dingi.

Jisabhu 8:20

Ngi batesa muthu mu njila ia kuiuka, ngi mu endesa muʼaxaxi ka jihoka ja kutetuluka.

Izaía 30:21

O mátui mé, mà kévua dízui ku dima dié, di ku fuetela kuila: Iii iene o njila, endelenu muenhumu; kana kuabhukila ku lukuaku lua kúdia mba lua kiasu.

Izaía 35:8

Anga mua kà jikuka o kikoka ni njila, a kà ʼixana Njila Ikôla kifusa ka kà tena ku bhita-mu, maji ia kà kala ngó phala o mundu uê; o jingenji né-mbé kiá ioua, se a i tondala, vondadi iâ.

Izaía 57:14

Anga à kela: Sengululenu, sengululenu kikoka, iudikenu o njila; katulenu iẋinji mu njila ia mundu uami.

Jelemiia 6:16

Jihova uambe kiki: Kutukenu mu jinjila, mu tale nda mu ibhule ikoka ia xahulu, ioso o njila iauabha, muʼendele muenhomo; nda mu sange o dinhohenu dia jinzumbi jenu: Maji ene-phe exi: Nguetu kuenda.

Matesu 20:16

Jezú anga uila kiki, uixi: A sukidila, a kà ʼdianga; o a dianga, a kà sukidila.

Matesu 22:14

Mbata avulu a exana; atolo a a tungula.

Matesu 7:13

Bokuenenu bhu dibhitu dia tolo, mbata o dibhitu dia kulu ni njila iazanze iia ku ʼalunga; o athu a di bokona avulu.

Matesu 7:15

Dimukinenu o jipolofeta ja makutu, a mi kana mu izuatu ia jimbudi, maji moxi diâ-phe ala jimbinji jahame.

Marku 8:34

Bhenhobho Jezú anga u ixana o mundu, u a ambela kumoxi ni jixibulu je, uixi: Se muthu uambe kuiza ku dima diami, kikale u jimba ku di xinganeka muene, a zangule dikulusu die, nʼa ngi kaiele.

Luka 12:32

Jezú uixi dingi: Ki mu kale ni uôma, kakilunga kófele! Mukonda Tata ienu kia mu uabhela muène o ku mi bhana o Ungana.

Nzuá 16:2

Mu malombe, jinzo ja kusambela Nzambi, a-ndu mi kaia-kaia-mu! Kumbi dia-ndu kuiza dia kuila, uoso u mi jibha, u fika muene kuma ua bhange kia uabhela Nzambi.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.

Loma 12:2

Ki mu kaiele o funza ia mu ngongo mumu, maji ehelenu Nzambi a mi kitule kiengi, katé kilunji kienu kieza ku ubhe. Phala mu tongolole ioso o vondadi ia Nzembi, iauabha, ia ujitu, iatenena, i mu uabhela kiambote.

Loma 9:32

Mukonda diahi? Mukonda ka ki sotele mu kuxikana, maji ene a ki sota jinga mu ikalakalu iâ. Mu kiki ene a di bhukana ku Ditadi dia kidibhukanu,