Matesu 5:7 - O Mikanda Ikola

⁷ A zediua akua henda, ene ue Nzambi u a kuatela henda.

Matesu 5:7 ပူးပေါင်းရင်းမြစ်များ

II Samuuele 17:28

eza ni jiháma ni malonga a menhʼa pholo, ni jímbia, ja mavu, ni tiliku ni sevada, ni fadinha, ni masa òkange, ni fava, ni fejá, ni jimbundu jamukua jòkange,

II Samuuele 22:26

Uoso mukua henda eie u mu idikiza henda; uoso mukua muẋima umoxi eie u mu idikiza muẋima umoxi;

Jisálamu 112:4

O muthu uaiuka, ni mu kitombe kúkia mukengeji uê; u kala mukua ujitu, mukua henda, mukua kiadi.

Jisálamu 112:9

Kʼemina, maji u bhana, u uanena o jingadiama; ka kuata sonhi, o mútue uê u bhetuka muene ni kijingo.

Jisálamu 18:25

Mukua henda, eie ue u mu idikiza henda; ua tetuluka, eie u ku mona kutetuluka.

Jisálamu 37:26

Kumbi dioso u kuatela henda, u bindumuna akuâ atate, o mbutu iê i zediua kiengi.

Jisabhu 11:17

Muthu ua mbote, u bhanga mbote ku muenhu uê; maji o kingumba kú diiala katé ni mukutu uê u u talesa hadi.

Jisabhu 11:25

Muenhu ua muthu ua uabhela ku uanena akuá, u mona mbote; kuma uoso u tekela, muene ue a mu tekela.

Jisabhu 14:21

Uoso u sebulula mukuá, uate kituxi; uoso-phe u kuatela henda kua iú ua tate, u bonga kuzediua.

Jisabhu 19:17

Uoso u bindumuna ngadiama, ua sobhesa kua Ngana; Jihova muene hinu u mu futa o mbote iê.

Izaía 57:1

Muthu uaiuka iu uia muʼalunga, kana-bhu muthu u ki xinganeka ku muẋima uê; athu a lenduka a ololabhu, kana-bhu-phe ulembalala kuila muthu uambote a dianga ku mu sondolola kioso o kuiibha kiluua kuiza.

Daniiele 4:27

Kala kiki, sobha, tata, xikina kaiula kamiʼaka, sota kubhanga kia iuka, u di bhuise ituxi, bhanga henda ku jingadiama, u di bhuise o phulu, kifua o kiki nga ki ambe sumba hanji kua ku xiala thembu ia ku di-bhola hanji ku mátui.

Hozeia 1:6

Anga muhatu u imita luamukuá, hé u bhanduluka monʼa muhatu. Nzambi anga u ambela Hozeia, uixi: Mu luke dijina dia Lo-Luhama; kuma o diembu dia Izalaiele ki ngi tona dingi ku di kuatela henda, ni kukuata kuia ni ku a loloka; maji iene ioso nga kà a katula na-iu.

Hozeia 2:1

Phange ienu ia diiala, mu lukiʼenu Ami (Mundu-Uami); ni phange ienu ia muhatu, mu lukiʼenu Luhama (A-tu-kuatela-henda).

Hozeia 2:23

Izalaiele nga kà mu phapha mu ngongo phala eme; Lo-Luhama nga kà mu kuatela henda, ió ka mu kuatelele henda ia kima; Lo-Ammí, ió ka kexile povo iami, nga kʼèla kiá: Eie u povo iami; o muene ue ua kʼèla: Eie u Nzambi iami.

Mikeia 6:8

Muene ka kuambela kiá, eie u muthu ua-kimi, kioso kia uabha, kia fuama, kia solo Ngana kuma kiene ki u bhanga, kuila ubhanga jinga kuiuka ni kubatula mu kidi, uzola kubhanga o mbote, ukala jinga mu kuenda bhu pholo ia Nzambi ié ni ku di tululula?

