Matesu 4:19 - O Mikanda Ikola

¹⁹ Muène anga u ambela, uixi: Ngi kaiedienu, ngi mi bhange kukala mu atona a athu.

Matesu 4:19 ပူးပေါင်းရင်းမြစ်များ

Matesu 16:24

Kienhókio Jezú u ambela jixibulu jê, uixi: Se muthu ua mesena ku ngi kaiela eme, a di fule o kudibanza muène-muene, a zangule dikulusu diê, a ngi kaiele.

Matesu 19:21

Jezú ua mu ambela, uixi: Eie se ua mesena kutenena, ndé, kà sumbise ioso i uala na-iu, o jimbongo jê u ji uanene jingadiama, phala u kale ni jimbongo mu Diulu, nda uize kiua u ngi kaiele eme.

Matesu 4:18

O kia kala mu kuenda bhu mbandu ia kizanga kia Ngalileia, u mona jiphange jiiadi, Ximá, a mu ixana Phetele, ni ndenge iê Mandele, ala mu takula uanda mu menha, kuma atona a jimbiji.

Matesu 4:20

Anga a xa mandamâ bhenhobho, hé a mu kaiela.

Matesu 8:22

Kuala Jezú: Ngi kaiele eme; eie ehela afi mu afi a fûnde akuâ.

Matesu 9:9

Kutunda bhobho, mu kubhita, Jezú u mona muthu a mu ixana Matesu, ua xikama bhu kididi kia kutambuila lubhaku. Anga u mu ambela, uixi: Ngi kaiele.

Marku 2:14

O kia kala mu kubhita, u mona Levi, monʼa Lufeu, ua xikama bhu kididi kia kutambuila o lubhaku, anga u mu ambela, uixi: Ngi kaiele eme. Muéne anga u balumuka, u mu kaiela.

Luka 5:27

Kia bhiti ima iíi, Jezú u tunda, anga u sanga mukua kutambula lubhaku, dijina diê Levi, ua xikama bhu kididi kia kutambuila o lubhaku, anga u mu ambela, uixi: Ngi kaiele.

Luka 9:59

Anga uambela mukuâ, uixi: Ngi kaiele. Muène-phe, uixi: Ngana, kinga hanji, ngi diange kufûnda tatʼetu.

Nzuá 1:43

Kúkia ni kimene, Jezú uandala kuia ku Ngalileia. Anga u tuama kusota Felipe, hé u mu ambela, uixi: Ngi kaiele.

Nzuá 12:26

Se muthu ua mesena ku di tuma ni eme, a ngi kaiele. O kuoso ku ngi kala eme, ni ió nga di tumu-nê, kuene ue kuʼ à kala. Se muthu u di tuma ni eme, Tata iami u mu bhana ujitu.

Nzuá 21:22

Jezú, uixi: Eme se ngandala kuila muène u xalela-ku, katé bhu nga kejiia, eie kia ku kuatela-hi? Eie, ngi kaiele eme!

II Kolindo 12:16

Uila kiki, enu-enu muanda ku ki xikina kuila eme ki ngi mi nemena ni kima. Kuma sai-ku ni muthu uanda kuzuela uixi: Ua dimuka, ua mi kuatela mu ndunge ni makutu.