Matesu 4:10 - O Mikanda Ikola

¹⁰ Jezú u mu vutuila, uixi: Tunda bhabha Satana! Mukonda kiosoneke kuma: Mu kubheza kikale u bheza Jihova, Nzambi ié, mune ngó u mu tumaka.

Matesu 4:10 ပူးပေါင်းရင်းမြစ်များ

I Malunda 21:1

Bhenehobho Satana hé u balumuka, hé ubilukila Izalaiele, anga u funhisa Davidi phala kualula o mundu ua Izalaiele.

Jobe 1:12

Ngana anga uambela Satana, uixi: Tala, ima ioso iala na-iu, iala bhu maku mé; inda kua muene ku te-ku lukuaku lué. Satana anga u tunda bhu pholo ia Ngana.

Jobe 1:6

Kueza kizuua kimoxi, anʼa Nzami eza mu ku di bhakula bhu pholo ia Jihova, Satana ueza ue mu kaẋi-kâ.

Jobe 2:1

Mu kizuua kia mukuá kioso kieza anʼa Nzambi mu ku di bhakula bhu pholo ia Jihova, Satana ué, ueza mu ku di bhakula bhu pholo ia Jihova.

Jisálamu 109:6

Muenhó, mu tele kisuéia ku pholo, phala a mu longe; bhu kale mutatedi u mu imanena ku madilu.

Makatukilu 23:25

Enu-phe mua kà bhikila ngoho Jihova Nzambi ienu, o muene-phe anga u ta o kizediuise kiê ku mbolo ienu, ni ku menha enu; o mahaxi muʼaxaxe kenu ngi a katula-mu.

Izaía 30:22

Divunga dia iteka ié ia phalata, dianda ku ku iibhila kiá, o divunga dia iteka ié ia ulu ua kuzunza, eie ua-nda ku di kita dixidilu; ua-nda ku di texe kala ditele, ua-nda ku i tangela mu kimoxi-kimoxi, kuila: Tu-nda bhabha.

Matesu 16:23

Bhenhobho Jezú-phe u sakuka, u ambela Phetele, uixi: Bhita ku dima diami Satana! Eie ua di bhange u ditadi dia kidibhukanu, ua-lu sota ku ngi bhalesa mu njila iami! Kuma o ima ia Nzambi ki iene i ua bhake muẋima, ni ku i xinganeka, maji o ima ia athu!

Marku 1:13

Anga u kala kuenhoko, ku ditutu, makuinhi auana a izuua, ni ku mu thendala kuala Satana. He u kala kumoxi mi iama, maji o ji-anju ji kala mu ku mu langidila.

Luka 10:18

Muène ua ambela uixi: Kiene muene! Eme nga muene Satana ua laúka ku diulu kala nzaji.

Luka 11:18

O utuminu ua Satana-phe, se ua di balukila ni muene Satana, utuminu uê u nanga kiebhi? Mukonda enu muambe kuma nga-lu tundisa o madimonho mu nguzu ia Belezebubu.

Luka 13:16

O muhatu iú-phe, monʼ angene a Mbalahamu, a mu kuika kuala Satana mu kuinhi dia muvu diosuʼidi ni nake, kifua ki kia fuama ku mu jituna bhu mikolo ue, kizuua kia Sábhalu?

Luka 22:3

Satana anga u bokona mu mukutu ua Juda, a mu ixana mukua Kadiota, ua tokala mu kuinhi ni kiiadi.

Luka 22:31

Ngana uixi dingi: Ximá, Ximá, ivua kiambote: Satana ua mi binghi mbé ni a mi lole. Muène ua-nda ku mi bhiata mukuâ ni kidimakaji kia bhiata o tiliku mu ku i uanununa ni ibhiate.

Luka 4:8

Jezú anga u mu vutuila, uixi: Kiosoneke mu Mikanda ia Ngana kuma: Ngana dia Nzambi ié, muène ngó u mu bheza, muène ngó u mu bhikila.

Nzuá 13:27

Kia zubha Juda kutambula o kambolo, Satana u mu bokona moxi diê. Jezú anga u mu ambela, uixi: Kioso ki u bhanga, bhanga-kiu lusolo.

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.

Jipoxolo 5:3

Kuala Phetele-phe: Eie Ananiia, Satana ua ku funhisa kiebhi o muẋima, phala ute makutu kua Nzumbi Ikôla? Eie ihi ia ku bhakesa o mbandu ia mukuá, ku kitadi kia tundu mu kusumbisa oxi?

I Kolindo 5:5

Enu muthu u kala kiki mu bhakuidienu Satana, phala a mu buikise o mukutu uê, maji o nzumbi iê phala i bhuluke mu kizuua kia Ngana Jezú.

I Kolindo 7:5

Kiiadi kiâ kana muthu u di tuna mukuá, kikale ngó se kiiadi kienu mua bangana ku ki bhanga mu kithangana, phala mu te miẋima mu kusamba. Kithangana-phe kuila kia bhiti, mu takana dingi kala ki mua mu bhanga kiá, phala Satana ka mi diangule mukonda dia kukamba o nguzu ia ku di langa.

II Kolindo 11:14

Ki kima kia ku di uana. Kuma katé ni Satana mukuâ ku di bhangesa kala anju ia mukengeji.

II Kolindo 12:7

Mukonda-phe dia majingunuinu kuvula kinéne, kuiengesa kuila ngi zangalala kiavulu, a ngi bhana uhaxi uonéne mu xitu. Uhaxi iú ueza kala mukunji ua Satana, mu ku ngi bhana jihuxi, phala ki ngi zangalale kiavulu.

II Kolindo 2:11

Eme ngi loloka, mbebhu Satana ka tu bhite bhu mbandu, kuma jindunge jê ki tu kamba ku jʼijiia.

Matendelelu 10:20

Endenu-phe ni kuxila Jihova Nzambi ienu, muenda jinga ni ku mu bhikila muene ngó, mu jijidienu muene ngó; o ki muila mu loka, lokelenu mu dijina diê-muène ngó.

Tiiaku 4:7

Uila kiki, tolokenu kua Nzambi; zokenu-phe ni Diabhu, muène u mi lenga.

Josuué 24:14

Kiki-phe Jihova mu kuatedienu uoma, muende ni ku mu bhikila ni muẋima ua tenena ni kidi. Texenu o mahamba oso a xingidisa jinga o jitata jenu mu sámbua dia ngiji ia Ufalate ni ku Ijitu, nda mu bhikile Jihova.

I Phetele 5:9

Kolokotenu-phe mu kuxikana, mbé mu tene kubhânga ni Diabhu, kuma mua kʼijiia kuila jiphaxʼojo jene jimoxi ni jala kubhita-naju o jiphange jenu ja xikana, jala mu ngongo.

I Samuuele 7:3

Samuuele anga u zuela ni muiji uoso ua Izalaiele, uixi: Se muedi mu vutuka kua Jihova ni muẋima uenu uoso, hé mu tubhula jinzambi ja matumbu ni Axitalote muʼaxaxi kenu, ni mu lunge mixima ienu kua Jihova, ni mu mu bhikile muene ngó ubheka uê; muene-phe u mi kudila bhu maku ma akua Fidíxia.