Matesu 4:3 - O Mikanda Ikola

³ Diabhu, anga uiza, u mu ambela, uixi: Eie se u Monʼ a Nzambi, tuma matadiʼ ama ma kituke jimbolo.

Matesu 4:3 ပူးပေါင်းရင်းမြစ်များ

Makatukilu 16:3

Anʼa Izalaiele anga a zuela kua ene, exi: Tamano tua fuile ku lukuaku lua Jihova, mʼoxi ia Ijitu, kioso ki tua kexile mu xikama bhu mbanduʼa jímbia ja xitu, anga tu dia o mbolo, hé tu i lémbua; enu-phe mua tu katula, enu mua tu bheka mu kikangalakatʼumu, phala kujibha o mundu uosʼú ni nzala.

Matesu 14:33

Maxibulu oso ala mu bote anga a mu bheza, exi: Kidi kiene, eie u Monʼa Nzambi.

Matesu 16:16

Kuala Ximá Phetele: Eie u Kristu, Monʼa Nzambi ia muenhu.

Matesu 26:63

Jezú-phe ua di xibhê. Nganga ia dikota anga u mu ambela, uixi: Nga ku lokesa mu dijina dia Nzambi ia muenhu, tu tangele mba eie u Kristu, Monʼa Nzambi.

Matesu 3:17

Tala, bhenhobho ni dízui di tunda mu diulu, dixi: Muenhú Monʼ ami a kazola, ua ngi uabhela kiambote.

Marku 1:1

O njimbu iambote ia Jezú Kristu, monʼa Nzambi, ia mateka.

Marku 3:11

Ni oso ala ni jinzumbi ja xidi, kia mu mona, a di bhala bhu pholo ie ni kudikola, exi: Eie, Ngana, u Monʼa Nzambi!

Marku 5:7

anga u di kola ni dízui dia suina, uixi: Eme nga kuata-hi ni eie, u Jezú, u Monʼa Nzambi, ua suka ku ukota? Nga ku bhingi mu dijina dia Nzambi, kana ku ngi talesa hadi.

Luka 1:35

Mukunji u mu vutuila, uixi: O Nzumbi Ikôla ua-ndu tuluka ku thandu dié, o nguzu ia Nzambi ia Diulu ia-nda ku ku vungina kizúzumbia kiê. Ki bhangesa kuila o mona ukôla ua-nda ku mu vuala, a mu ixana Monʼa Nzambi.

Luka 22:70

Bhenhobho anga ene oso muene a zuela, exi: Mbebhu eie u Monʼa Nzambi muene? Muène ua ambela, uixi: Kidi kiene, enuʼenu mua ki tange.

Luka 4:3

Diabhu anga u mu ambela, uixi: O ki kala eie-muène u Monʼa Nzambi, tuma ditadi didi di kituke mbolo.

Luka 4:41

Athu avulu, madimonho ma tunda mu mikutu iâ ni ku di kola, exi: Eie Ngana, u Monʼa Nzambi! Muène-phe u kala mu ku a bazela, ka ehela kuzuela, mukonda ene a mu ijiia kuma muène Kristu.

Luka 4:9

Anga u mu bheka mu Jeluzaleme, u mu imanesa ku thandu dia kipena kia Tembulu, hé u mu ambela, uixi: O ki kala eie-muène u Monʼa Nzambi, tuka bhabha, u tule bhoxi,

Nzuá 1:34

Eme nga ki mono kiá, kiene ki nga bhela umbangi, kuma muenhú Monʼa Nzambi.

Nzuá 1:49

Natanaiele ua kumbulula, uixi: Mesene, eie u Monʼ a Nzambi! Eie Ngana, u sobha ia Izalaiele.

Nzuá 20:31

Maji imʼiíi-phe iòsoneke, phala enu ni mu xikane, kuma Jezú muène Kristu, Monʼ a Nzambi. Mbé o ki mu mu xikana, mu kale ni muenhu ki uábhua.

Nzuá 9:35

Jezú ki evu kuma muthu ió mʼonzo ia kusambela Nzambi a mu kaiesa-mu, u takana-nê, hé u mu ambela, uixi: Eie ua xikana o Monʼa Nzambi?

Jipoxolo 9:20

Muene kithanganʼ okio, mu malombe ma Jijudé, u kuata kulonga o Njimbu ia Jezú, kuma: Muène Monʼ a Nzambi!

II Kolindo 1:19

Kuma Monʼa Nzambi, Jezú Kristu, tua mu kola muʼaxaxi kenu, eme ni Sidivanu ni Timote, kene kuila kindala kiene, kindala kana, maji mukua kiene mu kiene.

Ngalásia 2:20

Kiki ki eme dingi ngala ku muenhu, maji Kristu uala ku muenhu moxi diami. O kiki o muenhu u ngala na-u mu xitu, nga u muena mu kuxikana Monʼa Nzambi, ió ua tenene ku ngi zola ni ku di bhakula mukonda diami.

I Tesalonika 3:5

Mukonda dia kiki, eme uami kia ngi kumu o kukala ni héle ia kuxala ubheka, eme nga tumine Timote kuijiia kioso ki mua mu kuenda mu kuxikana kuenu. Sumbala o Diabhu ue ka tena ku mi diangula kinéne, o kukalakala kuetu kuoso ni ku-iê ngó!

Jihebeleu 12:16

Di langienu ue phala ki bhu kale muthu u kala ndumbu, mba kifusa kala Ezaú ua sumbisile o ukota ue mu dilonga dimoxi dia kudia.

Jihebeleu 4:14

Uila kiki, tu kolokotienu mu kuxikana ku tuala na-ku. Kuma tuala ni Nganga ia Dikota uala bhu pholo ia Nzambi—Jezú, o Monʼ a Nzambi.

Jihebeleu 7:3

Ka moneka tata, ka moneka mama, Melekizedeke ka moneka Uvadiue mba ufuilu uê. O kia di fangana Monʼa Nzambʼiki, u kaiela-ku ku unganga, nuka a tunda-ku dingi.

I Nzuá 3:8

Uoso u jijila kuta ituxi, ua tokala kua Diabhu, kuma o Diabhu mukua ituxi tundé ku dimatekenu dia mundu. Kiene kia bhekelele Monʼa Nzambi kutukuluka, phala a muange o ikalakalu iene mu bhanga Diabhu.

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.