Matesu 26:72 - O Mikanda Ikola

⁷² Muène anga udituna dingi ni kulôka, uixi: Xinge phaietu muène! Iala muenhó ki nga muʼijiia ngó!

Matesu 26:72 ပူးပေါင်းရင်းမြစ်များ

Makatukilu 20:7

Kana kutumbula dijina dia Jihova, Nzambi ié, mu kingoho; mukonda kua Jihova kà kamba kuêla uoso u tumbula o dijina diê mu kingoho.

Izaía 48:1

Diembu dia Jakobo, ivenukiu, enu oso a mʼixana akua Izalaiele, enu mua tunda mbutu bhu otho ia Juda, muene kulokela mu dijina dia Jihova, muene kutumbula Nzambi ia Izalaiele, maji ki muene mu ki bhanga mu kidi ni mu uiukilu.

Zakadiia 8:17

Ki bhu kale muthu mudienu u xinganeka mu muẋima uê kima kia phulu kua mukuâ, mba bhu kala muthu u uabhela kuloka mu makutu; kuma ima ioso iii ia ngi ibhila, Jihova ua ki tange.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Matesu 26:71

Kia tubhuka ku mbalanda-phe, kilumba kia mukuá u mu tongolola, anga u ambela athu ala-bhu, uixi: Ialʼú ue ua kexile ni Jezú dia Nazalé.

Matesu 26:73

Kubhanga kithangana, athu emana bhenhobho eza kua Phetele, exi: Kidi kiene, eie ua tokala-nâ, kuma o mbimbi iê ia ku tukulula!

Matesu 26:74

Muène anga u kuata kuxinga ni kulôka, uixi: Nzambi a ngi bhane kaxtiku, se o diiala dienhidi eme nga mu ijiia ngó! Kindala kienhókio dikolombolo anga di kokola.

Luka 22:34

Jezú u mu vutuila, uixi: Ngi kuambela, Phetele, kuma lelu muene o dikolombolo ki dia-ndu kokola, katé eie ua ngi di tunu lutatu, kuma kua ngʼijiia.