Matesu 3:12 - O Mikanda Ikola

¹² O mbangu iê ia kubhiatela uiza na-iu bhu maku, o kididi kiê kia kuvundila ua-nda ku ki zelesa katé kia zubha. O jimbutu jê u ji bhongolola hé u ji bheka mu kitula; o ibhiate-phe u ioha mu túbhia ki tuene dingi kujima.

Matesu 3:12 ပူးပေါင်းရင်းမြစ်များ

Jobe 21:18

Kuma edi kala ibhiate ku kitembue, mukuâ ni izeji i phephuluka ni kitaphephe.

Jisálamu 1:4

Ió abhumu-phe ki kiene; maji a soka ni ibhiate i phephuluka ni kitembue.

Jisálamu 35:5

A kale mukua ni ibhiate iala kuphephuluka ni kitembu; anjo ia Jihova aie ni ku a kaia.

Izaía 1:31

Anga o dizonda ua kà biluka kibhiaẋi, o kikalakalu kiê mukua ni soso ia túbhia, anga kiiadi kiâ a kà uamena bhuamoxi, u a jimina ka moneka.

Izaía 17:13

Akua jixi a kà numina kala kiene kunumina dibhubha dia menha, maji Nzambi ua kà a bazela, anga a kà lengela dikanga; ene a kà a kaia kala ibhiate ku mulundu, kia i bhitula kuala o kitembu, mukuâ ni fufutila ia mavu, kia i nhangumuna kuala o kitembu kia nguzu.

Izaía 27:4

O kuthathamana, momuʼami, ki kuala-mu dingi. Mukuaʼhi muene u ngi xitila isakelu ni minha ku pholo iami mu ita? Eme ngeji ku dilukula ku thandu diâ, anga ngʼa jikatesela bhuamoxi.

Izaía 28:28

O tiliku ene ku i zuka, maji ka i zuku luavulu, kana; kene ue ku i zuka ni malola ma dikalu diê, mba ku i tutula ni jikabalu jê.

Izaía 30:24

Ni jingombe ni jiseseme ja jibulu, joso ji dima mavu, ja kà dia jinga jimbundu ja di sanze kiambote, jòsuange, jabhiti bhu mbangu.

Izaía 41:16

Eie ua kà a bhiata muene bhu mbango anga a phephuluka ni kitembu, o kibhungu-phe kia kà a muanga; maji eie-phe ua kà sangulukila mua Jihova, ua kà di-thathela kua Dilemba Dikola dia Izalaiele.

Izaía 5:24

Kienhiki-phe, kala ki kuata o dimi dia mulengu ku ibhiaẋi, kala ki uama iangu ku mulengu, kiene ue kianda ku lukuta o lundanji luâ, mukuâ ni kubola; kuuabha kuâ, mbambe ni kitulu, kua kà jimuka kala fufutila: mbata o ngonge ia Jihova dia Ilômbo Ieta a i tènde, o kizuelu kia Dilemba dia Izalaiele a ki sebulula.

Izaía 66:24

Ene-phe a kà tunda mu kutala, anga a kà mona imbi ia athu oso a bhangele ima ia ku ngi bhumina; mbata dibhuka diâ ki dia kà fua, o túbhia tuâ ki tua kà jima dingi; anga enhá a kà kala kisunji ki kuatesa uoma ku xitu ioso.

Jelemiia 15:7

Nga-nda ku a bhiata ni mbangu bhu mielu ia oxi; o mundu uami nga u buba, o ana nga a katula-nâ; maji ene o kuvutuka ku jinjila jâ ja iibha, nguâ.

Jelemiia 17:27

Maji o ki mu fula ku ngi bhana o mátui, phala ni mu kolesa o kizuua kia Sabhalu, mbé mu fule o kubheka kimbamba kioso-kioso, mu ku bokona bhu mielu ia Jeluzaleme mu kizuua kia Sabhalu, bhenhobho-phe eme nga-nda ku bambula túbhia ku mabhitu mê, anga tu buikisa mazemba ma Jeluzaleme, o tuenhutu ki tua kà jima dingi.

Jelemiia 4:11

Mu kithangana kinhá a kʼàmbela mundu iú ni Jeluzaleme kuamba: kitembu kia thothuena kia tundu bhu thala ia kikangalakata, kieza mu njila ia monʼa muhatu ua mundu uami, kí kieza phala ku bhiata, kí kieza phala ku zelesa.

Jelemiia 51:2

Hádia ngi tumikisa akua kubhiata, mu kuzoka ni Babilonha, anga a mu bhiata muene, o mavu mê anga a ma lundulula; kuma bhu kizuua kiê kia kubhondalala a kà mu konda ku mbandu joso.

Jelemiia 7:20

Kala kiki, Ngana Nzambi uambe uixi: Talesa, njinda iami ni ngânji iami nga-nda ku i lunduluila ku thandu dia kididi kiki, ni ku thandu dia athu ni ku thandu dia iama, ni ku thandu dia miẋi ia mikáu ni ku thandu dia ibundu iaʼxi; o ki iila léku, ki ia kà jima dingi.

Hozeia 13:3

Kienhiki ene a-nda kukala mukua ni dituta dia kimene, kala dimume dia kamene-mene, ki diene mu kunanga kubhita; ela kala ibhiate bhu dizanzu dia kubetela, a i ambata kuala o kitembu kia suina; a di bhanga kala dixi dia mu tunda mu xaminé.

Amoji 9:9

Mukonda nga kà xika ngonge, o dibhata dia Izalaiele nga kà di kukumuna mu miji ioso, mukua ni kiene mu kùsesa jimbundu bhu mbàngu, ni lumbundu lumoxi ngó ki lu sonoka bhoxi.

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Matesu 13:30

Ehelenu-ju, jene joso ji kudile bhuamoxi katé kia kà bhia o idima. O bhu thembu ia kubhongolola kiene ki ngà kʼambela abhongolodi, kuila: Diangenu kubhongolola o jimbundu ja iangu, mu ji kute ita, phala ku ji oha. Maji o jimbutu jambote-phe mu ji bhongoluela mu kitula kiami.

Matesu 13:41

Monʼa Muthu ua kà katula ji-anju jê, ni ja kà bhongolola mu Utuminu uê o ima ioso i bhangesa kudibhala, ni oso a bhanga úsueia,

Matesu 13:42

hé a kà a texi mu kitúbhia kia dikota. Muenhomo muene muà kala o kudila ni ku di kokota ku mazu!

Matesu 13:43

Kienhókio athu aiuka a kà di muika kala dikumbi ku mbanza ia Tata iâ. Uoso uala ni mátui, évue.

Luka 3:16

Nzuá hé u a vutuila osomuene, uixi: eme nga mi batizala ni menha, maji kù kuiza muthu ua ngi tundu, eme ki nga fuama ku mu jituina ngó o ngoji ia haii iê. Muène u mi batizala ni Nzumbi Ikôla ni túbhia.

Luka 3:17

Muène, mbangu iê ua i kuata bhu maku phala kusèsa o jimbutu mu ibhiate. O dikanga diê dia kuvundila, u di zelesa kiambote. O mbutu u i bhongoluela mu kinganja kiê, o ibhiate-phe u ioha mu túbhia ki tu xikina dingi kujima.

Nzuá 15:2

Thangu ioso iala mo muami, maji i kamba kubhana ibundu, muène u i batula. Maji o thangu ioso i bhana ibundu, u i solala, hé u i zelesa, ni i bete o kubhana.