Matesu 5:19 - O Mikanda Ikola

¹⁹ Kienhiki, uoso ku Kitumu u tondala-ku kijila kimoxi kia ndenge, anga u longa athu ku ki tondala, muène a mu ixana ndenge mu Utuminu ua Diulu. Uoso-phe u tumaka o Kitumu ni ku ki bhanga, hé u longa ue akuá o ku ki bhanga, muène a mu ixana dikota mu Utuminu ua Diulu.

Matesu 5:19 ပူးပေါင်းရင်းမြစ်များ

Jisálamu 119:128

Kala kiki, o ijila ié nga i mono kuiuka mu ima ioso; njila ioso ia makutu nguami na-iu dingi.

Jisálamu 119:6

Jisonhi-phe ki jeje ku ngi kuata, mukonda o itumu ié ioso nga i te muene muẋima.

Daniiele 12:3

Oso a dimukine mu kuenda kuâ, a kà lekujuka kala ki benha o muanha ua diulu, oso a longa jinga o mundu ku sota ni kukaiela o kulunga, à kà benha mukuâ ni jithéthembua katé ku hádia ni hádia.

Matesu 11:11

Ngi mi ambela kidi, kuma mu athu oso a a vuala ku ahatu, kiluua ku zangalala muthu ua tundu Nzuá dia Batizu. Uoso-phe uala-mu ndenge mu Utuminu ua Diulu, muenhó uala kota diê.

Matesu 19:28

Jezú anga u mu ambela, uixi: Kidi kiene ngi mi ambela, mu kikexilu kióbhe. Monʼa Muthu kia kà xikama ku kialu kia ungana uê, enu uenu mua ngi kaiela, mua kà xikama ku kuinhi dia ialu niʼiadi, mu fundisa kuinhi dia miji niʼiadi ia Izalaiele.

Matesu 20:26

Mudienu-phe ki ki kale kiki; uoso-phe mudienu ua mesena ukota, a kale ngàmba ienu.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Luka 1:15

Mukonda muène u kala kota dia muthu bhu pholo ia Ngana, ka kà nua vinhu, mba kúnua kuoso-kuoso ku kodiuisa; hé uizala-phe ni Nzumbi Ikôla, tunde kiá mu divumu dia mamʼá.

Luka 11:42

Lamba dienu-phe, mu jifalizeu! Mukonda enu Nzambi mu mu futa o dijimu dia kizaka, ni dia sabhola, ni dia tu-idima tuoso, o kufundisa-phe, mu kidi, ni henda ia Nzambi, mua i xé bhoxi. Mua fuamene kuila o iíi mu i bhanga, o ioio-phe ue ki mu i xi dingi.

Luka 9:48

Anga ua ambela ene, uixi: Uoso u tambulula kamonʼaka mu dijina diami, eme-muène a ngi tambulula. Uoso ue u ngi tambulula eme, ua tambulula uoso ua ngi tumu. Mukonda uoso mudienu ua beta o kutola, muenhó muène o dikota.

Jipoxolo 1:1

Mu divulu diami dia dianga, nga soneka o ima ioso ia bhangele Jezú ni ia longo tunde ku dimatekenu dia kikalakalu kiê,

Loma 3:8

Ki tuidila-hi tuixi; Tu bhangienu iaiibha, mbé mu iaiibha hinu mu tunde iambote? Ni kidize, amoxi-mu ene ku ngi tatela kuila kiene muene ki nga mu zuelʼ okio. Enʼió-phe o kuêla kuâ hádia kuà kala kua kidi muene.

Loma 6:1

O ki tualʼ iki tuila kiebhi? Manhi tu jiza ni kulaiela mu ituxi, phala o kiadi kia Nzambi ni ki subhuke dingi kiengi?

Loma 6:15

O kiki-phe? Manhi tu ta ituxi, mukonda ki tuala dingi bhoxi dia Kitumu, maji tuala kiá bhoxi dia kiadi kia Nzambi? Ki ki xikina!

Matendelelu 12:32

Endenu ni ku di tongesa kiambote mu kualuka ima ioso i nga mi tendelela eme; ku imaʼiii ki mu te-ku, ki mu katule-ku.

Matendelelu 27:26

Lamba dia ió uoso ufula kuẋikina kiambe o kitumu kiki, anga udituna ku ki kumbidila. Mundu uoso a kèla: Amén!

I Timote 6:11

Maji eie-phe u muthu ua Nzambi, ima ienhiʼii lenga-iu. U kaiele jinge o kuiuka, o kuxila Nzambi, o kuxikana, o kuzola, o kukolokota ni kubelesela.

Tito 3:8

Makʼama ma fiiele. Nga mesena u jiza ni ku ma tanga, ni ki bhekela kuila oso a xikana Nzambi, a kala ni muanu ua kukuatu kubhanga midimu ia mbote. Imʼiii ia uabha, i bhandulula athu enhoso.

I Phetele 5:4

Kioso o Mubhidi ua Dikota-phe kia kà tukuluka, mu tambule kitundu ki kia kà lela dingi.

I Nzuá 3:4

Muthu uoso u ta kituxi, ua bulu o Kitumu kia Nzambi, kuma kituxi o kubula o Kitumu.

Dijingunuinu 2:20

Nga ku êlesa-phe kima kimoxi. Kuma ua xididikila o muhatu ió Jezabele, ua mu dʼixana kuila polofeta ia Nzambi. Eie ua mu ehela kubhomba ni kulonga selevende jami kubhanga undumbu, ni kudia jisata ja makudia ma satela o itèka.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.