Matesu 6:2 - O Mikanda Ikola

² Ki uila u bhanga o mbote-phe, kua iu ua bhindama, kana kutuamekesa koloneta ku pholo, uila ki bhanga akua mangonha, mu malombe ni mu jinzunga, ihi o kukala ni fuma ia athu. Ngi mi ambela kidi: ene a tambula kiá kisakidilu kiâ.

Matesu 6:2 ပူးပေါင်းရင်းမြစ်များ

Jisálamu 112:9

Kʼemina, maji u bhana, u uanena o jingadiama; ka kuata sonhi, o mútue uê u bhetuka muene ni kijingo.

Jisálamu 37:21

Mukua phulu u sobha ngó, maji ka futu dingi; Uaiuka-phe izuua ioso u kuatela henda, u bhana.

Jisabhu 19:17

Uoso u bindumuna ngadiama, ua sobhesa kua Ngana; Jihova muene hinu u mu futa o mbote iê.

Jisabhu 20:6

Avuluʼâ akua ku di-ta jinzabala, exi tu athu ambote; maji o muthu uala muene ni kitongola, mukua-hi muene ua mu bongo kiá?

Ndongixi 11:2

Ioso i uala na-iu uana ni sambuadi, né hanji mu dinake dia muthu, uanenu, mukonda eie kuijiia se mu ngongo hádia ku pholo kua-nda kuiza hadi iahi.

Izaía 10:6

Nga-nda ku mu tuma ku balukila muiji ua akua-mangonha, ngi mu tuma kuzoka ni mundu uami a bholomona o njinda iami, phala ku a bhûnda ioso ia tundu mu unhanga ni ku a tambula o madibhundila, ni ku a ta bhoxi pahala ku a diata-diata, mukua ni mathatha mu nzunga.

Izaía 58:7

Abha ku uane ue o mbolo ié ni uoso uala ni nzala? o jingadiama ja bhondalala, ja takuka ku makanga, u ji ongeka mʼonzo? o ki u mona mukua tuẋi anga u mu zuika, phala xitu ié, ku i suekele o pholo?

Izaía 9:17

Kala kiki o Jihova ka tena ku kala ku ngalasa ni minzangala iâ, o jihukunhi jâ ni atudiʼâ, Jihova ka xikina ku a kuatela henda, mbata ene-oso akua-mangonha, akua-phulu, makanu mâ mazuela ulaji uoso. Ku ima iosuʼiii-phe, njinda iê ki bhene bhu ia suku; maji hanji kia sunununa lukuaku luê.

Hozeia 8:1

Tá mbungu ku dikanu dié. Muene iu uiza kala holokoko phala kuvubuka mu dibhata dia Jihova, mukonda ene a matuka o kikutu kiami, o kitumu kiami a ki bhukumukina.

Matesu 15:7

Muala ni kàdia. Kidi kia Izaia, kia mi tange, uixi: Nzambi uambe:

Matesu 16:3

Mu kimemene, muexi: Lelu mvula! Kuma ku diulu kua kusuka, kualômbo. Akua mangonha! Muejiia kutungula o pholo ia diulu, maji mu lémbua kutungula o ijimbuete ia jithembu!

Matesu 22:18

Jezú-phe, kuma uejiia unguma uâ, uixi: Mu ngi bhombela-hi, mu akua mangonha?

Matesu 23:5

Ikalakalu iâ ioso-phe, a i bhangela ngó phala athu ku a mona: Talenu o iẋimbu ia zanze ia Maka ma Nzambi, ia soneka phala ku ita bhu mabhômo ni ku maku! Kengelelenu kioso kia kulu o mixiku ia izuatu iâ!

Matesu 23:6

A zola ididi ioso ia beta kuiuka mu jifesa, ni ibhuna ia ukota mu jinzu ja kusambela Nzambi.

Matesu 24:51

Anga u mu bhana kibetu kiavulu, u mu bhana kididi ni akua mangonha. Kuene kuà kala o kudila ni ku di kokota ku mazu.

Matesu 5:18

Mbata ngi mi tangela o kidi, katé bhua ka jimukina o diulu ni ixi, kana ngó kujimuka kapondo mba kama kosokoso kòfele ku Kitumu, katé bhua ka tenena o ima ioso.

