Matesu 3:7 - O Mikanda Ikola

⁷ Nzuá muène-phe kia mono ku jifalizeu ni ku jisaduseu kueza athu ku batizu iê, uixi: Enu mu ana a madiuta, nanhi ua mi dimuna kulenga o njinda ia-nda kuiza-ku, itunda kua Nzambi?

Matesu 3:7 ပူးပေါင်းရင်းမြစ်များ

Dimatekenu 3:15

Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.

Jisabhu 28:4

Oso a xisa bhu mbandu, kioso kia xindi o kitumu, kifua a ximana o isuéia; oso-phe a lunda o kitumu ni ku ki bhanga, isuéia ala kuzoka na-iu.

Izaía 59:5

Alangela maiaki ma dizuua-mbinga, a bhota uandanda ua kabube; o udia ku maiaki mâ, ufua; o kia ma ẋatula, mu fuomoka diuta.

Jelemiia 51:6

Mu kaxi ka Babilonha lengenu-mu! O muthu ni muthu a bhulule muenhu uê. Ki mu di jikinise anuʼenu mu ku ibha kuêmuène; mukonda o kiki kiene o kithangana kia phonzo ia Jihova; Muene hádia u mu bhana kioso kia mu fuama.

Jelemiia 6:10

Enu mala, mukuahi ngi mu tela maka hé ngi mu bhela umbangi, nʼevue? Talesa, kuma ene ala ni mátui a musununu a lémbua kuivua; tala-phe, kuma o maka ma Jihova, phala ene, kima kia jisonhi; ka ma uabhela.

Matesu 12:24

Jifalizeu-phe kia kʼivu, exi: Ialʼó kukaia o madimonho, mukonda ua tokala ni Belezububu, dikota dia madimonho.

Matesu 12:34

Enu mu muiji ua madiuta! Mu tena kiebhi, ki mua iibhʼiki, o kuzuela ima iambote? Mbata kioso kiezala mu muẋima, kiene ki zuela o dikanu.

Matesu 15:12

Jixibulu anga jiza, ji mu ambela, exi: Eie ua kijiia kuma jifalizeu ja fatuluka mú kuívua o makʼ ama?

Matesu 16:1

Jifalizeu ni jisaduseu anga eza ku mu londa, a mu bhinga ku a edikiza kijimbuete ku diulu.

Matesu 16:6

Jezú anga ua ambela, uixi: Alukenu, mu dimukine o kithûthume kia jifalizeu ni jisaduzeu.

Matesu 22:15

Jifalizeu anga jiia, ji di longesa kioso kia mu kuatela mu kuzuela kuê.

Matesu 22:23

Kizuua kienhókio anga kuiza jisaduzeu, ene mu kuila kana-ku difukunukinu.

Matesu 22:34

Jifalizeu-phe, kia kʼivu kuila jisaduzeu ua ji belêsa, a di bhongolola kumoxi.

Matesu 23:33

Mu jinhoka, mu anʼa madiuta! Mua-nda kulenga kiebhi o kaxtiku ka ifernu?

Matesu 5:20

Mbata eme ngi mi ambela na-kiu, se kuiuka kuenu ku kamba kutunda o kuiuka kua jimesene ja kulonga o Kitumu ni jifalizeu, muà lémbua kubokona mu Utuminu ua Diulu.

Marku 12:13

Ene anga a katula athu ku jifalizeu ni ku akua Helode, phala ku mu kuata ku maka.

Marku 12:18

Kua mu kane dingi o jisaduseu, akua kuila ki kuene kufukunuka; a mu ibhula, exi:

Marku 8:15

Muene anga u kala mu ku a tendelela, uixi: Alukenu, mu dimukine o kithûthume kia jifalizeu ni kithûthume kia Helode.

Luka 16:14

Jifalizeu kuma ja zola kiavulu o kitadi, a muivu kuta makʼama, anga a kala ku mu olela.

Luka 18:11

O falizeu anga uimana, u kala mú samba ni muẋima uê kiki: Nzambi nga ku sakidila, mukonda ki ngala kala athu amukuá, ala mií, inguángua, ati-a-jiphànda. Nga ku sakidila dingi, Ngana, kuma o mukua kutambula lubhaku iú ngó, eme ki nga sokela-nê.

