Matesu 4:24 - O Mikanda Ikola

²⁴ Fuma iê anga i sambuka mu Sídia ioso. Hé a kala ku mu bhekela jihaxi joso, a vulu makukata, ni iá a saluka ni madimonho, ni iá a kate kikonha, ni iá a kate kila; ene oso anga u a saka.

Matesu 4:24 ပူးပေါင်းရင်းမြစ်များ

II Samuuele 8:6

Davidi anga u ta jipoxto mu Sídia ia Damasku, akua Sídia anga a kala mu bhikila Davidi, enda ni ku mu bhakuila madijimu. Jihova anga u bhana uzonda kua Davidi, kuoso-kuoso kuambe kulunga ni kúlua, u kala mu tolola.

I Jisobha 10:1

Anga Na Mvuale ia Sabá kievu o fuma ia Solomá ni kutumbula dijina dia Jihova uiza ku mu lolela mu ifika.

I Jisobha 4:31

Muene ue kiá o muthu uabetele mu kuijiia athu oso ndenge, kuma muene ua kexile kota mu kuijiia. Etane, mukua Zola ndenge, o Hemane, ni Kalekale, ni Dana anʼa Mahole ue, ndenge. O fuma iê anga idimuangena mu jixi ku jimbandu joso.

I Malunda 14:17

Kienhiki dijina dia Davidi difumana mu jixi joso jenhojo; o Jihova anga uta uoma uê ku thandu dia mundu uoso uenhó.

I Malunda 29:2

Eme-phe, ni nguzu iami ioso, nga iudika kiá phala inzo ia Nzambi iami, ulu phala ikalakalu ia ulu, phalalata, phala o ikalakalu ia phalata, kobidi, phala o ikalakalu ia kobidi, ni felu, phala o ikalakalu ia felu, ni miẋi ia thungu, ni matadi a saldonika, ni matadi osete, ni matadi a kusokejeka, ni matadi oso a fina, ni matadi a nzungule a málmole.

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Matesu 12:22

Kienhiki a mu bhekela muthu uala ni dimonho, uala kifofo, uala dibubu, Muène anga u mu saka, o ua kexile kifofo, dibubu, u kala mu zuela, u kala mu mona.

Matesu 14:1

Bhu thembuʼobho, Helode dia tetalaku, muenexi a Ngalileia, anga uívua o fuma ia Jezú.

Matesu 15:22

Talesa-phe muhatu a mukua Kanana u tunda mu jimbanduʼ omo, anga u di kola, uixi: Ngi kuatele henda, Ngana, u monʼ a Davidi! Monʼami ua muhatu, Diabhu dia mu salula kiaiibha.

Matesu 17:15

Ngana, monʼami mu kuatele henda! Kuma muène uene ni kikonha, ua kate kiaiibha, kua bhingi ua di bhale kiá luavulu mu túbhia, ua di bhale ue kiá luavulu mu menha.

Matesu 17:18

Jezú anga u bazela o dimónho, dimónho anga di tunda mu mukutu uê. Mona anga u disanza tunde mu kumbi dienhódio.

Matesu 4:23

Jezu anga u nhunga Ngalileia ioso ni kulonga mu malombe mâ, ni kuta Maka ma utuminu ua Nzambi, ni ku saka jihaxi ni inema muʼ axaxi ka mundu.

Matesu 8:28

Kia zubha kukuaka ku sámbua, kʼ oxi ia akua Ngandala, u takanesa ni mala kiiadi, ala ni madimonho. A mu tunda mu jimbila mua balukila. A saluka kinéne, kua bhingi kana muthu ua tena kubhita-bhu, bhua batukila ene.

Matesu 8:33

Athu a kexile ku jinga, anga a lenga, aia mu mbonge, hé iene ioso a i jimbula, ni kioso kia bhiti na-kiu athu a salukile ni madimonho.

Matesu 8:6

Ngana, selevende iami iú ua zeka monzo, ua kate uhaxi ua kila, ua tate kiavulu.