Matesu 6:16

Luamukuá dingi, se muedi mu jila, kana di suuata, kala kua mangonha. Mukonda ene a di iibhisa jipholo jâ, athu ni a a mone kuila ajidi. Ngi mi ambela kidi, ene a tambula kiá kisakidilu kiâ.

Matesu 6:3

Eie-phe ki u bhanga o mbote, kuehele lúkuaku lué lua kiasu ni luijiie kioso ki bhanga lua kúdia.

Matesu 6:5

O ki mu samba, kana kukala uila akua mangonha. Kuma ene a uabhela kuimana ni kusamba mu malombe, ni mu jiphambu mu nzunga, phala athu ku a mona. Ngi mi ambela kidi, ene a tambula kiá kisakidilu kiâ.

Matesu 7:5

Kamangonha! Dianga hanji kukatula o kimuẋi mu diesu dié eʼ muène, nda u mone kiua kukatula o kakisoso mu diesu dia mukuenu.

Marku 12:39

Ni kusola o ibhuna ia jingana mu malombe, ni ididi ia ukota ku jifesa.

Marku 7:6

Muene ua ambela, uixi: Mu akua mangonha! Izaia kidi kiê kia mi soneka enu, uixi: Nzambi uambe kuma: Athu ia a ngi xila ngo ni mizumbu ia, maji o miẋima ia-phe ia ngi kala kua lebha.

Luka 11:41

Kala kiki, ima ioso ia mi kala moxʼa kopho ni dilonga, bhanenu-iu ku jingadiama, nda ima ioso i mi kale iazele.

Luka 11:43

Lamba dienu, enu mu jifalizeu! Mukonda enu mua zolo kiavulu o ialu ia dianga mu malombe, ni ku mi menekena ni ujitu uoso bhu itanda.

Luka 12:33

Sumbisenu ioso i muala na-iu, o kitadi ki tunda-mu, mu ki bhane jingadiama. Iudikenu jisaku ji kamba ku kuka, ni jimbongo ku maúlu, ji kamba kúbhua. Mukonda o koko kuene ku kididi kia bhingi ki ku bhiti muíi, ki kuene ue kabamba ka kesa.

Luka 12:56

Akua mangonha! Enu muejiia kutungula o pholo ia ixi ni diulu, mua lémbua-phe kiebhi kutungula o izuua i tualʼ iii?

Luka 13:15

Ngana-phe ua mu kumbulula, uixi: Mu akua makutu! Manhi bhuala muthu mudienu u kamba kujituna o ngombe iê, mba bulu iê mu kibhanga, ni a i bheke mu kunua?

Luka 20:46

Di langienu ni asoneki, kuma a uabhela kuenda ni izuatu ialebhelela, ni ku a menekena ni ujitu uoso bhu jisoki ni bhu itanda, bhu ezala o mundu. A sola ididi ia dianga mu jinzo ja kubhezela Nzambi, ni ididi ia ukota mu jifesa.

Luka 6:24

Enu-phe, lamba dienu, mu jimvuama, mukonda mua tambula kiá o mbote ienu.

Luka 6:42

U tena kiebhi kuambela phangiʼé uixi: Phangiʼami, izá ngi ku katule kisemu mu diesu, eiʼmuène ua lémbua kumona o thùnga iala mu diesu dié eiʼmuène? U mukua makutu! Dianga hanji kukatula o thùnga mu diesu diéʼmuène, u mone kiua kiambote kukatula o kisemu mu diesu dia phangiʼé.

Nzuá 13:29

Amukuá a fika, mukonda Juda muene ua kuata o hutu ia kitadi, kuma Jezú ua mu ambela kusumba ima ia kambe-ku mu kubhanga o fesa; mba ua mu ambela kubhana kima ku jingadiama.

Nzuá 5:41

Eme ki nga mu sota fuma ku athu. Mukonda enu nga mʼijiia kiambote.

Nzuá 5:44

Mu tena kiebhi o kuxikana, se enu mu di bhana fuma mudienu, o fuma-phe i tunda ngó kua Nzambi nguenu ku i sota?

Nzuá 7:18

Uoso u di zuela ue muène, ió ua mu sota ku di fumanesa muène. Maji uoso-phe u sota kufumanesa ió ua mu tumu, muenhó mukua kidi, ku muẋima ue ki kuala makutu.

