Matesu 28:2 - O Mikanda Ikola

² Talesa-phe, oxi ia tungutile kiavulu. Mukonda anju ia Ngana ia tulukile ku diulu, iu ueza, ua kundumuna o ditadi, hé u xikama-ku.

Matesu 28:2 ပူးပေါင်းရင်းမြစ်များ

Matesu 27:60

Anga u ki tula mu mbila iê-muène ia ubhe ia jikuile mu ndànji. Anga u kundumuna kiditadi kiònene bhu muelu ua mbila, anga uiê.

Matesu 27:66

Ene anga aia, o mbila a i kolesa ni ditadi, ni ku di jika idimbu, anga a ta-ku masoladi ku kilangidilu.

Nzuá 20:1

Kizuua kia Lumingu, kizuua kia dianga kia Semana, Madiia dia Manda, uia bhu mbila mu kimene-mene kuila hanji kua vundu, anga u mona ditadi a di katula kiá ku mbila.

Jipoxolo 16:26

Anga a tukumuka kinuminu kia mavu kia dikota, o inzu ia kaleia anga i tunguta katé ku madisesa. Kithanganʼ okio o mabhitu moso ma jikuka, o jipelezu joso ji jituka ku malubhambu.

Jipoxolo 5:19

Maji mu usuku uenʼió Mukunji ua Ngana-phe u jikula o mabhitu ma kaleia, hé u bheka Jipoxolo ku kanga, anga ua ambela, uixi:

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

I Phetele 1:12

Kioso o Jipolofeta ki ja zuela jinga ku mbandu ia kidi ki mua mu kuivua lelu, Ngana Nzambi ua a jingunuine kuila o kikalakalu kia kexi mù bhanga o misesedi ki phala mbote iâ ene, maji phala mbote ineuʼenu. O akunji a Jingolokela Jambote, a zuela jinga mu kutena kua Nzumbi Ikôla ió a mu katula ku diulu, ene a mi tangela o kidi kia ima ienʼiii. O ima ienʼiii ni ji-anju jʼendile ku i tongolola kiambote.

Dijingunuinu 11:19

Tembulu ia Nzambi iene mu diulu anga a i jikula bhenhobho, o álaka ia kikutu kiê anga i moneka mu Tembulu. Anga ku kala jinzaji, ni mazui, ni inuminu, ni kizema-zema kia ʼxi, ni mvula iavulu ia matadi.