Matesu 6:12 - O Mikanda Ikola

¹² Tu loloke o makongo metu, uila etu ki tu loloka oso a tu dia makongo.

Matesu 6:12 ပူးပေါင်းရင်းမြစ်များ

I Jisobha 8:30

Ivua-phe o kudionda kua mubhikʼé, ni kua kifuxi kié kia Izalaiele, kioso ene kia ku sambela mu kididi kiki, eie ívua ue bhu kididi kié ku diulu ku ua tunga; uívua-phe, anga u loloka.

I Jisobha 8:34

eie-phe ku maúluʼoko ívua, u loloke o kituxi kia kifuxi kié kia Izalaiele, phala Izalaiele u mu bheke dingi ku ixi i ua bhana o jitata jâ.

I Jisobha 8:39

eie-phe ivua ku mauluʼoko, ku ua xikama mu kibuta kié, anga u loloka, hé u bhanga kioso kia fuama anga muthu ni muthu u mu bhana kioso kia tokala o jinjila jê joso, oko eie ua ejiia o mixima mukonda eie, eie ngó uejiia o mixima ioso ia anʼathu.

I Jisobha 8:50

anga u loloka o kifuxi kié, kia ku tela o kituxi, ni kubhuma kuâ kuoso kua ku bhumina na-ku, anga eie u a bhanga henda bhu pholo ia ió ala ku a bhikisa, ene ue sembele a a kuatele henda.

Jisálamu 130:4

Maji eie-phe, u Ngana, u mukua kuloloka, phala athu ende jinge ni ku ku xila.

Jisálamu 32:1

Ua zedikua uoso kikuma kiê kióloloke, kituxi kiê kiabhu, a ki làmbe.

Makatukilu 34:7

Jihenda jê ji nangenena ku jimidi ja miji, hé u loloka o kubhukumuka, ni kuxibhaka, ni ituxi, maji ka ẋikina-phe kueha muedi ni ku mu ila ualungu, o kubhukumuka kua jitata, ku bhiẋika kuxixima ku ana ni alaula, katé ku muiji ua katatu ni ua kauana.

Izaía 1:18

Izenu-phe kiá, mu ngi sambulule, eme Jihova. Né-mbé ituxi ienu ia kusuka kala husu, ia-ndu zela mukuâ ni neve (o kikulakaji); né-mbé iedi nguí kala hundu, iila muene phalatatá mukuâ ni kindemba kia mbudi izela.

Daniiele 9:19

Eie Jihova, tata, ivua! Eie Jihova, tata, loloka! Eie Jihova, tata, tu suue, u sakalale mu kalakala, kana kukokoloka! Nga ku bhingi mu dijina dié eʼmuene Nzambi iami, tata; kuma diembu dié ni mundu ué afumana kuma a kutokala.

Matesu 26:28

Kuma iá ene o manhinga mami, ma di zunza mukonda dia mundu phala kuloloka o ituxi. Mene o manhinga ma kuatesa o Kikutu Kióbhe bhu kaxi ka athu ni Nzambi.

Matesu 9:2

Talesa-phe, a mu bhekela diiala dia kate kila, dia zeka bhu hama. Jezú, kia mono kuxikana kuâ, u ambela haxi, uixi: Mona, kuata muanu; ituxi ié iòloloke!

Marku 11:25

O ki mu kala mu kuimana ni kusamba, se kuala muthu mua mu kala ni phonzo, mu lolokiene, phala o Tatʼenu uala mu diulu a mi loloke ue ikuma ienu. [

Luka 11:4

Tu loloke o ikuma ietu; mukonda etu uetu tu loloka uoso u tu sombola. Ku tu ehele ku di bhala mu ku tu diangula.

Luka 13:4

Mba o kuinhi dia muthuʼ odio ni nake, diafu ku sabhalalu ia Silôua, ki ia a lundumukina, mua fika kuma enhó a beta kutondala, akuá oso mu Jeluzaleme ndenge?

Luka 6:37

Ki mu fike akuenu, phala enu uenu ka mi fike; ki mu êlese akuenu, phala enu uenu ka mi êlese; lolokenu akuenu, enu uenu Nzambi a mi loloke.

Jipoxolo 13:38

Ki tualʼ iki, ijiienu-kiu, akuetu, phange jami, kuma a mi tudila muloloko ua ituxi mu dijina dia Jezú iú.

Efezo 1:7

Mbata etu a tu kula mu kufua kua Kristu, kiene muène, oko ituxi ietu iòloloke. Mukonda o kiadi kia tu bhanga Nzambi ni kuvula kuoso, madiuanu mê mahi ngó!

Efezo 4:32

Inda kota o ku di kuatekesa mudienu, ni ku di xinganeka. Muenda ni ku di loloka, kala Nzambi kia mi loloka enu mukonda dia Kristu.

Kolose 3:13

Mu di lendukile ni kudikuatekesa mudienu, mu di loloka, se bhuala muthu ua di kuata ni mukuá. Kala muthu a loloke mukuá kala kioso Nzambi kia mi loloka enu, kiene ue ki mu bhanga jinga.