Kala kiki, ngi mi ambela: Kana kuvula hele ia muenhu uenu, mba mu dia-hi, mba mu nua-hi; né hanji o mukutu uenu mba mu zuata-hi. Kífua ni muenhu ni kúdia, muenhu ki kota? Ni mukutu ni izuatu, manhi mukutu ki kota?
Jezú anga uambela jixibulu jê, uixi: Kala kiki, kiene ki nga mi ambelela kuila, ki mu kale ni hele ia muenhu uenu, muexi tu dia-hi? Né ia mukutu uenu, muixi tu zuata-hi?
Enu nga mi xila o kutululuka kuami; o kutululuka kuami ku nga mi bhana. O kuami eme ki ngi ku bhana kala ki ku bhana o mundu. Mixima ki i mi kenane, ki mu kale ni uôma.
Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.
Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.
Ki mu kale ni hele ia kima, ki mu ile bhidibhidi, maji ima ioso-phe iiza-ku, mu ila ni kusamba ni kudionda, kumoxi ni kusakidila, mu ende ni kubhinga kua Nzambi ioso i mua mesena.