Matesu 26:70 - O Mikanda Ikola

⁷⁰ Muène-phe udituna bhu pholo ia ene oso, uixi: Ki uala kuzuela, eme ki nga kʼijiia.

Matesu 26:70 ပူးပေါင်းရင်းမြစ်များ

Jisabhu 28:26

Muthu uoso ua dielela o muẋima uê-muène, kiôua; muthu uoso-phe uenda ni masunga, ka sukamena.

Jisabhu 29:23

Muthu mukua ukumbu, o ukumbu uê uene hádia u mu katula o kijingo; maji o mukua muẋima ua batama-phe u bonga ujitu.

Jisabhu 29:25

O kukala ni uoma ua muthu, ki di bhanga mubhetu u fuisa muthu; maji uoso u dielela kua Jihova, uala ditala dia di leka, ka mu tena.

Izaía 57:11

Mukuahi ua ku kuatele uôma mba hele? Kia ku bhekela ku-ta o makutu, nʼukambe ku ngi lembalala, né ngó ku ngi ta mu muẋima ué? O kudixibha kuami tundé okulu, kiene-ze ki ua kambela ku ngi xila, ki kiene?

Jelemiia 17:9

O muẋima ua muthu u bhomba kinéne, ima ioso ndenge, ua bhukumuka kiavulu: mukuahi u tena ku uijiia?

Matesu 26:51

Muthu umoxi-phe, kua iá ala ni Jezú, u zangula lúkuaku, u fomona xibhata iê, hé u i vunda ku mubhika ua nganga ia dikota, anga u mu batula dítui.

Matesu 26:56

Kiene kiosuʼiki-phe kia bhiti, phala kubhitisa o Maka mòsoneke mu Madivulu ma misèsedi. Bhenhobho jixibulu joso ji mu-xa, ji lenga.

Matesu 26:58

Phetele-phe u mu kaiela dikanga ku dima, katé ku lumbu lua nganga ia dikota, anga u bokona, hé u xikama bhuamoxi ni akua mbèle, phala kutalesa kioso kianda kubhita.

Matesu 26:69

Phetele-phe hanji kia xikama bhu kanga mu lumbu. Monʼa kilumba, uene mu xibhidila o nganga ia dikota anga uiza-bhu, uixi: Eie ue ua kexile ni Jezú dia Ngalileia.

Matesu 26:71

Kia tubhuka ku mbalanda-phe, kilumba kia mukuá u mu tongolola, anga u ambela athu ala-bhu, uixi: Ialʼú ue ua kexile ni Jezú dia Nazalé.

Luka 22:57

Phetele anga u di tuna, uixi: Muenió, eme ki nga muijiia, muhatu-a kime!

Loma 11:20

Kiene! Maji lembalalenu kuila ene a a batuile-ku mukonda dia kukamba kuxikana, enu-phe mua xala ku mudiva mukonda mua xikana. Kienʼ iki ki ki mi bhekele kukala ni ukumbu. Inda kalenu ni uôma.

I Kolindo 10:12

Uila kiki, uoso ua di fika kuila uemana, a di lange phala ka di bhale.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.