Matesu 27:60 - O Mikanda Ikola

⁶⁰ Anga u ki tula mu mbila iê-muène ia ubhe ia jikuile mu ndànji. Anga u kundumuna kiditadi kiònene bhu muelu ua mbila, anga uiê.

Matesu 27:60 ပူးပေါင်းရင်းမြစ်များ

Dimatekenu 50:5

Tatʼetu ua ngi lokesa, uixi: Eme ngi fʼú; ku ngi fûnda, kale mu ngi fûnda mu mbila iami i nga kandesa mʼoxi ia Kanana. Kiki-phe nga ku diondo, ngʼehele ngi bande, ngiie nga kà funde tatʼetu, ni ngʼize dingi.

Izaía 22:16

Eie uala kubhangaʼhi bhabha? Mukuahi muene uala-nê, ki uala ku kanda o mbila bhabha? ua mu kanda o mbila iê bhu kididi kia di-leka, eie ua mu di sokuela mu ndanji dibhata dia kukala?

Izaía 53:9

Mbila iê a i te bhuamoxi ni ingumba; ni mvuama bhu kufua kuê; mbata muene ka bhangele phulu, mu kanu diê ki mua kexile mangonha.

Matesu 27:59

Zuze anga u katula kimbi, u ki futa mu dilasola diazele dia linhu ia fina.

Matesu 27:66

Ene anga aia, o mbila a i kolesa ni ditadi, ni ku di jika idimbu, anga a ta-ku masoladi ku kilangidilu.

Matesu 28:2

Talesa-phe, oxi ia tungutile kiavulu. Mukonda anju ia Ngana ia tulukile ku diulu, iu ueza, ua kundumuna o ditadi, hé u xikama-ku.

Luka 24:2

Anga a sanga ditadi diòkundumune kiá, dia xitile ku mbila.

Nzuá 11:38

Jezú anga u kala mù kumba dingi luamukuá ku muẋima uê, anga uia katé bhu mbila. O mbila iene iala mu dibánda, ia a xiti-ku ditadi.

Nzuá 11:41

Anga a katula-ku o ditadi. Jezú anga u bhetula mesu bhulu, uixi: Tata, nga ku sakidila kuma eie ua ngʼ ivu.

Nzuá 19:41

Bhenhabha, bhua tele Jezú ku dikulusu, bhuala ni kádibhia, o mu kádibhia muala mbila ia ubhe, kiluua ata-mu muthu.

Nzuá 20:1

Kizuua kia Lumingu, kizuua kia dianga kia Semana, Madiia dia Manda, uia bhu mbila mu kimene-mene kuila hanji kua vundu, anga u mona ditadi a di katula kiá ku mbila.