Matesu 3:6 - O Mikanda Ikola

⁶ Muène anga u kala mu ku a batizala mu honga ia Njolodá, ni kufisala o ituxi iâ.

Matesu 3:6 ပူးပေါင်းရင်းမြစ်များ

Ejidala 10:1

Kioso Ejidala kia mu samba kiki, ni kufisala kuku, ni kudila, ua dizale bhoxi ku pholo ia inzu ia Nzambi, a di bongoluela kua muene, kionge kia dikota kia anʼa Izalaiele kia mala ni ahatu ni tuana tua ndenge mukonda mundu ua kexile mu ku dila ni kibulukutu kia dikota.

Jisálamu 32:5

Ngixi-phe: Kota ngi di xikina kituxi kiami ko koué, o kuêla kuami ki ngi ku sueka; o ki ngedi ngi fisala kutondala kuami kua Jihova, eie kindala ua ngi loloka o kituxi ni mulonga.

Jisabhu 28:13

Muthu uoso u vunga o ikuma iê, katena kubhanduluka; maji muthu uoso-phe ikuma iê u i fisala, anga u i ambula, ió hinu a mu kuatela henda.

Izekiiele 36:25

Kienhókio nga kà mi pusuila menha a zele ku thandu dienu, anga mu-bhua o dixidilu dioso; nga kà mi zelesa muene ku maufusa menu moso, ni ku mahamba menu moso.

Daniiele 9:4

Anga ngi dionda Jihova Nzambi iami, nga di fisala, ngixi: U Nzambi ionéne, u kuatesa uoma! Eie uene mu kukumbidila o kikutu, u mukua ku kuatela henda kua ió oso a ku zola, hé aiuka o ijila ié;

Ijila 16:21

Anga Alá u tula maku mê maiadi ku thanduʼa mútue ua kisutu kia muenhu, kuene kua fisalela o ikuma ioso ia anʼa Izalaiele, ni itondalu iâ ioso, ni ituxi iâ ioso; anga u i lunjika ku thanduʼa mútue ua kisutuʼiki, anga u ki tumikisa mu kikangalakata, o muthu uoso uia-na-kiu, adianga ku mu kasa kiá.

Ijila 26:40

Bhenhobho a kà di ẋikina ufusa uoso, ni uâ ene, ni ua jitata jâ, ni itondalu iâ ioso ia ngi tondalela-na-iu Eme; ni kia ngi balukila jinga mu uendelu uâ.

Dialuilu 5:7

U bhinga-phe, u fisala kituxi kiê kioso kia te; u bhaka mulonga kioso ki ua tokala, u ta-ku dingi mbandu ia katanu ia kiki kia futu, a bhane kua ió uoso mukua mulonga uê.

Matesu 3:11

Eme ni kidi, nga mi batizala ni menha mu kudiela; uoso-phe ua ngi kaiela ku dima ua ngi tundu, eme ki nga tokala ngó ku mu ambatela o jihaii jê. Muène ua kà mi batizala ni Nzumbi Ikôla ni túbhia.

Marku 1:5

O athu a tungu mu ixi ioso ia Judeia anga a tunda ku mu sanga, ni akua Jeluzaleme, muéne anga u a batizala mu ngiji ia Njolodá, kioso ene ki aia ni kufisala o ituxi iá.

Luka 1:16

Ndumba dia akua Izalaiele, ua-nda ku a biluila kua Ngana dia Nzambi iâ.

Luka 3:16

Nzuá hé u a vutuila osomuene, uixi: eme nga mi batizala ni menha, maji kù kuiza muthu ua ngi tundu, eme ki nga fuama ku mu jituina ngó o ngoji ia haii iê. Muène u mi batizala ni Nzumbi Ikôla ni túbhia.

Jipoxolo 1:5

Kuma Nzuá ua mi batizala ni menha, maji enu-phe anda ku mi batizala ni Nzumbi Ikôla, mu izuua muenhumu.

Jipoxolo 11:16

Anga ngi lembalala maka ma Ngana, kia tangele, uixi: Nzuá ua mi batizala muene ni menha, maji enu-phe hinu a batizala ni Nzumbi Ikôla.

Jipoxolo 19:18

Kua iá a xikana, athu avulu eza ni kufisala ni kutukulula imbamba ia kexi mu bhanga jinga mʼ okulu.

Jipoxolo 22:16

Kiki-phe u lalekela-hi dingi? Balumuka, u bhinge Ngana ku ku kuatekesa, ni a ku batizale, o ituxi iê nda a ku loloke-iu.

I Kolindo 10:2

Ene oso a a batizalele mu dituta, ni mu kalunga ni batizo ia kukaiela Mozé.

Kolose 2:12

Mbata kizuua kia mi batizala, a mi fûndu kumoxi ni Kristu mu batizu. O mu batizu, enu mua fukunuka-nê dingi kumoxi, mu kuxikana o nguzu ia Nzambi, ua fukununa muène Kristu mu madifundu.

Jihebeleu 6:2

ni dia mabonzo ma jibatizu, ni dia kutula athu maku ku thandu; ni dia madifundu kufukunuka, ni dia kuêla ni kulunga kua hádia.

Jihebeleu 9:10

Iene ioso íii ia tange ngó makudia, ni makunua, ni nzungule ia jifesa ja ku di zelesa. Ilekelelu ia xitu i sedivila ngó kathangana katé Nzambi kia kà bhangulula o ima ioso.

Tiiaku 5:16

Kala kiki, fisalenu mudienu ituxi ienu, mu di diondele mu kusamba, phala a mʼilule. O kusamba kua muthu uaiuka, ku lenda kiavulu mu kukalakala.

Josuué 7:19

Josuué anga uambela Akane, uixi: Monʼami, nga ku diondo, bhana fuma kua Jihova, Nzambi ia Izalaiele, u fisale bhu pholo ia muene; ngi tangele kioso ki ua bhange; kana ku ngi dingila-kiu.

I Phetele 3:21

O menha enhó-phe ene a di fuangana ni batizu iala ku mi bhulula mu leluʼidi. O batizu ki kima phala kudisukula o dixidilu dia mukutu, maji polomesa i tu bhanga kua Nzambi, i tunda ku kitongoluelu kia zele kiambote. O kubhuluka kuenhuku kuijiia mu kufukunuka kua Jezú Kristu,

I Nzuá 1:9

Maji se tu fisala o ituxi ietu kua Nzambi, muène fiiele, u kumbidila o kizuelu kiê hé u tu bhanga kioso kia fuama: U tu loloka o ituxi ietu, hé u tu ixika o mangonha moso.