Marku 11:25

O ki mu kala mu kuimana ni kusamba, se kuala muthu mua mu kala ni phonzo, mu lolokiene, phala o Tatʼenu uala mu diulu a mi loloke ue ikuma ienu. [

Luka 6:35

Zolenu-phe o jinguma jenu, a bhangienu o mbote. Sobhesenu, sé ngó kukakula muthu mba mu kinga ku mi vutuila ki mua sobhesa. O kisakidilu kienu anga ki kala kia dikota, hé mu kala mu anʼa Nzambi ia Diulu. Mukonda muène mukua kulendukila athu a kambe kusakidila, a bhukumuka.

Loma 11:30

Maji enu ki mu Jijudé, mʼ ukulu mua xibhakele Nzambi. Maji o kiki Nzambi ua mi kuatela henda, mukonda dia kuxibhaka kua Jijudé.

I Kolindo 7:25

Ki tu kuata ku maka ma makudi a anʼa ilumba, ki ngala ni kijila kia ngi bhana Ngana. Maji ngi mi longesa-phe kioso ki nga fika, eme uami ngi muthu a ngi kuatekesa kuala Ngana kukala fiiele.

II Kolindo 4:1

Mukonda ia kiki, etu ki tu kala ni usudi, kuma o Nzambi, mu henda iê, muène ua tu bhana o kikalakaluʼiki.

Efezo 4:32

Inda kota o ku di kuatekesa mudienu, ni ku di xinganeka. Muenda ni ku di loloka, kala Nzambi kia mi loloka enu mukonda dia Kristu.

Kolose 3:12

Enu phe muala mu athu a Nzambi. Muene ua mi tungula phala mu kale mu athu ê, ua mi lumbu, ua mi zola. Kala kiki, enu zuatenu muẋima uanengana, ni kunheṗhuka, ni kubatama, ni kubelesela, ni kuxidikika.

I Timote 1:13

Muène ua ngi bhange kienhiki, sumbala mʼokulu nga diangele ku mu zuela kiaiibha, ni ku mu zukutisa, ni ku mu sombola. Maji o Nzambi ua ngi kuatelele henda, mukonda ki nga xikanene luua, o ioso i nga kexe mú bhanga ki nga i ijidile.

I Timote 1:16

maji o Nzambi-phe kiene kia ngi lolokela, phala ko kuami eme ngi dikota, Jezú Kristu edikize o kuxididika kuê kuoso kua ngi kala naku. Phala o kienhiki ki xalele mu kubhana kijimbuete kua enhó oso ku pholo a kènda ni ku mu xikana muène, nʼa tambule o muenhu ki uàbhua.

Jihebeleu 4:16

Uila kiki, tu bhiẋidienu bhu kiandu kia kiadi sé hele, phala Nzambi a tu kuatele henda. Bhenhobho tua kà tambula o kiadi ki tena ku tu bhandulula mu kumbi dia kubhondalala.

Jihebeleu 6:10

Kuma Nzambi ki mukua kaxixi. Muene ka landuka uila sedivisu i mua bhange i mu jimba, mba o henda i mu edikisa o dijina dîê mu kubhindumuna jinga anʼê a ngene, ni kiki hanji enu mu bhindumuna o jikidistá.

Tiiaku 2:13

Mukonda o Nzambi kia kà fundisa, ka kà lendukila athu ió a kambele kukala ni henda ia akuâ. Maji o kukuatela henda kua somboka o kufundisa.

Tiiaku 3:17

Maji o unjimu-phe u tunda bhulu, u dianga kuzela, anga u tululuka, u lenduka, u bhekela ukamba. Uene u vula kukuatela henda, u bhekela kubhongolola ibundu ia ibhangelu iambote. Ki u moneka katungu, mba u kala ni mangonha.

I Phetele 2:10

Mʼokulu ki mua kexile mu mundu ua Nzambi, kiki-phe muala mu mundu uê. Mʼokulu o henda ia Nzambi ki mua ijidile luua, kiki-phe mua tambula o henda iê.