Matesu 27:31 - O Mikanda Ikola

³¹ Kia zubha ku mu bhanga kasèkelu, a mu zula kithanga kia kusuka, hé a mu zuika o izuatu iêmuene, anga aia-nê ku mu phaphela ku dikulusu.

Matesu 27:31 ပူးပေါင်းရင်းမြစ်များ

I Jisobha 21:10

Anga mu mu bhekela anʼaiadi a Kadiaphemba ku pholo iê, hé ene a mu tetela umbangi ua makutu, exi: Eie ua ẋonguena Nzambi ni sobha; ni mu tubhuka-nê bhu kanga dia mbonge, anga mu mu bûba ni matadi katé ua fu.

I Jisobha 21:13

Bhenhobho kuiza malʼaiadi anʼa Kadiaphemba, hé emana bhu pholo iê; anga mala enhá ana Kadiaphemba, a tatela Nabote ni umbangi ua makutu, bhu pholo ia kifuẋi, exi: “Nabote ua ẋonguena Nzambi ni sobha”. Anga a mu ambata ku kanga dia sanzala, hé a mu búba ni matadi anga u fua.

Izaía 53:7

O kia mu tatesele, ia a mu sebulula, muene ka jikula dikanu, kuma muene ka vutula kima; a mu sunga-sunga kala mbudi iia mu ku i jibha; uila mbudi kua ió u mu bhuta, idixibha, ni muene ue ka jikula ngó dikanu diê.

Dialuilu 15:35

Jihova anga u ambela Mozé, uixi; Muthu ió ua tokala ku mu jibha muene; kilômbo kioso a mu bube ni matadi ku kanga dia kibangu.

Matesu 20:19

Ene a kà mu êlesa phala ku mu jibha; a kà mu bhana ku matumbu ku mu bhanga kasekelu, ni ku mu bunda ni kibetu, ni ku mu phaphela ku dikulusu. Maji mu kizuua kia katatu-phe ua kà fukunuka.

Matesu 21:39

Anga a mu kuata, a mu tubhula mu mulenga, hé a mu jibha.

Matesu 26:2

Enu mua kʼijiia kuila kua kambe ngó izuua iiadi, kuanda kuiza Fesa ia Phasu, o Monʼa Muthu-phe a-nda ku mu thelekala phala ku mu phaphela ku dikulusu.

Marku 15:20

O kia zubha ku mu sebulula, a mu zula o kapote kakusuka, a mu zuika o izuatu iê-muène. Anga a tubhuka mu lumbu, aia-nê ku kanga phala ku mu ta ku dikulusu.

Nzuá 19:16

Pilatu bhenhobho anga u bhana Jezú bhu maku mâ, phala a mu te ku dikulusu. Ene anga a mu tambula, hé aia-nê.

Nzuá 19:27

Anga uambela o xibulu: Tala manhiʼ enu! Tunde kumbi dienhódio, xibulu ió, ua bhongolola manhʼ a Jezú ku bhata diê.

Jipoxolo 7:58

A mu kukila ku kanga dia mbonge, anga a mu bûba ni matadi. O jimbangi anga ji tula izuatu iâ bhu inama ia munzangala dijina diê Saúlu.

Jihebeleu 13:12

Kiene ue Jezú, ki ambe kuzelesa o mundu ku ituxi iâ ni manhinga mé muène, ua tundile mu mbanza, o hadi ia kufua kuê ua i talela ku kanga.