Matesu 4:9 - O Mikanda Ikola

⁹ Anga u mu ambela, uixi: Ima ioso iii, ngi ku bhane-iu, se u ngi fukamena eme, ni ku ngi bheza.

Matesu 4:9 ပူးပေါင်းရင်းမြစ်များ

Jisálamu 72:11

Katé ni jisobha joso ji diunda bhu pholo iê; ilômbo ia miji ioso i kala mu mu bhikila muene.

Jisabhu 8:15

O jisobha ki u a mona kutuminʼokio, ni ilamba kioso kia iukisa o milonga, eme-muène na Unjimu ngala ku a bha-kiu.

Daniiele 4:32

A-nda ku ku kaia, o muʼaxaxi kʼathu u tunda-mu, inda utunga kiá ni iama ku mukáu; a-nda ku ku disa iangu kala ngombe, anga ukala kienhiki katé kua ku bhiti sambuadi dia jithembu, anga ki ku tetulukila kuamba, o Suke-ku mbé muene uene kutumina ma-ungana ma athu, uoso ua mu andala muene, muène a mu bhana-u.

Matesu 26:15

uixi: Mu ngi bhana-hi se Jezú ngi mi thelekalanê? Ene anga a mu pezalela makuinhi atatu a itadi ia phalata, hé a mu bhana.

Matesu 4:10

Jezú u mu vutuila, uixi: Tunda bhabha Satana! Mukonda kiosoneke kuma: Mu kubheza kikale u bheza Jihova, Nzambi ié, mune ngó u mu tumaka.

Nzuá 12:31

O kithangana kia kufundisa o mundu iú, kieza-bhu kiá. O sobha ia mundu iú a-nda ku mu kaia.

Nzuá 13:3

Jezú uejiia kuma Tata ua mu bhana o kutena kuoso bhu maku mê. Uejiia ue kuma muène ua tundu kua Nzambi, o kua Nzambi kuene kiá kua-nda kuia.

Nzuá 14:30

Ki ku ngi xala dingi kuzuela kithangana kiavulu ni enu, kuma o sobha ia mu tumina mu ngongʼ umu iu bhixila kiá; muene-phe ka ngi lende ni kima.

Nzuá 16:11

A bhambuka mù kuijiia ki kala o kufundisa, mukonda o sobha ia mundu iú a mu êlesa kiá.

II Kolindo 4:4

Ene a kambe kuxikana, kuma o nzambi iaiibha ia mundu iú ua bhake o ilunji iâ mua vundu. Muène ka ehela kumona o mukengeji ua a kiela, o mukengeji ió u tunda ku Njimbu Iambote ia fuma ia Kristu, muène o kidifua kia Nzambi kia kidi.

I Timote 3:6

O bispo ka kale muthu ua diela kindala, sumba uzangalala, o kuzangalala kuê hé ku mu bhekela izala, nʼa di bhale mu kuêla uila kia bhitile kua Diabhu.

Dijingunuinu 19:10

Eme anga ngi di bhala bhu inama ia anju phala ku mu bheza. Uixi-phe: Kana ku ki bhanga! Eme ue ngi selevende ni mukuenu, nga sokela ni phange jé oso a kuata o umbangi ua kidi kia Jezú. Bheza Nzambi! Kuma o kidi kia umbangi ua Jezú, uene o uanji u bhana huii ku jipolofeta.

Dijingunuinu 19:16

Ku kizuatu kiê, bhu ditabela, kuosoneke dijina, exi: Sobha ia jisobha, Ngana ia jingana.