Matesu 27:32 - O Mikanda Ikola

³² Kia kala mu tunda, a takana ni muthu, mukua Silene, dijina diê Ximá. Muenhú anga a mu bhinjika kuia-nâ, ni ambate dikulusu dia Jezú.

Matesu 27:32 ပူးပေါင်းရင်းမြစ်များ

I Jisobha 21:10

Anga mu mu bhekela anʼaiadi a Kadiaphemba ku pholo iê, hé ene a mu tetela umbangi ua makutu, exi: Eie ua ẋonguena Nzambi ni sobha; ni mu tubhuka-nê bhu kanga dia mbonge, anga mu mu bûba ni matadi katé ua fu.

I Jisobha 21:13

Bhenhobho kuiza malʼaiadi anʼa Kadiaphemba, hé emana bhu pholo iê; anga mala enhá ana Kadiaphemba, a tatela Nabote ni umbangi ua makutu, bhu pholo ia kifuẋi, exi: “Nabote ua ẋonguena Nzambi ni sobha”. Anga a mu ambata ku kanga dia sanzala, hé a mu búba ni matadi anga u fua.

Ijila 4:12

kifua ngombe iene ioso kiá, u xia bhu kibangu, hé u i bheka ku mukáu, bhu kididi kiazele, bhu dixita dia utôkua, anga u i ohela bhobho ku jihuinhi ni túbhia; bhuoso bhu dixita dia utôkua bhene bhu a i ohela.

Ijila 4:21

Ngombe iene ue anga u xia na-iu bhu kibangu, hé u i bheka ku mukáu, u i ohela koko kala kiohele ngombe ia dianga; iene sata ia kusatela kituxi kia mundu.

Ijila 4:3

Se o nganga muene a mu undu ni maji muene ua te o kituxi, anga mundu ki a iibhila beneʼobho-phe kituxi kiê a ki bhele sata kua Jihova, sata ia kuoha ia monʼa ngombe ua kiubha, ngombe ia ndumbe, iadisanze kiambote sé ngó unema uoso-uoso mba dibaka.

Matesu 16:24

Kienhókio Jezú u ambela jixibulu jê, uixi: Se muthu ua mesena ku ngi kaiela eme, a di fule o kudibanza muène-muene, a zangule dikulusu diê, a ngi kaiele.

Matesu 5:41

Uoso ue u ku bhinjika kuenda-nê lékua, eie enda-nê lékua jiiadi.

Marku 15:21

Anga a kuata muthu uala mu bhita njila ie, ua tundu ku matutu. Muthu muenhu Ximá mukua Silene, muene uavu anʼê Xandele ni Lufu. Masoladi anga a mu bhinjika kuambata dikulusu die.

Luka 23:26

Bhenhobho Jezú hé a mu ambata. O kia kala mu kuia-nê, a kuata-bhu muthu, Ximá, mukua Silene, ua mu tunda ku tutu. Anga a mu tuika o dikulusu, phala ku di ambata ku dima dia Jezú.

Nzuá 19:17

Bhenhobho Jezú, anga u tunda, muène uambata o dikulusu diê. Enda, anga a bhixila bhu kididi a kʼ ixana bhu Kibolongonho, (o mu Hebeleu, exi: Ngolongota.)

Jipoxolo 11:20

Maji amoximu-phe mudiâ, akua Xipele ni Silene, ki a bhixila mu Andiioka, a zuelela ue ió ki Jijudé, anga a a tudila o Njimbu Iambote ia Ngana Jezú.

Jipoxolo 13:1

Kikki-phe mu Andiioka, mu Ngeleja mueniomo, mu kala jipolofeta ni alongixi iá: Barnabé, ni Ximinhá a mu edi Muxiketedi, ni Lúsiu mukua Silene, ni Manahene a mu sasa kumoxi ni Helode dia tetalaku, ni Saúlu.

Jipoxolo 2:10

mu Fidíjia ni mu Pamfídia, mu Ijitu ni mu jixi ja Líbia ja zukama mu Silene. Amoxi-mu asonhi a tundu ku Loma, amukuá Jijudé a di bundu ni álungi.

Jipoxolo 6:9

Anga ku kala-phe athu amukuâ a mu lungulukila. Eniá, akua Dilombe dia Jifôlo a tokala ku inzu ia kexi mu sambela o Jijudé ja tundile ku jimbonge ja Silene ni Xandeliia. Eniá-phe kumoxi ni Jijudé ja mukuâ ja tundile ku jimbandu ja Silisia ni ja Azia, a kuata kulua phata; ni Xitevá.

Jipoxolo 7:58

A mu kukila ku kanga dia mbonge, anga a mu bûba ni matadi. O jimbangi anga ji tula izuatu iâ bhu inama ia munzangala dijina diê Saúlu.