Matesu 5:48 - O Mikanda Ikola

⁴⁸ Kikale-phe mu zubha kutenena kala kia tenena Tata ienu uenu mu diulu.

Matesu 5:48 ပူးပေါင်းရင်းမြစ်များ

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

II Samuuele 22:31

Njila ia Nzambi ia iuka, ki iene kulueza; kizuelu kia Jihova kia kidi, ki kiene mangonha; Jihova muene ngubu i xitila oso a lengela kua muene.

Jisálamu 37:37

Batekela o muthu u bhanga ima ia kidi, u tale kiambote uemana nzanza; kuma ku pholo kuia muthu ió, kuà kala kutululuka.

Ijila 11:44

Mbata Eme ngi Jihova Nzambi, ienu; di bhakienu-phe ni kuzela kuma Eme nga zela; kana ku di kasanesa o muenhu uenu ni tubamba tuoso tu zanzala ni kuendela ku mavu bhoxi.

Ijila 19:2

Ambela o kionge kioso kia anʼa Izalaiele, u a tangela kiki: Kibhinga muzela, mukonda Eme, ngi Jihova Nzambi ienu, ngazela.

Ijila 20:26

Ngi kexidienu mu athuʼami azele, mukonda Eme, Ngi Jihova, nga zela, kiene Eme ki nga mi tunguila mu ifuẋi ku mundu, phala mu kale mu athu ami.

Matesu 5:16

Kiene ue, o mukengeji uenu u muikine bhu pholo ia athu, ene a mone ima iambote i mu bhanga, ni a ximane Tata ienu uene mu diulu.

Matesu 5:45

Nda mu kale mu anʼa Tata ienu uene mu diulu. Kuma muène mukua kubhangesa dikumbi diê di bandela athu abhukumuka ni athu ambote, u tumikisa mvula ni kua ia aiuka ni ku ísueia.

Matesu 5:47

Se mu menekena ngó o jindandu jenu, muila muexi tua bhange-hi? Manhi ni akua matumbu, kejiia Nzambi, kene ue ku ki bhanga?

Luka 6:36

Kalenu mu akua henda, kala kiene Tatʼenu mukua henda.

Luka 6:40

Xibulu ki i tundu mesene iê ua mu longo. Suke xibulu ioso ki i zubha ku di longa, i soka ni mesene iê.

II Kolindo 13:11

Kia xala-ku phange jami, nga mi lekela. Sotenu o kutenena. Ivenu kiambote ioso i nga mù mi ambela. Kalenu muẋima umoxi. Tungenu ni paze. O Nzambi ia henda ni paze anga u kala ni enu.

II Kolindo 13:9

Kiene ki tu sangulukila, kioso etu ki tuila kala tua bhuila, enu anga mu kala ni nguzu. Kiene kiá ki tuene ku mi sambela phala enu mu tenene.

II Kolindo 7:1

O ki tualʼ iki, enu akuetu, o ikanenu ioso ienʼ iii ia tu tokala etuene. Tu dʼ iẋikienu, ni tu bhue o ufusa uoso ua xitu ni ua nzumbi, ni tu zubhe o kuzela, tu kale mù xila Nzambi.

Efezo 3:1

Mukonda dia kiki, eme Phaulu, ngi Pelezu ia Kristu Jezú, mu mulonga uenu mu akua matumbu.

Matendelelu 18:13

Eie-phe kikale utenena kala kia tenena Jihova Nzambi ié.

Matendelelu 27:10

Kala kiki, enda ni kutumaka jinga o dízui dia Jihova Nzambi ié, o ijiia enda ni ku i kumbidila jinga, ni jingonge joso, ji ngala ku ku tendelela lelu.

Kolose 1:28

Muène Kristu tuala ku mu kola etu, ku athu oso. Tuedi ni kudimuna athu oso, ni ku a longa ni unjimu uoso, phala ki bhu kale muthu u kamba kutenena bhu pholo ia Kristu, kizuua ki tu mu bheka kua Nzambi.

Kolose 4:12

Epafala muthu ua mi tokala mudienu kuenhoko, mubhika ua Jezú Kristu, ua mi menekena. Muène mukua ku mi bhângela luavulu mu kusamba kuê kua Ngana. Uene ku mi bhingila jinga phala Nzambi a mʼimike mu Maka mê, a mi bhane kukala mu adiakime mu nzumbi, ni kukala polondo ia kubhanga o vondadi ia Nzambi.

Tiiaku 1:4

O kukolokota kuenu-phe suinenu na-ku, phala ku mi zubhile kikalakalu kiê, mbè mu tenene, mu kale kivimba, sè kima kia mi kambe.

I Nzuá 3:3

Muthu uoso-phe mua Kristu u kuata kudielela kiki, ki bhinga u di zelesa kala kia zele muène Kristu.