Matesu 5:1 - O Mikanda Ikola

¹ Kia mono o ifuẋi, u banda ku mulundu. O kia zubha kuxikama, jixibulu jê ji mu sanga.

Matesu 5:1 ပူးပေါင်းရင်းမြစ်များ

Matesu 13:2

Mundu uavulu, hé u mu bhongolokela, katé kia di longo mu bote, hé u xikama momo. O mundu uoso-phe uemana ku ndùndu.

Matesu 15:29

Jezú anga u tunda kuenhoko, hé uiza bhua zukama ni bhu kizanga kia Ngalileia. Anga u banda ku mulundu, u xikama koko.

Matesu 4:25

Ifuẋi ia makota anga i mu nhenganana, a tundu mu Ngalileia, ni mu Dekapolo, ni mu Jeluzaleme, ni ku sámbua dia Njolodá.

Matesu 5:2

Muène anga u jikula mu kanu diê, u kuata ku a longa, uixi:

Marku 3:13

Anga Jezú u banda ku mulundu, he u tuma kuixana oso a mesena muene; anga a mu sanga.

Marku 3:20

Anga u bokona mʼonzo, o kifuxi anga ki bhongoloka katé ni muéne ni maxibulu mé ka tenene ngó kúdia.

Marku 4:1

Muéne anga u kuata dingi kulonga bhu mbandu ia kizanga kia Ngalileia. Anga bhu bhongoloka kifuxi kia dikota, katé muéne ua di longo mu bote, ua xikama ku menha, o kifuxi, kioso kiemana ku ngonguenha.

Luka 6:12

Izuua ieneʼoio Jezú anga uia ku mulundu mu kusamba; anga u fula kilu mu usuku uoso ni kusambela Nzambi.

Luka 6:17

Jezú anga u tuluka ku mulundu ni ene, hé uimana bhu kididi kia sokelela, bhua mu bhongolokela o kifuẋi kia dikota kia jixibulu jê, ni athu avulu a tundu ku Judeia ioso, ni ku Jeluzaleme, ni ku ndúndu ia kalunga ku jisanzala ja Tilu ni Sidonha.

Luka 6:20

Jezú anga u bhetula mesu kuala o jixibulu jê, hé ua ambela, uixi: Mua zediua, enu mu jingadiama, mukonda o Utuminu ua Nzambi uà kala uenu.

Luka 9:28

Kia bhiti nake dia izuua tunde kia tele o maka iá, Jezú uambata Phetele, ni Nzuá, ni Tiiaku, anga u banda ku mulundu mù samba.

Nzuá 6:15

Jezú kia mono kuma andala kuiza ku mu ambata mu nguzu ni ku mu bhanga sobha, u tunda-bhu, anga uia ku mulundu kʼ ubheka uê.