Matesu 6:23 - O Mikanda Ikola

²³ O diesu-phe se dia ku iibha, mukutu ué uoso u kala muavundu. Kienhiki mukengeji ua ku kala moxi se uala kitombe, kuvunda kuenhoko kuahi ngó!

Matesu 6:23 ပူးပေါင်းရင်းမြစ်များ

Jisabhu 26:12

Eie ua mono muthu ua di fika njimu ku mesu mê muene? Muenhó, sembele o kiôua u mu dielela dikue muene.

Izaía 8:20

Inda tuila: Ku Kitumu ni ku Umbangi; ene se nguauá kuzuela kala kiambe o kizuelu kiki, o mukengeji ua kimene ka kà u mona.

Jelemiia 4:22

Ni kidi kiene o mundu uami a dianguka, ka ngijiia dingi; a di bhange mizunda ia ana, ka dimuka kana; ala ngó ni unjimu ua ku bhanga phulu, kejiiâ kubhanga mbote, lémbue.

Matesu 20:15

Kífua o kiami eme-muène, ki ngi bhangeʼami na-kiu kioso ki nga mesena? Eie o diesu diê di kala ni dixinga, mukonda diami eme nga bhange o mbote?

Matesu 6:22

Kandeia ka mukutu, o diesu. Kienhiki se diesu dié di kala dia iuka, mukutu ué uoso u kala muazele.

Marku 7:22

Maluimbi, úsueia, ufumbe, ufusa, dixinga, jindaka, kutatela, ukumbu, uoua.

Luka 11:34

O kimuiku kia mukutu-phe, o diesu. O diesu se dia ku iuka, mukutu ué uoso u kala mua zele; diesu-phe se dia ku zangiua, ni mukutu ué u kala mua vundu.

Luka 8:10

Muène, uixi: Enu a mi bhana o kuijiia ikutu ia Utuminu ua Nzambi. Athu amukuá-phe a a zuelela mu ifika, phala kia tala, a kambe kumona; o ki évua, a kambe kuijiia.

Loma 1:22

Ene a di tange exi tu jinjimu, maji a biluka ioua.

I Kolindo 2:14

Kuma o muthu kia kala ngó mukutu ua xitu, ua kambe o Nzumbi ia Nzambi, ka tena kutambulula ima ia Nzumbi ia Nzambi, u tokoka ku i tongolola. Mbata phala muène i mu kala uoua, ka tena ku ijiia, mukonda ima i bhinga a i tongolola mu nzumbi.

Efezo 4:18

Kuma ala athu a vundu mu ilunji. Mbata ene a sanduka ku muenhu u tunda kua Nzambi, mukonda dia kutobha kuala moxi diâ, ni mukonda dia kukola o miẋima iâ.

Efezo 5:8

Kuma enu-enu mʼ ukulu mua kexile mu kitombe, maji o kiki muala kiá mu mukengeji mua Ngana. Endenu-phe ni kuenda kala anʼa mukengeji.

I Nzuá 2:11

O uoso-phe u zemba phangʼiê, uala mua vundu, uenda mu kitombe, kejiia kuoso ku a di tela, mukonda o usuku ua mu fuisa o mesu.