Matesu 27:29 - O Mikanda Ikola

²⁹ Anga enda kitundu kia jithangu ja minha, a mu zuika-kiu ku mútue, hé a mu kuatesa dianga bhu lúkuaku luê lua dilu. Anga a mu fukamena bhu pholo iê, a mu bhanga kasèkelu, exi: Tana-ku, u sobha ia Jijudé.

Matesu 27:29 ပူးပေါင်းရင်းမြစ်များ

Jisálamu 69:7

Mukonda eme nga bongo malebhu, mu ku ku dielela eie; nga sonoka muene pholo mukonda dia jisonhi.

Izaía 49:7

Jihova, Mubhuludi ua Izalaiele, Dilemba diê Ukôla, uambela muthu uoso a mu buangidika, a mu zemba kuala o mundu, o mubhika ua atumini, uixi: Muenhó a-nda ku mu balumukina bhu iandu kuala o jisobha, kia mu mona, ni ilamba uê, anga a kà diunda bhu pholo iê, mukonda dia henda ia Jihova, mukua kitongola, Dilemba Dikola dia Izalaiele, muthu ua ku tungula (ua ku sola).

Izaía 53:3

Kia kexi, a mu di tunu, muene o muthu a beta o ku mu tènda ni ku mu sebulula mu athu oso; mukua misusu; muthu uejidila o kutala hadi; uedi kala ió athu a mu bhana jinga dikunda ni ku mu suekela o pholo; kia kexile a mu ehelela, ki bhuala dingi muthu ua mu suu.

Jelemiia 20:7

Jihova, tata, eie ua ngi tobhesa, eme nga xala ni kutobha; kuma eie ua beta o nguzu eme ndenge, eie ua tolola; o kienhiki-phe kumbi dioso dia kambamba ala ku ngi bhanga kasekélelu; kala muthu mudiâ u ngi tobhesa.

Matesu 20:19

Ene a kà mu êlesa phala ku mu jibha; a kà mu bhana ku matumbu ku mu bhanga kasekelu, ni ku mu bunda ni kibetu, ni ku mu phaphela ku dikulusu. Maji mu kizuua kia katatu-phe ua kà fukunuka.

Matesu 26:49

Juda bhenhobho anga u bhiẋila kua Jezú, uixi: Mesene, nga ku menekena! Anga u mu bhana nzobole.

Matesu 27:37

Ku mutuelu uê anga a ta-ku ka dibaia kòsoneke, kala ku mu xitala, exi: Muenhú Jezú, Sobha ia Jijudé.

Marku 15:17

Anga a mu zuika kapote kakusuka, enda kitundu kia minha, a mu ta-kiu ku mutue.

Marku 15:18

Anga a kuata ku mu menekena exi: Tana-ku! Eie u sobha ia Jijudé!