Matesu 26:74 - O Mikanda Ikola

⁷⁴ Muène anga u kuata kuxinga ni kulôka, uixi: Nzambi a ngi bhane kaxtiku, se o diiala dienhidi eme nga mu ijiia ngó! Kindala kienhókio dikolombolo anga di kokola.

Matesu 26:74 ပူးပေါင်းရင်းမြစ်များ

Matesu 10:28

Ki mu kale ni uôma ua iá a jibha ngó o mukutu, maji o muenhu ka u tena ku u tambula. Inda Nzambi mu kuatedienu uôma, kuma ió uasoko-bho kubuikisa ni muenhu ni mukutu mu ifernu.

Matesu 26:34

Kuala Jezú: Kidi kiene ngi ku ambela, kuma usuku uenhú, kioso o dikolombolo kiluua di kokola, eie uanda ku ngi di tuna luatu kuila ku ngʼijiia.

Matesu 26:73

Kubhanga kithangana, athu emana bhenhobho eza kua Phetele, exi: Kidi kiene, eie ua tokala-nâ, kuma o mbimbi iê ia ku tukulula!

Matesu 26:75

Phetele anga u tukumuka o maka ma tangele Jezú, kuila: Kioso o dikolombolo kiluua di kokola, eie ua-nda ku ngi dituna lutatu. Anga u tubhuka, u dila kisoxi kiavulu.

Matesu 27:25

Mundu uoso anga u kumbulula, exi: Manhinga mê ma kale ku thandu dietu, ni ku thandu dia anʼetu.

Marku 14:30

Jezú u vutuila Phetele, uixi: Kidi kiene ngi ku ambela kuila, eie-muene lelu, mu usuku uenhú, dikolombolo bhu di kokuela luiadi, eie ua ngi di tunu kia lutatu, ni kuila kuma eie ku ngʼ ijiia.

Marku 14:68

Muene-phe ua di tunu uixi: Muenho eme ki ngi mu ijiia. Ki nga kʼijiia ue ngo kioso eie ki uala kuzuela. Anga u tubhuka ku mbalanda; kienhokio dikolombolo anga di kokola.

Luka 22:60

Phetele-phe, uixi: Èhé! Eie ialʼé, eme ki nga kʼijiia kioso ki ua mu zuela! Kindala kienhokio-phe, kioso ki ala hanji mú zuela, dikolombolo di kokola.

Nzuá 18:27

Phetele anga u di tuna luamukuá, uixi: Kana! Kithanganʼ okio dikolombolo di kokola.

Loma 9:3

Ngeji kuinda kuila eme-muene a ngi ta mazui kua Nzambi ni ku ngi kaia kua Kristu, bhu kididi kiâ ene jiphange jami, jindandu jami mu xitu.

I Kolindo 16:22

Se bhu kala muthu ua kambe o kuzola Ngana, a kale muthu a mu bhubhidila! Malanata—Ngana ietu ʼza kiá!

Dijingunuinu 3:19

Oso u nga zola, ngʼa bazela, ngʼa beta. Phaphumuka-phe, u diele o ituxi ié.

Afundixi 17:2

Muene anga u ambela mamʼâ, uixi: Kitadi kié kia ku nhanene, o midi ia xikulu ia itadi ia phalata ni hâma, kia ku bhangesele kuila mu mátui mami muene, u mu bhubhidila uoso ua ki nhana, talesa, eme ngala na-kiu, eme muene nga ki nhana. Mamʼâ anga u mu ambela, uixi: Jihova a ku zediuise monʼami.

Afundixi 21:18

Etu-phe ki tu tena ku a bhana ahatu ku anʼetu; kuma anʼa Izalaiele a lokele, exi: Uoso u bhana muhatu ku akua Bejamí, muenhó a mu bhubhidile.