Matesu 4:4 - O Mikanda Ikola

⁴ Muène-phe u vutula, uixi: Kiosoneke kuma: O muthu ki ku mbolo ngó kua muena o muenhu, maji ku maka moso ma tunda ku dikanu dia Nzambi.

Matesu 4:4 ပူးပေါင်းရင်းမြစ်များ

Makatukilu 16:15

Anʼa Izalaiele kia zubha ku ki mona, a dibhula mudiâ exi: O kiki kima kia-hi? kuma ka kʼijiia, kiluua a ki mona. Mozé anga u a ambela, uixi: O iii iene o mbolo, ia mi bhana Jihova phala ku i dia.

Makatukilu 16:35

Anʼa Izalaiele anga a dia maná mu makuinhi auana a muvu, katé kia bhiẋila ku ixi ia tungu athu; iá a dia jinga o maná katé kieza mu jimbámbe ja ixi ia Kanana.

Makatukilu 16:8

Mozé anga u kumbulula dingi, uixi: Mu ki mona, Jihova kianda ku mi bhana kúdia xitu mu ngoloxi, ki kukia anga mu dia mbolo katé muekuta; mukonda Jihova ua mʼivu o kuzuela kuenu, ku mua mu longolola na-ku muene. Mbata etu, etu akua-hi? Ki etu mua tu longolola, kuma mua longolola Jihova.

Makatukilu 23:15

Kizokola kia dianga ki mu kuata, kia jimbolo jʼòsusu; sambuadi dia izuua mu dia jimbolo jakambe felemendu, kala ki nga mi tumu, izuua i nga xindi ku mbeji ia Abibe, kuma iene o mbeji i mua katuka mu Ijitu; ki bhu kale muthu uiza-phe ni maku a hatu bhu pholo iami.

Matesu 15:11

Kima ki bokona mu kanu, ki kiene ki xidisa muthu; inda ki tunda mu kanu, kiene ki xidisa o muthu.

Matesu 4:10

Jezú u mu vutuila, uixi: Tunda bhabha Satana! Mukonda kiosoneke kuma: Mu kubheza kikale u bheza Jihova, Nzambi ié, mune ngó u mu tumaka.

Matesu 4:7

Kuala Jezú: Kiosoneke dingi kuma: Kana kubhumina Ngana, muene Nzambi ié.

Marku 7:20

Uixi: Kioso ki tunda moxiʼ a muthu, kiene ki kasanesa o muthu.

Luka 4:12

Jezú anga u mu vutuila, uixi: Kiòzuele mu Mikanda Ikôla kuma: Ngana dia Nzambi ié ku mu lokalale.

Luka 4:4

Jezú anga u mu vutuila, uixi: Kiosoneke mu Mikanda ia Ngana, kuma muthu ki ku mbolo ngó kua muena o muenhu.

Luka 4:8

Jezú anga u mu vutuila, uixi: Kiosoneke mu Mikanda ia Ngana kuma: Ngana dia Nzambi ié, muène ngó u mu bheza, muène ngó u mu bhikila.

Nzuá 15:26

O Mukuatekexi ió-phe, ua-nda kuiza, muène Nzumbi ia Kidi, u tunda kua Tata. Eme ngi mi tumikisa-nê koko kua Tata, anga u kala mbangi iami, mukonda ua-nda kuzuela ima ioso ia ngi tokala eme.

Nzuá 6:63

O Nzumbi ia Nzambi muène u bhana o muenhu; o muthu ka tena-phe kubhandulula kima. O maka iá, u nga mi tangela-nâ, a Nzumbi ni muenhu.

Loma 15:4

Kuma ima ioso iósokene mʼ ukulu mu Mikanda Ikôla, a i sonekena phala etu ku di longa, phala mu kinhenge, ni mu kutula o muẋima mu kutanga o Mikanda, tu kale ni kudielela.

Efezo 6:17

Tambulenu ue o kubhuluka kala kapasete, ni Maka ma Nzambi kala xibhata ia mi bhana kuala o Nzumbi Ikôla.

Matendelelu 8:3

Muene ua mi bateka, ua mi ehela kukala ni nzala, iu ua mi disa ni maná, enu nuka mua ijidile, né jitata jenu ue ka ijidile; phala ku mʼijidisa kuila muthu ka laiela ngó ku mbolo, maji ku ima ioso i tunda ku dikanu dia Jihova kuene kulaiela o muthu.