Matesu 5:14 - O Mikanda Ikola

¹⁴ Enu mu mukengeji ua mundu. Mbonge iòtunge ku thala ia mulundu, ki i xikina ku i sueka.

Matesu 5:14 ပူးပေါင်းရင်းမြစ်များ

Jisabhu 4:18

Maji o njila ia athu a iuka-phe i di bhanga mukua ni mukengeji ua kimene, uia ni ku di bandekeza mu kuzela katé kuma ki ku zubha o kúkia.

Izekiiele 5:5

O Jihova Nzambi uambe kiki: Iú kiá muene Jeluzaleme! Nga mu te mu kaxi ka miji ni ka jixi ja mu kala mu jimbandu.

Nzuá 12:36

Kioso ki muala hanji ni mukengeji, xikanenu o mukengeji, nda mu kale mu anʼ a mukengeji. Jezú ua ambela imʼiíi, anga u tunda-bhu, hé uia mu ku di sueka.

Nzuá 5:35

Nzuá ua kexile mukuâ ni kandeia ka uama, ka muika; enu-phe kia mi uabhelele kusanguluka kathangana mu mukengeji uê.

Nzuá 8:12

Jezú anga u kuata kua ambela dingi, uixi: Eme ngi mukengeji ua mundu. Uoso u ngi kaiela eme, kʼ ende mu ʼitombe, maji u kala ni mukengeji ua muenhu.

Nzuá 9:5

Kioso ki ngala hanji mu ngongo, ngala ngi mukengeji ua mundu.

II Kolindo 6:14

Ki mu sote ku di ta mu kikalakalu kimoxi ni iá a kambe kuxikana, kala enu uenu mua sokela-nâ. Kuma o kuiuka ku kala kiebhi mu kisangela ni kubhengalala? Mba o muanha u di lunga kiebhi ni usuku?

Filipe 2:15

phala mu kale mu athu ki mu moneka kuêla, ki mu moneka kulokalala, mu anʼ a Nzambi mua tenena sé kikuma, mua di lungu ni muiji ua athu a bhengalala, ezala ni ituxi.

I Tesalonika 5:5

Mbata enu oso muala mu anʼa mukengeji, mu anʼ a muanha. Etu ki tuala tu akua usuku, mba tu akua kitombe.

Dijingunuinu 1:20

O dijimbuluilu dia kijimbuete kia sambuadi dia théthembua di ua mono bhu lúkuaku luami lua dilu, ni dia sambuadi dia tundeia tua ulu, didi: O sambuadi dia théthembua, o ji-anjo ja tokala ni sambuadi dia Ngeleja; o sambuadi dia kandeia, o sambuadi dia Ngeleja.

Dijingunuinu 2:5

Xinganeka ditala di ua di bhale, u diele o ituxi ié ni kubhanga ima ia tokala mu kuandekela! Ki u kamba ku ki bhanga, hinu ngi ku sanga hé ngi ku sondolola o kandeia bhu kididi, se u kamba kudiela.