Jipoxolo 10:2

Muène mubhezi, muthu ua ujitu, u xila Nzambi ni dibhata diê dioso. Mukua kubhana jimola javulu mu kukuatekesa o Jijudé, oso ala jingadiama, ni kusambela jinga Nzambi.

Jipoxolo 10:31

uixi: Koloneliu, misambu ié Nzambi ua ivu iú ua lembalala ioso i uene kubhanga mu kukuatekesa o jingadiama.

Jipoxolo 10:4

O muène kia mu edi sûi, ni uôma ua mu kuata, uixi: Kiebhi, Ngana! Uixi, Nzambi uevu o misambu ié, ni jimola jé ji uene mu bhana o jingadiama, ja bande kuma dilembalelu bhu pholo ia Nzambi.

Jipoxolo 11:29

Kieniokio jixibulu joso, kala muthu kioso kia soko na-kiu, a sola kusanga ngasu ia kutuma kubindumuna jiphange ja tungu mu Judeia.

Jipoxolo 24:17

Kua ngi bhitila mivu iavulu ku makanga, eme ngejile kubhekela o kifuẋi kietu jimola ni maujitu.

Jipoxolo 9:36

Kiki ku Jopa ku kala xibulu ia muhatu dijina diê Tabita. (Mu Ngeleku ku di lombolola ela: Kasexi). Muhatu iú ua vula jimbote ni jimola jene kubhanga mu kukuatekesa o jingadiama.

Loma 12:8

Se ua kubhetula akuetu miẋima, tu a bhetule muene. Uoso u uana ni akuâ kioso ki ala na-kiu, a ki bhange ni muẋima uambote. Uoso uala ni ukota ua kutumina, a tumine ni muanu. Uoso u kuatekesa akuâ ni ku a bhanga mbote, a i bhange ni kusanguluka.

I Kolindo 13:3

Se ngi bhana o jimbongo jami joso ji ngala na-ju mu kubhindumuna o jingadiama, katé ngi bhana o mukutu uami phala ku u oha mu tubhia, maji ngi kamba o henda, ki ngi bhanduluka-ku kima.

Ngalásia 2:10

Inda kima kimoxi ngó kia tu bhingile, o kulembalala jingadiama mu Jingeleja jâ; kienʼ iki kiene o kima ki nga suinina kiá, katé ni lelu o ku ki bhanga ni muanu.

Efezo 4:28

Uoso ua nhanéne, ka nhane dingi; inda a mateke kukalakala, mbé a kale ni muenhu uambote ua ujitu, nʼ a tene kukuatekesa mukuâ uoso ua bhindama.

I Tesalonika 2:6

Kiluua tu sota fuma ia ku tu ximana kuala athu, né ko kuenu enu, né ku athu engi. Sumbala se tuambele ku ki bhanga, tuejù tena ku mi nemena ue, kuma tu jipoxolo ja Kristu.

I Timote 6:18

A tume kuila a bhange jinge o mbote, mbé a kale ni umvuama ua ikalakalu iafuama, ende ni kubhana, ende ni kubindumuna akuá oso kala ni kima.

Filemone 1:7

Kuma eme ngala ni ngalasa iavulu ni kutululuka mukonda dia henda ié, mukuetu, kuma iene ku ngi suinisa. Mukonda eie uene mu kubhetula o miẋima ia mundu ua akua-Ngana oso.

Jihebeleu 13:16

O kubhanga o mbote ni ku di bhindumuna mudienu ki ku mi jimbe, mukonda ilumbu kala iii Nzambi ia mu uabhela kiavulu.

I Phetele 4:11

Uoso u zuela, a zuele kala kia fuama o maka ma Nzambi. O uoso u sedivila, a sedivile ku nguzu ia mu bhana Nzambi. Mu bhanga jinga kienhiki phala Nzambi a fumane mu ima ioso kua Jezú Kristu uavu o fuma ni unéne mu mivu ni mivu sé dizubhilu! Amén.

I Samuuele 15:30

Muene bhenhobho uixi: Nga te kituxi; kiki-phe ngi bhange kia ngó ujitu, nga ku diondo, bhu pholo ia adiakimi a mundu, ni bhu pholo ia Izalaiele, nda uize u ngi bheke, phala ngi bheze Jihova Nzambi ié.