Matesu 27:30 - O Mikanda Ikola

³⁰ Anga a mu ṗhamena mathe, a mu tambula dianga, a mu beta na-diu mu mútue.

Matesu 27:30 ပူးပေါင်းရင်းမြစ်များ

Izaía 49:7

Jihova, Mubhuludi ua Izalaiele, Dilemba diê Ukôla, uambela muthu uoso a mu buangidika, a mu zemba kuala o mundu, o mubhika ua atumini, uixi: Muenhó a-nda ku mu balumukina bhu iandu kuala o jisobha, kia mu mona, ni ilamba uê, anga a kà diunda bhu pholo iê, mukonda dia henda ia Jihova, mukua kitongola, Dilemba Dikola dia Izalaiele, muthu ua ku tungula (ua ku sola).

Izaía 50:6

O dikunda diami ngi di bhakuila ió oso a ngi beta, oso a ngi vuza o muezu eme ngʼa ehela o matama; bhu kala o ku ngi tembula ni ku ngi thuthuina mathe, pholo iami ki ngi i sueka, kana.

Izaía 52:14

Kala kia sasumuka athu a vulu mu ku mu mona, kuma o pholo iê ia kitulukile kiavulu, kedi ngó kala kiene o athu nʼakuá, kidifua kiê ku ki fikisa ni kia anʼa athu mu ngongo.

Izaía 53:3

Kia kexi, a mu di tunu, muene o muthu a beta o ku mu tènda ni ku mu sebulula mu athu oso; mukua misusu; muthu uejidila o kutala hadi; uedi kala ió athu a mu bhana jinga dikunda ni ku mu suekela o pholo; kia kexile a mu ehelela, ki bhuala dingi muthu ua mu suu.

Izaía 53:7

O kia mu tatesele, ia a mu sebulula, muene ka jikula dikanu, kuma muene ka vutula kima; a mu sunga-sunga kala mbudi iia mu ku i jibha; uila mbudi kua ió u mu bhuta, idixibha, ni muene ue ka jikula ngó dikanu diê.

Mikeia 5:1

Kindala bhongolola o masoladi mé ku ibuka-ibuka, eie monʼa kilumba, a ku vuala kuala ilolo ia ita! Kuma a-nda ku tu kondela bhu kaxi; o mufundixi ua Izalaiele a-nda ku mu kuama ni mbangala ku jinganzuánzua.

Matesu 26:67

Anga a mu ṗhamena mathe mu pholo, a mu bhana jihome. Amoxi a mu bhana jihuxi, exi:

Marku 10:34

Ene a mu bhanga kasekelu, a mu ta mathe, a mu beta ni jixikote, he a mu jibha. Maji ki bhita izuua itatu-phe, ua ka fukunuka.

Marku 14:65

Amoxi-mu anga a kuata ku mu ṗhamena mathe. A mu futa o pholo, anga a mu bhana jihome, exi: Zambulaze uoso ua ku beta! Jifixiiadi anga ji mu tambulula ni jihuxi.

Marku 15:19

Anga a mu beta ni muxi mu mutue, a mu ṗhamena mathe, anga a fukama, he ela kala a mu mu bheza.