Matesu 27:52 - O Mikanda Ikola

⁵² jimbila anga ji jikuka; mikutu iamukuá ia akua Ngana aia okulu ku kilu, anga i fukunuka;

Matesu 27:52 ပူးပေါင်းရင်းမြစ်များ

II Jisobha 13:21

Anga ki bhita kuila, bhua kexi athu a kexile mu ku funda kimbi; o kia mono kibuka kia masoladi, kimbi a ki takuila mu mbila ia Ilizeu; muthu ió kia laukila mu mbila, ua tuta ku ifuba ia Ilizeu, anga u kala dingi ni muenhu, hé u balumukʼé kiá muene ku inama iê.

Izaía 25:8

O kalunga ua ka kà bhuisa-ku muene nzaká, kienhiki Jihova ua kà kondona o masoxi mu pholo joso, inga mu ixi ioso u katula-mu o kusebuluka kua mundu uê, kuma Jihova muene ua ki tange.

Izaía 26:19

O athuʼé, àfua, a kʼèza dingi ku muenhu; o athuʼé àia kalunga-ka-mbala-maminhu, a kà fukunuka. Phaphumukenu, mu tane ni kusanguluka enu muà tunga mu fufutila; Kuma o dimume dié dila kala mume dia isasa ia uisu; ni oxi iene ia kà lukula madifundu ma bhakele.

Daniiele 12:2

Ndumba ia athu ió aia ku kilu mu fufuta ia mavu ma ʼxi, a kà fukunuka, amoxi a kʼàia ku muenhu ki uàbhua, amukuá a kʼàia ku kididi kia phaxi, kuà kala o sonhi ni lusebu lu nangenena.

Hozeia 13:14

Hinu eme ngʼa kula ku uzonda ua mbila, hádia eme ngʼa tambula dingi kua kalunga-a-ngombe. Eie kalunga, o hadi i ua talesa jinga athu iii kuebhi? Eie mbila, o kusengulula kué kuebhi? O kudiela kua-nda kusuama, ki kua kà moneka dingi ku mesuʼami.

Nzuá 11:11

Kia zubha kuzuela kiki, ua ambela, uixi: Kamba dietu Lázalu uaii ku kilu. Maji eme ngiia-phe ku mu phaphumuna.

Jipoxolo 7:60

Anga u fukama, u di kola di dizui dia suina, uixi: Ngana, kana kuta kituxi kiki mu konda iâ! O kia zubha ku ki zuela, u batula muenhu.

I Kolindo 11:30

Mukonda dia kiki, kiene avulu mudienu ki mua bhuidila; kiene ue ki mua katela, sai-ku ni iá a fu muene.

I Kolindo 15:20

Maji kiki-phe, Kristu ua fukunuka muene mu ʼalunga ni kidi, iú ua di bhange ngunji ia tu dielelesa kuila athu oso afu kiá hadia ue a kà fukunuka.

I Kolindo 15:51

Ivenu kiambote o kijinganu ʼiki: Etu ene oso ki tua kà sokela-ku mu kufua, maji etu ene oso tua kà kituluka muʼ anzanzʼomo.

I Tesalonika 4:14

Kuma etu tua xikana kuila Jezú ua fuile iú ua fukunuka. Kiene ue kimoxi oso a fuila mu kuxikana Jezú, Nzambi ua kà a bheka dingi kumoxi ni Jezú muene.

I Tesalonika 5:10

Mukonda Kristu muene ua tu fuidile bhu kididi, phala tu tene kukala ku muenhu kumoxi ni Muène, kixi tu afu kixi tua kolo muenhu hinu Muène kià kʼeza.