Matesu 4:23 - O Mikanda Ikola

²³ Jezu anga u nhunga Ngalileia ioso ni kulonga mu malombe mâ, ni kuta Maka ma utuminu ua Nzambi, ni ku saka jihaxi ni inema muʼ axaxi ka mundu.

Matesu 4:23 ပူးပေါင်းရင်းမြစ်များ

Jisálamu 103:3

Muene u ku loloka ituxi ié ioso; hé u saka mahaxi mé moso;

Jisálamu 74:8

Ambe ku mixima iâ, exi: Tua muanga-muange muene, a bhue-bhu; o malombe oso a Nzambi, mʼoxi ioso a mʼoha.

Matesu 11:5

O ifofo ií tona mesu, inema ií ienda, jihaxi ja dibhute jí jiluka, mixilu ií ívua, madifundu iá a fukunuka, o jingadiama a ji tangela o maka ma Njimbu Iambote.

Matesu 12:9

Bhenhobho anga u tunda-bhu, uiza mu dilombe diâ. Talesa, muenhomo mu kala diiala dia kukuta o lúkuaku.

Matesu 13:19

kʼivua muthu uoso o maka ma Utuminu ua Nzambi, anga u tokoka ku a ejiia, bhenhobho Dimonho diza di sumbununa ioso ia kuuile mu muẋima uê. Muenhú a mu kuua bhu mbanduʼ a njila.

Matesu 13:54

O ki eza mʼoxi iê-muène, u kuata ku a longa mu dilombe diâ; ene iá a diuana, exi: Kuebhi kuene kua mono muthu muenhú o unjimu uosʼú, ni isum ʼiíi ia-lu bhanga?

Matesu 14:14

Jezú anga u tomboloka, u sanga kifuẋi kia dikota, anga u a kuatela henda, hé u saka o jihaxi jâ.

Matesu 24:14

O Njimbu iíi Iambote ia Utuminu ua Nzambi, ia bhingi ku i tula mu ngongo ioso, mu kubhana umbangi ku akua jixi joso; kiene kiua kia kèza dizubhilu.

Matesu 3:2

Dielenu! muehe o ituxi ienu, kuma utuminu ua diulu ua zukama.

Matesu 9:35

Jezú anga u nhunga mu jimbonge joso ni mu jisanzala, ni kulonga mu malombe, ni kuta Maka ma Utuminu uê, ni kusaka jihaxi joso ku makukata mâ ni ku mauhaxi mâ moso.

Marku 1:14

Kia zubha Nzuá ku mu ta mu ʼaleia, Jezú uiza ku Ngalileia ni kutanga o maka ma Njimbu Iambote ia tundu kua Nzambi, uixi:

Marku 1:21

Anga aia ku Kafanau. Kithanganʼokio, kuma kia sabhalu, Jezú u bokona mʼonzo ia dibhezelu dia Nzambi, anga u kala mu longa.

Marku 1:39

Anga uia ku Ngalileia ioso ni kutanga maka ma Njimbu Iambote mu malombe má, ni kutundisa o madimonho.

Marku 3:10

Kuma ua sakula mundu uavulu, kia bhangesa athu ku mu phopheka, mukonda oso ala ni mabhebhu a-lu sota ku mu kuata.

Marku 6:2

Kutula kia sabhalu, u kuata kulonga mu dilombe. Anga athu ki a mu ivu, a diuana, exi: Muenhu ima ioso iíi, ua di longela na-iu kuebhi? Kuebhi kua mu bhana o kuijiia kuosʼuku? Ni isuma ioso iíi, ia mu di bhanga kiebhi bhu maku mê?

Marku 6:6

Anga u diuana mukonda dia kuxibhaka kua. Jezú anga u nhunga kia ngo mu jisanzala ni kulonga.

Luka 10:9

Mu saka jihaxi joso ji mua sange-mu, hé mu ambela o mundu uala mu mbongeʼomo, muexi: Utuminu ua Nzambi ua mi tula.

Luka 13:10

Jezú anga u kala mú longa mu dilombe diâ, kia Sábhalu.

Luka 16:16

O Kitumu kia Mozé ni ulongelu ua jipolofeta, ua kexile kate kieza Nzuá dia Batizu. Tunde kiókio-phe o Njimbu Iambote ia Utuminu ua Nzambi ala ku i kola; kala muthu-phe kikale u ta nguzu phala kubokona-mu.

Luka 20:1

Kizuua kia mukuá mu izuua muenhomo, kioso ki ala Jezú mù longa athu mu Tembulu, ni ku a tangela o Njimbu Iambote, makota ma jinganga ma tukulukila-bhu ni jimesene ja kulonga o kitumu, ni adiakime ku mundu.

