Matesu 5:34 - O Mikanda Ikola

³⁴ Eme-phe ngi mi ambela: Kana kulôka; kana kulokela diulu, mbata kialu kia Nzambi kia ungana.

Matesu 5:34 ပူးပေါင်းရင်းမြစ်များ

Jisálamu 11:4

Jihova-phe uala hanji mu Tembulu ie ikôla; Jihova kiandu kiê kia xikama ku diulu; mesuʼê a tono muene ni kengelela, o ibhebhetela iê iala mù tonginina kiambote anʼatu mu ngongo.

Ndongixi 9:2

Mu ngongo ima ioso iene imoxi i bhita ku athuʼoso: O ki bhita ku muthu ua iuka, kiene ue ki bhitʼé ku muthu ua ibha; o ki bhita ku muthu uambote ni kua iú ua zele o muẋima, kiene ue ki bhitʼé kua iú ua xidi o muẋima; ki kala iú u bhana o jisata, uixi iú ka bhakula sata; ku tale iú ka xikina ku ta ituxi, uixi iú u ta ituxi; ku tale iú ka xikina kuloka uixi iú mukua kuloka.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 66:1

Jihova uambe kiki: O diulu kiandu kiami, oxi kibhuna kia inama iami; enu mu ngi tungila onzo ia kidifua kiahi? Kididi ki kuebhi ki ngi nhohena?

Jipoxolo 7:49

Diulu kiandu kiami, oxi bangu iami ia kutula inama. Enu-phe mu ngi tungila onzo ia kidifua kiahi? Kididi ki kuebhi ki ngi tula phala dinhohenu?

Tiiaku 5:12

Ku ima ioso-phe, phange jami, ki uila u bhana kizuelu kia kima kiosokioso, kota-kota kana kuloka, né kulokela diulu, nè kulokela oxi, nè mulôko uengi uoso-uoso. Se kua mi bhingi kutanga kima, mu ila kiene se kiene, mu ila kana se kana, mbé Nzambi ka mi êlese.