Matesu 27:54 - O Mikanda Ikola

⁵⁴ Bhenhobho kabhitangu ni masoladi iá oso aia-nê mu langidila Jezú, kia mono oxi ia tunguta, ni ima ioso ia bhiti, a kala kiavulu ni uôma, exi: Kia kidi kiene, muenhú monʼa Nzambi!

Matesu 27:54 ပူးပေါင်းရင်းမြစ်များ

Matesu 26:63

Jezú-phe ua di xibhê. Nganga ia dikota anga u mu ambela, uixi: Nga ku lokesa mu dijina dia Nzambi ia muenhu, tu tangele mba eie u Kristu, Monʼa Nzambi.

Matesu 27:36

Anga a xikama, a kala ku mu langidila bhenhobho.

Matesu 27:40

Eieʼó, tata! U bula o Tembulu, anga u i tunga mu izuua itatu! Di bhulule-ze! O ki kala-phe u Monʼa Nzambi, tuluka ku dikulusu!

Matesu 27:43

Ua kexi mu kudielela Nzambi, kiki a mu kudile, se ua mu mesena; kuma uambe uixi: Ngi Monʼa Nzambi!

Matesu 27:51

Kibatulu kia Tembulu anga ki tanduka mu ʼaxaxe, tunde ku thandu katé bhoxi. Oxi anga i tunguta, matadi ma baza;

Matesu 4:3

Diabhu, anga uiza, u mu ambela, uixi: Eie se u Monʼ a Nzambi, tuma matadiʼ ama ma kituke jimbolo.

Matesu 8:5

O kia zubha kutula mu Kafanau, kabhitangu u mu sanga ni ku mu dionda, uixi:

Marku 15:39

Kienhokio, o kabhitangu uemana bhua zukama ni bhuala muene, kia mu mono kioso Jezú kia di kola iú ua zubhidisa, uixi: Muthu iu ua kexi monʼa Nzambi kidi!

Luka 22:70

Bhenhobho anga ene oso muene a zuela, exi: Mbebhu eie u Monʼa Nzambi muene? Muène ua ambela, uixi: Kidi kiene, enuʼenu mua ki tange.

Nzuá 19:7

Jijudé a mu vutuila, exi: Etu tuala ni kijila, muène-phe kuma ua ki tondala, ua tokala kùfua, kuma ua di tange, uixi: Ngi Monʼ a Nzambi!

Jipoxolo 10:1

Kiki mu kala muthu mu Sezaleia, dijina diê Koloneliu, kabhitangu ka kompaniia a ixana ia Itália.

Jipoxolo 2:37

Ene-phe ki evu kiki, kia a talakanha ku miẋima, anga ambela Phetele ni jipoxolo jamukuá, exi: Akuetu, etu tu bhanga-phe kiebhi?

Jipoxolo 21:32

Muene anga u lenguluka, u katula masoladi ni jikabhitangu, u lengela-bhu bhuala ene. O mundu kia mono Komanande ni masoladi, a zumbuka kubeta Phaulu.

Jipoxolo 23:17

Phaulu anga uixana Kabhitangu kamoxi, u mu ambela, uixi: Munzangala iú mu bheke kua Komanande, a mu kunde tumaka.

Jipoxolo 23:23

Komanande anga uixana Kabhitangu jiiadi, uixi: Polondalenu hama jiiadi ja masoladi aia ku Sezaleia, ni makuinhi sambuadi a muthu, akua kumondala o jikabalu, ni akua jisosa, a kala hâma jiiadi, phala a katuke mu ola ia kavua ia usuku.

Jipoxolo 27:1

Kia zubha o kudikunda kuila tu endela mu naviiu mu kuia ku Itália, Phaulu ni jipelezo jamukuâ a ji thelekala kua Kabhitangu dijina diê Julio. Muene ua tokalele ku kompanhiia iexana kuamba ia Sézalu Nguxi.

Jipoxolo 27:43

Kabhitangu-phe, kuma uandala u bhana Paulu o muenhu, ua a fudisa. Muène iú ua tumu oso ejiia o kuzoua a diange ku di ta ku menha, mbé a bhixile ku ngonguenha.

Loma 1:4

O mu kuidikiza kuzela kuê kua unzambi, o kufukunuka kuê kuene kua londekesa ni kutena kuonène, kuila Muène muene o Monʼ a Nzambi.

Dijingunuinu 11:13

Kithangana kienhókio anga kubhita kizema-zema kia dikota kia ʼxi. O mbanza i lundumuka mbandu iê ia kuinhi, o a fu ku kizema-zema kia ʼxi anga a tena sambuadi dia midi ia muthu. Athu a subhuka-ku hé a kala ni uôma uavulu, anga a ximana Nzambi ia diulu.