Matesu 9:26

O fuma iê ienhiʼii anga i sambuka mʼ oxi iosuʼ oio.

Matesu 9:35

Jezú anga u nhunga mu jimbonge joso ni mu jisanzala, ni kulonga mu malombe, ni kuta Maka ma Utuminu uê, ni kusaka jihaxi joso ku makukata mâ ni ku mauhaxi mâ moso.

Marku 1:28

O fuma ia Jezú kithanganʼokio anga i sambuka mikau ioso mʼoxi ioio ia Ngalileia.

Marku 1:32

Mu ngoloxi, kia tula o dikumbi, a mu bhekela jihaxi joso jala kukata, ni ia a saluka ni madimonho.

Marku 2:3

a mu bhekela haxi ia kila, a mu ambata kuala kiuana.

Marku 2:4

O ki a sange kuila ka tena ku mu bhixila mukonda dia mundu, a muanga onzo kuthandu bhuoso bhuemana Muéne; o ki a zubha kubhanga dizungu, muanza bhuala mu katela o haxi ia kila, a u zoza ni mikolo.

Marku 2:9

Kiebhi kia uabha-bhu ku ki bhanga? O kuambela haxi ia kila kuila, ituxi ié ióloloke? Inga kuila: zangula muanza ué, uie ni kuenda?

Luka 2:2

O ku soneka kua diangʼuku kua bhiti kioso ki ala Siléniu nguvulu mu Sídia.

Luka 4:14

Jezú anga u vutuka ku Ngalileia, ua zuata nguzu ia Nzumbi. O fuma iê anga i sambuka mʼoxi iosuʼoio.

Luka 4:38

Jezú anga u katuka mu dilombe, u bokona mʼonzo ia Ximá. Ukouʼa Ximá, ua muhatu-phe, febele ia mu kuata kiavulu; anga a mu bhinga nʼa mu kuatele henda.

Luka 5:15

Sumbala Jezú uazuela kiki, fuma ie-phe hanji iaii ni kusambuka ku mbandu joso, o ifuẋi iavulu anga i kala mù kuiza ku mu ívua, ni ku a saka o mauhaxi mâ moso.

Luka 5:24

Phalʼenu-phe mu kʼijiie kuma eme ngi Monʼa Muthu ngala ni kutena mu ngongo, kua kuloloka o ituxi, eie u haxi: Balumuka, u zangule hama ié uie ku bhata dié.

Luka 7:17

O fuma iíi ia Jezú, anga i sambuka mu Judeia ioso, ni mu jimbandu ja kamukuá ja kondoloka.

Nzuá 10:21

Amukuá exi: Iá ki maka ma mukua-dimonho. Uala ni dimonho, ka zuela kiki! Kaxi dimonho, di tena kujikula mesu ma kifofo?

Jipoxolo 10:38

Muejiia ue o maka ma Jezú dia Nazalé, kioso Nzambi kia mu undu ni Nzumbi Ikôla, iú ua mu bhana ni kutena. Muène anga u nhunga ku mbandu joso ni kubhanga o mbote, ni kusaka oso a a tatesa kuala Diabhu, kuma Nzambi uala-nê.

Jipoxolo 15:23

Anga a a sonekena mukanda ua kuila kiki: Ni etu tu Jipoxolo, ni Adiakime, jiphange, tua tumu kumenekena o jiphange ja akua ʼxi mu Andiioka, ni mu jimbandu joso ja Sídia, ni mu Silixa.

Jipoxolo 15:41

Phaulu anga u bhita mu, Sidia ni mu Silisia ni kukolesa o miẋima ia akua jingeleja.

Jipoxolo 28:9

Kiki ki kia bhiti, oso dingi mu kikôlo ala ni mahaxi, eza, hé a a saka.

Jipoxolo 8:7

Kuma ku kala athu avulu o nzumbi jaiibha jala na-ju ji tunda ni ku di kola; avulu a kate kila, ni iá a nemana, anga a disanza.

Josuué 6:27

Kienhókio, Jihova anga u kala kumoxi ni Josuué; anga o fuma iê iia mʼoxi ioso.