Matesu 3:10 - O Mikanda Ikola

¹⁰ Kumbʼ idi dikuua a di tula kiá bhu kixina kia miẋi. Muẋi uoso u kamba kuima ibundu iambote, a u koka, hé a u ta mu túbhia.

Matesu 3:10 ပူးပေါင်းရင်းမြစ်များ

II Samuuele 23:7

Muthu u i bhixila, ki bhinga u i kuata ni felu, mba u kala ni muẋi ualebha kala mubhinhi ua sosa; hinu-phe i bhita, i buila mu túbhia, a i ohela bhu kididi kia tokala.

Jisálamu 1:3

Muthu ió u kala mukuâ ni muxi uòphaphe bhu mbanduʼa honga ia menha, uenda ni kulukula jinga ibundu bhu thembu iê, o difue diê ki di lela ni di laúka; o kioso kia bhanga, ki tunda ni kubhanduluka.

Jisálamu 140:10

A kuuile makala ma uama ku thandu diâ; a a vubule muene mu túbhia; a fue mu madiela ma zongo, phala ka tene dingi kutunda-mu.

Jisálamu 92:12

Uaiuka-phe u koma kala diie; u kula hé u jinga kala muxi ua muxitu ua Libano.

Izaía 27:11

O kioso jithangu jê joso ki ja-nda ku kukuta, a kà ji bukujula; o kiza ahatu, a ji ta mu túbhia; mukonda o mundu iú ki mundu ua kilunji; kienhiki-phe, ió uoso ua u bhanga ka kà u kuatela henda, ió uoso ua umbu ka tena ku uidika ujitu ua kima.

Izaía 61:3

ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.

Jelemiia 17:8

Kuma muene ua kà kala mukuâ ni muixi uó-phaphe ku mbanduʼa ngiji, u tanda jindanji jê katé ku menha, kiza muzukuta ka kala ni hele ia munza, maji o dífue diê di buingita, o bhu muvu ua kiangala, ki u tate, mba u kamba kuima kibundu.

Daniiele 4:14

U kuata ku dikola ni nguzu ioso, uixi: Muẋiʼú batulenu-u, solalenu-u o jithangu jê, o mafe mê mu ma lalumuna-ku, ibundu iê muangenenu-iu mu kanga; o iama ioso iene kubutama bhu kixina kiê, kaienu-iu, kumoxi ni jinjila jene mu jithangu jê.

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Matesu 21:19

Kia mono mufiku bhu mbanduʼa njila, u bhiẋila-bhu. U sanga-phe kana-ku kima, máfue ngó mala-ku. Muène anga u uambela, uixi: Ko kué ki kuà kale dingi kibundu! Muẋi anga u lela kindala.

Matesu 7:19

Muẋi uoso u kamba kuima ibundu iambote, a u kokela bhoxi, hé a u texi mu túbhia.

Luka 23:31

Mbata se a bhanga kiki ku muxi ua uisu, a kà bhanga kiebhi ku muxi ua kukuta?

Luka 3:9

O kisèsu ue, kia kukoka na-kiu, kiòte kiá bhu jindanji ja mixi. Muxi uoso u kamba kuima ibundu iambote, a u koka, hé a u ta mu túbhia.

Nzuá 15:2

Thangu ioso iala mo muami, maji i kamba kubhana ibundu, muène u i batula. Maji o thangu ioso i bhana ibundu, u i solala, hé u i zelesa, ni i bete o kubhana.

Nzuá 15:6

Se muthu u kamba kuxala mo muami, a mu texi kala thangu, hé u kukuta. Anga u di fangana thangu ja kukuta, a ji bhongolola, a ji ta mu túbhia, hé ji bhia.

Jihebeleu 12:25

Uila kiki, di langienu, ki mu ditune kuivua ió uoso u zuela. Kuma enió a ditunine kuivua uoso ua tudilile o Njimbu ia Ngana mu ngongo, kà tenene kubhuluka. Kala kiki, etu uetu tua kà bhulukila bhebhi, se tua mu bhana dikunda uoso ua tu dimuna ku diulu!

Jihebeleu 6:8

O ki kala-phe ma bhana ngó minha ni holokoso, ma kuata usudi; kua kambe ngó a ma ta mazui kuala Nzambi, o hinu kua suka a ma ta mu tubhia.