Matesu 5:29 - O Mikanda Ikola

²⁹ Kienhiki, o diesu dié dia kúdia, se diene diala ku ku bhalesa, lokola-diu u di texi dikanga. Mbata ujitu uê kota kutexi kidiandu kimoxi, ki ki soko ni kutexika mukutu uoso mu ifernu.

Matesu 5:29 ပူးပေါင်းရင်းမြစ်များ

Jobe 20:13

Anga u ku bhaka, ka kuehela, maji o kutouala kuê u ku jijila,

Matesu 10:28

Ki mu kale ni uôma ua iá a jibha ngó o mukutu, maji o muenhu ka u tena ku u tambula. Inda Nzambi mu kuatedienu uôma, kuma ió uasoko-bho kubuikisa ni muenhu ni mukutu mu ifernu.

Matesu 11:6

Uazediua ió uoso ka di bhukana mukonda dia kima kia mono ko-kuami!

Matesu 16:26

Muthu u bhanduluka-hi, se ua nganhala ngongo ioso, nʼa te-mu o muenhu uê? Inga muthu u bhanahi mu ta uenji ua muenhu uê?

Matesu 17:27

Phala-phe ka kale ni diba dia ku tu longolola-na-diu, ndeie ku kizanga, ua kà te nzolo mu menha, u kuate mbiji ioso i dianga kubanda. O ki u i jikula mu kanu diê, ua ká sanga-mu kitadi ki soka kufuta o mibhaku ietu. Tambula-kiu, ua kà a bhane phala eme ni eie.

Matesu 19:12

Mukonda ima i fudisa kusakana iavulu, kuma sai-ku makudi kiene kiá ki eniâ, tunde mu ku a vuala kuâ; sai-ku iá a a bhangesa ku kala makudi kuala athu; sai-ku iá ene kiá a di bhangesa makudi, mukonda dia Utuminu ua Diulu. Uoso ua tena ku ki tambulula, a ki tambulule.

Matesu 23:15

Lamba dienu, mu jimesene ja Kitumu ni enu mu jifalizeu, mu akua mangona! Kuma mu nhungana kalunga ni oxi mu kusota kubhanga ngó xibulu imoxi; o muthu kia kala kiá xibulu ienu, mu mu bhangesa ku mi tunda luiadi mu kukala monʼa ifernu, enu ndenge.

Matesu 23:33

Mu jinhoka, mu anʼa madiuta! Mua-nda kulenga kiebhi o kaxtiku ka ifernu?

Matesu 5:22

Eme-phe ngi mi ambela kuma, uoso u kuatela ngó mukuá njinda, u kala muêdi ua ku mu fundisa kuala afundixi. O uoso uâmba mukuá, uixi: U semenhi, u kala muêdi ku kionge kia jitata. Uoso-phe uila: U kiôua kia ngoho, u kala muêdi ua túbhia tua ifernu.

Matesu 5:30

Mba o lúkuaku lué lua kúdia, se luene luala ku ku bhalesa, batula-lu u lu texi dikanga. Mukonda ujitu uê kota kutexi kidiandu kimoxi, ki ki soko ni kuia mukutu uoso mu ifernu.

Marku 8:36

O muthu u bhanduluka-hi, se ua nganhala oxi ioso, nʼa i texila o muenhu ue?

Luka 12:5

Eme ngi mi londekesa-phe uoso mu mu kuatela uôma: Mu kala ni uôma ua Nzambi, ió kia zubha kujibha o mukutu, u tena ue ku mi takula mu ʼalunga ka túbhia. Xi, nga mi ambela muene: Kalenu ni uôma ua Nzambi! Muenió mu ẋidienu.

Loma 6:6

Kuma tua kʼ ijiia kuamba o muthu Uòkulu a mu batelele kiá ku dikulusu kumoxi ni Kristu, phala o mukutu uetu ua ituxi u jime, mbé ki tu kale dingi mú bhikila o ituxi.

Loma 8:13

Kuma se mua kaiela xitu, mua kinga kufua. Maji mu nguzu ia Nzumbi, se mua fuisa o imbamba i bhanga o mukutu, mu tambula muenhu.

I Kolindo 9:27

O mukutu uami-phe ngi u bhana jihuxi katé ki ngi u tolola, hé uenda ni kubelesela, mbé kuiengesa kuila, ku thandu dia kulonga athu o maka ma Njimbu Iambote, eme-muene hinu ngi dianguka.

Ngalásia 5:24

Oso-phe a tokala Kristu Jezú, o xitu a i fuisa kiá ku dikulusu, ni jingânji jê, ni jihanji ja uhabhu.

Kolose 3:5

Uila kiki, o jihânji jenu ja mu ngongo jala kukalakala moxi dienu, jibhenu-ju: ni undumbu, ni ufusa, ni hânji jaiibha, ni vondadi jabolo, ni luimbi, ku ma o luimbi lua soko ni kukaiela iteka.