Matesu 5:16 - O Mikanda Ikola

¹⁶ Kiene ue, o mukengeji uenu u muikine bhu pholo ia athu, ene a mone ima iambote i mu bhanga, ni a ximane Tata ienu uene mu diulu.

Matesu 5:16 ပူးပေါင်းရင်းမြစ်များ

Makatukilu 34:35

Anʼa Izalaiele kienʼiki kia kexi ku mona o pholo ia Mozé; a mona jinga kuma kikonda kia pholo iê kí benha; maji Mozé-phe anga u di futa dingi kima kiedi kala uandanda mu pholo, katé kia bokona dingi mu kuzuela ni Ngana.

Jisabhu 4:18

Maji o njila ia athu a iuka-phe i di bhanga mukua ni mukengeji ua kimene, uia ni ku di bandekeza mu kuzela katé kuma ki ku zubha o kúkia.

Izaía 58:8

Kienhokio-phe kiene kia kà di-muika mukengeji ué kala kuma kuákie, o kuiluka kué-phe kuà keza lusolo; o kuiuka kué kua-nda kutuamena ku pholo ié, o kuema dié hé ku kaiela o kizunda kia Jihova.

Izaía 61:3

ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.

Matesu 23:5

Ikalakalu iâ ioso-phe, a i bhangela ngó phala athu ku a mona: Talenu o iẋimbu ia zanze ia Maka ma Nzambi, ia soneka phala ku ita bhu mabhômo ni ku maku! Kengelelenu kioso kia kulu o mixiku ia izuatu iâ!

Matesu 23:9

Ki mu ile muthu mu ngongo, Tata, kuma sai Tata ienu imoxi, uene mu diulu.

Matesu 5:45

Nda mu kale mu anʼa Tata ienu uene mu diulu. Kuma muène mukua kubhangesa dikumbi diê di bandela athu abhukumuka ni athu ambote, u tumikisa mvula ni kua ia aiuka ni ku ísueia.

Matesu 6:16

Luamukuá dingi, se muedi mu jila, kana di suuata, kala kua mangonha. Mukonda ene a di iibhisa jipholo jâ, athu ni a a mone kuila ajidi. Ngi mi ambela kidi, ene a tambula kiá kisakidilu kiâ.

Matesu 6:9

Kienhiki, mu kusamba kuenu, muila kala kiki: Tata ietu uene mu diulu, dijina dié a dixile.

Matesu 9:8

O mundu-phe, kia ki mono, uôma u a kuata, anga a ximana Nzambi ua bhana athu o nguzu kala kiki.

Luka 11:2

Jezú anga u ambela, uixi: Ki mu samba, muila kiki: Tata ietu, uaia ku maúlu, eneʼoso dijina diê a di kôlese. O Utuminu uê, uize.

Nzuá 15:8

Kiene ki bhekela athu kuximana Tata iami, se enu mua bhana ibundu iavulu, anga mu kala jinga mu jixibulu jami.

Jipoxolo 9:36

Kiki ku Jopa ku kala xibulu ia muhatu dijina diê Tabita. (Mu Ngeleku ku di lombolola ela: Kasexi). Muhatu iú ua vula jimbote ni jimola jene kubhanga mu kukuatekesa o jingadiama.

I Kolindo 14:25

O ikutu ia muẋima uê anga i tukuluka hé ki mu bhangesa kufidimika pholo bhoxi ni kubeza Nzambi, anga u zuela, uixi: Nzambi uala mudienu, ni kidi kiene.

II Kolindo 9:13

Ene a kà fumanesa Nzambi, mukonda dia kubhindumuna kuenu kuenʼiúku, kijimbuete kia kuila enu mua kaiela o Njimbu ia Kristu. A kà fumanesa ue Nzambi mukonda dia ujitu ua henda u mua bhana mu mukungu u muala ku a tumikisa ene ni mundu uoso kiá.

Ngalásia 1:24

Anga a kala mù ximana Nzambi, mukonda diami.

Efezo 2:10

Kuma etu tuala tu ufunu ua Nzambi muene, ua tu kalakela mua Kristu Jezú phala tu kale mù bhanga imbamba iambote, ioso ia tu iudikila Nzambi muène, phala tu kale mù kuendela-mu.

Efezo 5:8

Kuma enu-enu mʼ ukulu mua kexile mu kitombe, maji o kiki muala kiá mu mukengeji mua Ngana. Endenu-phe ni kuenda kala anʼa mukengeji.

I Tesalonika 2:12

Mbebhu enu phala muende kioso kia fuama kuuabhela Nzambi ua mʼixana kuzuama ku Utuminu uê ni ku fuma iê.

I Timote 2:10

Maji kota uzuatelu ua kubhanga ima iambote, kala kia fuama ahatu a sola kuxila Nzambi.

I Timote 5:10

Muène kikale ue a mu tumbula o ikalakalu iê iambote iene mu kubhanga, se ua sase kiambote ana, se ua zalela jinga asonhi, se ua sukula jinga o inama ia akua Ngana, se ua bindumuna jinga jingadiama, mba o imbamba ioso iambote ua i bhanga jinga ni muanu.

I Timote 5:25

Kiene ue ni ikalakalu iambote, sai-ku imoxi-mu ia di monekena kiá; o ioio ue ia kambe kumoneka, kenʼu tena ku i sueka.

I Timote 6:18

A tume kuila a bhange jinge o mbote, mbé a kale ni umvuama ua ikalakalu iafuama, ende ni kubhana, ende ni kubindumuna akuá oso kala ni kima.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Tito 2:7

Eie-muène, mu ima ioso, u a bhana phangu mu kubhanga ima ia mbote. Mu ulongelu ué ua kambe mangonha, u kala u mujitu, u mukua kidi.

Tito 3:14

O mundu uetu ue a di longe kubhanga midimu ia mbote, mbebhu o kubhindumuna, phala ene ue ka kambe kukala ni ibundu.

Tito 3:4

Maji kioso-phe kia tukuluka kiadi kia Nzambi, Mubhuludi uetu, ni henda iê ia kuatela muthu, ua tu bhulula.

Jihebeleu 10:24

Tu di xinganekienu mudietu, tu di suinise mu ku dizola, ni kubhanga o mbote.

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

I Phetele 3:1

Kiene ue enu ahatu beleselenu anume enu, phala né-mbe bhu kala ni iá a kamba kutumaka o maka ma Nzambi, ki bhekela ku a nganhala mu uendelu ua mbote ua ahatu â.

I Phetele 3:16

Maji mu ki bhanga jinga ni kubelesela, ni uôma. Mu kale ni kitongoluelu kiazele kia mbote. Phala o ima iene ku mi tatelʼ oio, jisonhi hinu ja a kuate oso a lebhula o uendelu uenu ua mbote mua Kristu.

I Phetele 4:11

Uoso u zuela, a zuele kala kia fuama o maka ma Nzambi. O uoso u sedivila, a sedivile ku nguzu ia mu bhana Nzambi. Mu bhanga jinga kienhiki phala Nzambi a fumane mu ima ioso kua Jezú Kristu uavu o fuma ni unéne mu mivu ni mivu sé dizubhilu! Amén.

I Phetele 4:14

Kuma se a mi bhana malebhu mu kukaiela o dijina dia Kristu, mua zediua. Mukonda kia lombolola kuila o Nzumbi ia fuma, Nzumbi ia Nzambi, ua mi tula ku thandu.