Matesu 4:11 - O Mikanda Ikola

¹¹ Bhenhobho Diabhu ua mu ambudisa; o ji-anju anga jiza, ji kala ku mu xibhidila.

Matesu 4:11 ပူးပေါင်းရင်းမြစ်များ

I Jisobha 19:6

Muene anga u tona hé u tala, anga u mona ku mutuelu uê kuala mbolo iozuze ku makala, ni kadisanga ka menha; anga u dia, u nua, anga u zeka dingi.

Matesu 26:53

Inga mua fika ki ngi tena kubhinga Tata iami, muène nʼa ngi bhana kindala kienhiki kuinhi dia ibuka ni ʼiadi ia ji-anju?

Matesu 4:6

Anga u mu ambela, uixi: Se u Monʼ a Nzambi, laúka bhabha; mbata kiosoneke kuma: Nzambi muene u tuma o ji-anju jê ku ku inga, a kà ku zenza bhu maku, phala ku di bhukane kinama kié ku ditadi.

Marku 1:13

Anga u kala kuenhoko, ku ditutu, makuinhi auana a izuua, ni ku mu thendala kuala Satana. He u kala kumoxi mi iama, maji o ji-anju ji kala mu ku mu langidila.

Luka 22:43

Anga bhu mu tukulukila anju ia tundu mu diulu, hé i mu suinisa.

Luka 22:53

Izuua ioso, eme i nga kexile kumoxi ni enu mu Tembulu, enu ki mu ngi tula maku. Maji o didi, kumbi dienu kiá, ni dia kusuina kua kitombe.

Luka 4:13

Diabhu kia zubha kuthendala Jezú kiki, ua mu ambudisa hanji nʼa kinge kithangana kiengi.

Nzuá 14:30

Ki ku ngi xala dingi kuzuela kithangana kiavulu ni enu, kuma o sobha ia mu tumina mu ngongʼ umu iu bhixila kiá; muene-phe ka ngi lende ni kima.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Jihebeleu 1:14

O kiki-phe, ji-anju kima kiahi bhu pholo iê? Ene oso ala jinzumbi ji sedivila, a a tumu ku sedivisu mukonda dia ibhinganu ia tokala o kubhuluka.

Jihebeleu 1:6

Kioso Nzambi kia tumikisa ue o Thungunu iê mu ngongo, uixi: O ji-anju joso ja Nzambi ji mu bheze.