Matesu 4:17 - O Mikanda Ikola

¹⁷ Tunde mu thembuʼ omo, Jezú u kuata kiá kulonga mundu, ni kuta maka uixi: Dielenu! Kuma utuminu ua diulu, ua zukama!

Matesu 4:17 ပူးပေါင်းရင်းမြစ်များ

Matesu 10:7

O ki muia, muenda ni kuta Maka, kuila: Utuminu ua Diulu ua zukama.

Matesu 11:12

Tunde mu izuua ia Nzuá dia Batizu, o Utuminu ua Diulu a u balukila, akua nguzu a u bokona ni kusuina.

Matesu 13:11

Muène u a vutuila, uixi: Enu Nzambi ua mi bhana-kiu, o kuijiia ikutu ia Utuminu ua Diulu, ene-phe ka a bhana-kiu.

Matesu 13:24

Jezú anga u a tela kifika kiamukuá, uixi: Utuminu ua Diulu ua dufangana ni muthu u kuua jimbutu jambote mu díbhia diê.

Matesu 13:47

Luamukuá dingi, Utuminu ua Diulu ua difangana ni uanda, a u takula mu menha, anga u kuata jimbiji ngó joso-joso.

Matesu 13:9

Uoso uala ni mátui, évue.

Matesu 25:1

Kienhokio Utuminu ua Diulu ua kà di fangana ni kuinhi dia ilumba, ia katula tundeia tuâ, anga i tunda mu kauidila ngà-iala.

Matesu 3:2

Dielenu! muehe o ituxi ienu, kuma utuminu ua diulu ua zukama.

Matesu 6:10

Utuminu ué uize. Vondadi ié a i bhange bhoxi, kala kiala ku i bhanga ku diulu.

Matesu 9:13

Ndenu-phe mu di longe kioso ki kia jimbulula, kuila: Nginda o ku kuatela mukuenu henda, ki ngindi sata; kuma eme ki ngeza mu kuixana athu aiuka, maji akua ituxi.

Luka 15:10

Nga mi ambela kuma, kiene ue, o kusanguluka kuvula ku pholo ia ji-anjo ja Nzambi, mukonda dia mukua-ituxi umoxi u diela.

Luka 15:7

Nga mi ambela, kuma kiene ue ku diulu, o kusanguluka kuâ kuvula dingi, mukonda dia muthu umoxi ua diela ituxi iê, ki ki soko ni makuinhʼivua a muthu nʼivua aiuka, ka bhingi dingi kudiela.

Luka 24:47

Ni kuila ue o Njimbu ia kudiela o ituxi, ni ku i tambuila o muloloko, a i fumanese mu dijina diê mu jixi joso, tunde kiá mu Jeluzaleme.

Luka 3:23

Jezú muène, kia mateka kulonga, kífua kala uala mu makuinhi-a-tatu a mivu. O muène, kia fika athu, monʼa Zuze; Zuze dia Heli;

Luka 5:32

Eme ki ngeza mú kuixana athu aiuka, ngeza mú kuixana akua-ituxi, nʼa diele ituxi iâ.

Luka 9:2

Anga u a tuma kuboka o Utuminu ua Nzambi ni kusaka jihaxi.

Jipoxolo 11:18

Ene kia zubha kuivua imʼ iii, phata iabhu. Anga a ximana Nzambi, exi: Manhi ni akua matumbu uâ Nzambi ua a bhana o kudiela, nʼamone o muenhu ki uabhua!

Jipoxolo 17:30

Mu jithembu ja kukamba ku kʼijiia, Nzambi ua dixibhidiê. Maji o kiki-phe ua tumu athu oso mu ngongo kudiela ni kueha o ituxi iâ.

Jipoxolo 2:38

Kuala Phetele: Dielenu, nda a mi batizale enʼ uenu oso, mu dijina dia Jezú Kristu, phala o ituxi ienu a mi loloke-iu, anga mu tambula kua Tata o ujitu ua Nzumbi Ikôla.

Jipoxolo 20:21

Ngʼedikiza jinga ni Jijudé ni Jingeleku, kuma a bhingi kudiela ni kueha o ituxi iâ bhu pholo ia Nzambi, ni kuxikana kua Ngana ietu Jezú Kristu.

Jipoxolo 26:20

Nga diangela kubhana jingolokela ku akua Damasku, ngedi ni ku Jeluzaleme, ni mʼ oxi ioso ia Judeia, katé ni ku matumbu. Nga a jimbuila jinga kuma a tokala a diela ni kueha o ituxi iâ, nʼ a biluke kua Nzambi, ni kubhanga o imbamba ia fuamena o kudiela kua kidi.

Jipoxolo 3:19

Enu-phe dielenu, muenhu uenu u biluke, mu vutuke kua Nzambi, o muène ituxi ienu phala a mi jimune-iu.

Jihebeleu 6:1

Uila kiki, tu di sungienu ku pholo, ku uadiakime, o maka ma Kristu ma ku di longa-ke ma xale ku dima. Etu ki tuanda kualukila kuta dingi disesa dia maka iâ: o kudiela ibhangelu ia di fuila ni ma kuxikana Nzambi;