Matesu 5:28 - O Mikanda Ikola

²⁸ Eme-phe ngi mi ambela kuma: Uoso ngó u tonginina muhatu ni ku mu kuatela luimbi, uatenê kiá phànda ku muẋima uê.

Matesu 5:28 ပူးပေါင်းရင်းမြစ်များ

Dimatekenu 34:2

Xikeme monʼa Hamolo, mukua Hivi, sobha iaʼxi ienhoio, monʼê ua diiala, kia mono Dinah, ua mu uabhela; anga u mu nhana, u zeka-nê u mu katula ujitu.

II Samuuele 11:2

Kizuua kia mukuá, kutula ku kiemba, Davidi u balumuka bhu hama iê, anga u kala mu kuimajana ku thandu dia inzo iê ia mbanza; o ku thandu diaʼnzo kuala, u mona muhatu uala ku dʼiẋika; o muhatu ku mu tala mesu ua uabha kiavulu.

Jobe 31:1

Nga te kikutu ni mesu mami; ngi ma talesa-phe kiebhi ku monʼa kilumba kia muzeletete?

Jobe 31:9

Se o muẋima uami ua diʼehelela kudiangukila muhatu, mba se ngaii ni kuzongojola bhu dibhitu dia mukuetu.

Jisálamu 119:96

Nga mono kuila ima ioso né iauabha, hanji kua i kambe; maji o kitumu kié-phe, ki kiene mbambe.

Makatukilu 20:17

Kana kukala ni luimbi lua inzo ia mukuenu, kana kukala ni luimbi lua muhatu a mukuenu, né mukalakadi uê ua diiala mba ua muhatu, né ngombe iê mba bulu iê, né kima kioso-kioso kiangene kia mukuenu.

Jisabhu 6:25

Uuabhelu ua pholo iê ki u ku sendule mu muẋima ué; muene kia kuata ku ku talesa, mesu mê kana ku a ehela ku ku diangula.

Izekiiele 23:16

O muene kia edi suií, a mu touo mu mesu, anga u tuma jiphunga ku Kaldeia mu kuʼexana.

Ijila 18:20

Mukajiʼa mukuenu kana kuzeka-nê mu kuta phanda, koko ku di bhekela dise.

Matesu 15:19

Mbata mu muẋima muene mu tunda ixinganeku iaiibha; makujibha, jiphànda, maundumbu, mauii, maumbangi ma makutu, makuxinga.

Matesu 5:22

Eme-phe ngi mi ambela kuma, uoso u kuatela ngó mukuá njinda, u kala muêdi ua ku mu fundisa kuala afundixi. O uoso uâmba mukuá, uixi: U semenhi, u kala muêdi ku kionge kia jitata. Uoso-phe uila: U kiôua kia ngoho, u kala muêdi ua túbhia tua ifernu.

Matesu 5:39

Eme-phe ngi mi ambela kuila: O dilebhu kana kubhânga na-diu. Uoso-phe u ku bhana huxi ku ditama dia kúdia, mu lunguluile ni diamukuá.

Loma 7:14

Kuma etu tuejiia kuila o Kitumu kima kia nzumbi. Maji eme-phe ngi muthu ua kufua, a ngi sumbisa ku ituxi.

Matendelelu 22:22

Se bhu kala diiala a mu sanga ua zeka muhatu uangene ua dikaza, kiiadi kiâ áfue muene, ni diiala dioso diazeka muhatu ni muhatu muene. Kuabhu-phe, mu kubhanga kiki Izalaiele mua i zelesa.

II Phetele 2:14

Katena kumona muhatu ku mesu, sè ku muʼandala ku mu bhanga kiaiibha, a lémbua kuzumbuka ku ituxi. Aia ni kunganala oso a tolo kuxikana. A kala ngó mù banza kunganhala kitadi! Ala athu a a bhubhidila kuala Nzambi!

I Nzuá 2:16

Kuma o ima ioso iene ku mundu, ki ima ia tundu kua Tata. O jihânji jaiibha ja luimbi lua xitu, o vondadi ia luimbi lua kumesena ima ioso i mona o mesu, ni izala mu ima ioso iene ku muenhu—ima ioso íii ia mundu.