Luka 4:14

Jezú anga u vutuka ku Ngalileia, ua zuata nguzu ia Nzumbi. O fuma iê anga i sambuka mʼoxi iosuʼoio.

Luka 5:17

Kizuua kia mukuá Jezú u kala mù longa. Bhenhobho jifalizeu jimoxi-mu ni jimesene ja Kitumu ja mu xikamena, ja tundu mu jisanzala joso ja Ngalileia, ni ja Judeia, ni ku Jeluzaleme. O nguzu ia Ngana anga i kala ni Jezú mu kusaka o jihaxi.

Luka 6:17

Jezú anga u tuluka ku mulundu ni ene, hé uimana bhu kididi kia sokelela, bhua mu bhongolokela o kifuẋi kia dikota kia jixibulu jê, ni athu avulu a tundu ku Judeia ioso, ni ku Jeluzaleme, ni ku ndúndu ia kalunga ku jisanzala ja Tilu ni Sidonha.

Luka 6:6

Mu Sábhalu iamukuá ue, Jezú u bokona mu dilombe, anga u kala mù longa. Bhenhobho anga bhu kala muthu, o lúkuaku lua kadilu lua mu kukuta.

Luka 7:21

Kumbi dienhódio Jezú u saka mauhaxi mavulu, ni mabhebhu ni nzumbi jaiibha; avulu afu mesu u a bhana o kumona.

Luka 7:22

Anga u vutuila iá, uixi: Ndenu, kà tangedienu Nzuá, ima i mua mono, i muevu; ifôfo íi mona, inema íi ienda, akua-kikunzu ia a disanza, mixilu íi ívua, afuile ia a fukunuka, jingadiama ia évua o Njimbu Iambote.

Luka 8:1

Kubhanga izuua, Jezú u kala mú nhunga ku jimbanza ni ku jisanzala, mu ku boka ni kutula o Njimbu Iambote ia Utuminu ua Nzambi. O kuinhi dia xibulu ni kiiadi anga a kala-nê kumoxi.

Luka 9:11

O kifuẋi-phe kia kʼ ivu, a mu kaiela. Jezú anga u a tambulula, u a tela maka ma Utuminu ua Nzambi, hé u saka oso a bhindamena kuiluka.

Luka 9:60

Jezú u mu ambela, uixi: Eha afi mu afi a di fûnde mudiâ. Eie-phe ndé kà tule o Njimbu ia Utuminu ua Nzambi.

Nzuá 18:20

Jezú ua mu vutuila, uixi: Eme nga zuela jinga bhu pholo ia mundu. Nga longa jinga mu malombe ni mu Tembulu, muene ku bhongoloka o Jijudé joso. Ki ngi zuela kima mu kusuama.

Nzuá 6:59

Imʼiíi Jezú ua i tange mu dilombe, kia kala mu kulonga mu Kafanau.

Nzuá 7:1

Kia bhiti imʼiíi, Jezú u nhunga mu Ngalileia, kʼ andala kunhunga mu Judeia, mukonda dia Jijudé momo, kubhindamena o ku mu jibha.

Jipoxolo 10:38

Muejiia ue o maka ma Jezú dia Nazalé, kioso Nzambi kia mu undu ni Nzumbi Ikôla, iú ua mu bhana ni kutena. Muène anga u nhunga ku mbandu joso ni kubhanga o mbote, ni kusaka oso a a tatesa kuala Diabhu, kuma Nzambi uala-nê.

Jipoxolo 18:4

Anga u lombolola maka jisabhalu joso mu dilombe, u sota kuxikanesa o Jijudé ni Jingeleku.

Jipoxolo 20:25

Kiki-phe talesenu, nga kʼ ijiia kuma enu oso mu nga nhungina jinga ni kulonga o Utuminu ua Nzambi, o pholo iami ki mua kà i mona dingi.

Jipoxolo 28:31

Anga muène u boka o Njimbu ia Utuminu ua Nzambi, u longa ni kubhua o uôma ima ioso ia tokala kua Ngana Jezú Kristu, kana muthu ua mu fudisa.

Loma 10:15

O Njimbu a ivua kiebhi kua kambe o akunji a i tula? A i tula-phe kiebhi, a kambe o ku a tuma? Kala kia ki soneka mu Mikanda Ikôla, exi: O uijilu uâ kuuabha kuahi, ió eza mù bhana jingolokela ja Njimbu Iambote!