Matesu 6:20 - O Mikanda Ikola

²⁰ Lundenu-phe jimbongo mu diulu, ki mu moneka tubamba ni fuluja i jikinisa, mba miii i kanda, i nhana.

Matesu 6:20 ပူးပေါင်းရင်းမြစ်များ

Izaía 33:6

Mu ithangana ié, Ziione, ki kuà kala kima ki ku bhanga kiaiibha; ni kubhuluka, ni unjimu ni kuijiia, kua kà vula muene; anga o kuxila Jihova kua kà kala jene o jimbongo jé.

Matesu 19:21

Jezú ua mu ambela, uixi: Eie se ua mesena kutenena, ndé, kà sumbise ioso i uala na-iu, o jimbongo jê u ji uanene jingadiama, phala u kale ni jimbongo mu Diulu, nda uize kiua u ngi kaiele eme.

Matesu 6:19

Kana ku di lundila jimbongo mu ngongo, mua bhingi tubamba ni fuluja i jikinisa, o miii i kanda, i nhana.

Marku 10:21

Jezú ua muʼixi sui, ua mu zolo. Anga u mu ambela, uixi: Eie kima kimoxi ngo kia ku kambe-ku: Ndé, ka sumbise ioso i uavu, o kitadi u ki uanene jingadiama, mbe u kale ni jimbongo ku diulu; nda uize kiua, u ngi kaiele.

Luka 12:33

Sumbisenu ioso i muala na-iu, o kitadi ki tunda-mu, mu ki bhane jingadiama. Iudikenu jisaku ji kamba ku kuka, ni jimbongo ku maúlu, ji kamba kúbhua. Mukonda o koko kuene ku kididi kia bhingi ki ku bhiti muíi, ki kuene ue kabamba ka kesa.

Luka 18:22

Kia kʼivu, Jezú u mu ambela, uixi: Kua ku kambe hanji kima kimoxi: Sumbisa ioso i uala na-iu, o kitadi u ki uanene o jingadiama, phala u kale ni jimbongo mu diulu. Nda uize kiua, u ngi kaiele eme.

I Timote 6:17

Oso ala jimvuama mu ngongʼumu, a tendelele, ka di kake, ka dielele o jimbongo ja makutuʼiji, ki ji tena kubhandulula kima. Maji a dielele Nzambi, Ió ua tena ku tu bhana kumona kia nzungule o ima ioso ia kuzediua phala o mbote ietu.

I Timote 6:19

Mu kubhanga kiki, a kale mu lunda dimanenu diambote katé bhu thembu ia hàdia, phala kienhokio a tene kunganhala muenhu, uene o muenhu ua kidi.

Jihebeleu 10:34

Enu mua tale o hadi kumoxi ni ene oso a kexile ku malubhambu mu jikaleia. O kia mi bhundu o imbamba ioso i mua kexile na-iu, mua xididika ni ngalasa mu ima ioso íii, mukonda mu ejiia kuma mu avu jimbongo ja beta ujitu, ja kà xalela-ku, ku diulu.

Jihebeleu 11:26

O muondo ua Kristu phala muène kota dia nganhu, o jimbongo joso ja Ijitu ndenge. Kuma muène ua tele mesu ku dilau dià keza-ku.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.

I Phetele 1:4

Uila kiki, tua kinga kutambula kua Nzambi o mabesá ma bhakela o mundu uê. Muanda kumona o undundu ki uene kubola, ki uene kuxila, ku uene kulela, ua mi xikamena ku diulu.

I Phetele 5:4

Kioso o Mubhidi ua Dikota-phe kia kà tukuluka, mu tambule kitundu ki kia kà lela dingi.

Dijingunuinu 2:9

Nga ku ijiia o hadi ié i uene kutala. Ngejiia ue o uadiama ué u uala na-u, maji ni kidi eie uala-phe u mvuama! Ngejiia ni kuxinga kua ió oso ambe exi tu Jijudé, manhi ki Jijudé, maji ene ala kibuka kia tokala Satana!