Luka 7:30

O jifalizeu-phe, ni jimesene ja Kitumu, a ditunu kioso ki andalele Nzambi ku a bhana, mukonda ka xikina ku a batizala kua Nzuá.

Nzuá 1:24

Ene a a tumuʼá, a tokala mu jifalizeu.

Nzuá 8:44

Enu mua tokala ni tatʼ enu Diabhu, o jihanji ja tatʼ enu jene ji mua mesena kubhanga. Muène kijibhanganga tunde ku dimatekenu dia mundu, o mu kidi ka nangiê-mu, mukonda moxi diê ki mu moneka kidi. Diabhu kia zuela o makutu, u zuela ima iê-muène, kuma kiene o kífua kiê! Mukonda muène mukua makutu, muene tata ia makutu oso.

Nzuá 9:40

Jifalizeu jala-nê bhenhobho, kia zuela kiki, exi: Kífua uambe kuma etu tu ifuôfuo, kuambe?

Jipoxolo 15:5

Kieniokio-phe, kuimana athu amoxi, akua kisoko kia jifalizeu, a xikana kiá, exi: Athu oso ki Jijudé, kikale tu a saiesa, ni tu a tendelela kukuata o Kitumu kia Mozé.

Jipoxolo 20:31

Uila kiki di langienu, mu xinganeke kuma, mivu itatu iosuʼiii, ni mu muanha ni mu usuku, ki nga fulu dingi o ku mi dimuna, muthu ni muthu mudienu, ni masoxi.

Jipoxolo 26:5

A ngʼ ijiia kiambote kuila tunde ku dimatekenu, se ene andalele ku ngi bhela umbangi,—kuma kisoko kia beta kunjandamana mu ubhezelu uetu, muene mu nga tokala, mukonda nga kexile ngi falizeu.

Jipoxolo 5:17

Nganga ia dikota-phe, ni ió oso a tokala-nê, akua kisoko kia jisaduzeu, bhenhobho a salumuka, njinda ia a kuata, mukonda ala ni difutu dia Jipoxolo. Kieniokio exi tu bhanga kima!

Loma 1:18

Kuma tua mono kuila o njinda ia Nzambi ia tukuluka, i tunda mu diulu, hé i tula ku thandu dia ituxi ioso ni kubhukumuka kua athu a bhingi kuila mukonda dia ima iâ iaiibha ia bhanga, a fudisa athu kuijiia o kidi.

Loma 5:9

Kota-kota-phe kiá, ki tua lunguʼ iki, Nzambi kia tu xikina mukonda dia manhinga ma Kristu, tua kà bhulukila kua Muène, ku njinda ia Nzambi.

I Tesalonika 1:10

A mu tanga ni kioso enu ki mualù kinga Jezú, o Monʼa Nzambi, uanda kutunda mu diulu, ió a mu fukununa mu madifundu kuala Nzambi. Muenʼió muène u tena o ku tu bhulula ku njinda ia Nzambi hinu ianda kuiza-ku.

Jihebeleu 11:7

Kiejila mu kuxikana, Noué kia mu dimuna kuala Nzambi, ku ima ianda kubhita, o iene kiluua i moneka. Noué anga u tumaka Nzambi, hé u tunga álaka, ia mu bhulula muène ni akua bhata diê. Mu kubhanga kiki anga u belesa o mundu uoso, hé u tambula kua Nzambi o kuiuka kuijiia mu kuxikana.

Jihebeleu 6:18

Phala bhu kale ima iiadi iakolo, ia bhingi Nzambi mu ku i tanga ka tena ku kala ni makutu, phala ku tu suinisa kiavulu o miẋima, etu oso tua lengela kua Muène, tueza, tua kuata o kudielela kueniʼuku kua tu bhana.

I Nzuá 3:10

Muene mu di monekena o anʼa Nzambi ni anʼa Diabhu. Uoso u kamba kubhanga iaiuka, ni ió kiá uoso u kamba kuzola phangʼiê, ka tokala Nzambi.