Matesu 26:39 - O Mikanda Ikola

³⁹ Anga u sondoloka-bhu kòfele, u fukama, u ta pholo bhoxi, hé u samba, uixi: Tata iami, se ki xikina, dikáu dienhidi dia phaxi iíi, ngi katule-diu. Maji-phe ki ngi sola eme, kana, inda ki u sola eie.

Matesu 26:39 ပူးပေါင်းရင်းမြစ်များ

Dimatekenu 17:3

Mbalamu bhenʼobho anga u bhetama o pholo bhoxi, Nzambi anga u zuela-nê, uixi:

II Samuuele 15:26

Maji Nzambi phe kia kèla kuma eie ku ngi uabhela dingi, kuabhu tata, eme-ami-iú, a ngi bhange kioso kia mono kia mu uabhela muene.

I Malunda 21:16

O Davidi, mu kuzambula mesu mê, uamono o anju ia Jihova, iemana mu dinga ni dinga, mu mbambe iaʼxi ni diulu, ni xibhata ia fuomona ma kizu ia kuata bhu lukuaku luê, ialeka mu kubuikisa Jeluzaleme. Kienhokio Davidi-phe ni makota moso, a zuata jisaku ja idinhaji, a dibhala o jipholo jâ bhoxi.

Izaía 50:5

Jihova Nzambi ua ngi xitununa mátui, eme ki nga ẋinuka; ki ngi xikina kuvutuka ku dima.

Izaía 53:12

Mukonda dia kiki, nga-nda ku mu katuila dikânda diê ku athu a vulu, sumbala muene ua-nda kuuana o madibhundila kumoxi ni mazonda; mbata ua lundulula o muenhu uê muʼalunga, a mu bundile kumoxi ni ifumbe; maji muene ua di tuika o ituxi ia athu avulu; iú uala kudiondela akua-ituxi.

Izekiiele 1:28

Mukuâ ni ki kala o hongolo ku diulu, ki i moneka ku matuta bhu kumbi dia mvula, kiene ue kia di-fuile o mukengeji uenhú ua kondoloka mu jimbandu; kienhiki kia di-fuile o kubenha kua unéne ua Jihova; o kienhiki kioso ki nga ki mono, nga dibhale o pholo bhoxi, eme ngevu o dízui dia ió ua kexile mu zuela.

Dialuilu 14:5

Bhenhobho ni Mozé ni Alá a di bhala jipholo bhoxi, ku mesu a kionge kioso kia kilômbo kia Izalaiele.

Dialuilu 16:22

Maji-phe ene a di ṗhudikila o jipholo jâ bhoxi, anga ela exi: Uá! Nzambi, tata! Eie u Nzambi ia jinzumbi ja xitu ioso, abha mukonda dia muthu umoxi ua-te o kituxi, eie u thathamena kiavulu kiki o kilômbo kiosuʼiki?

Matesu 20:22

Jezú-phe u vutuila, ana kiiadi a muhatu, uixi: Ki mua kʼijiia kioso ki mua bhingi. Enu mu tena kúnua dikáu di nganda kúnua Eme? Ni ku mi batizala batizu ia ngi batizala na-iu Eme? Exi: Tua soko-bhu.

Matesu 24:24

Mbata kua ká tukuluka Jikristu javulu ja makutu, ni jipolofeta ja makutu. Ene à kedikiza isuma ni madiuanu mavulu, katé se kuila ki xikina, ni athu a Nzambi ene ósole, eji ku a jimbidisa.

Matesu 26:42

Anga lua kaiadi dingi uia, u samba, uixi: Tata iami, se kia bhingi kuila dikáu dia phaxi didi ki di tena ku ngi somboka, katé ki ngi di nua, kioso ki ua solo Eie ki bhite.

Marku 13:22

Mukonda kua ka tukuluka ji-Kristu ja makutu, ni jipolofeta ja makutu, a kèdikiza isuma ni madiuanu, phala a tàmbe kate ni anʼ angene a solo Nzambi, se ki xikina ku ki bhanga.

Luka 17:16

Anga uiza u fukama ni pholo bhoxi, bhu inama ia Jezú, hé u mu sakidila.

Nzuá 11:41

Anga a katula-ku o ditadi. Jezú anga u bhetula mesu bhulu, uixi: Tata, nga ku sakidila kuma eie ua ngʼ ivu.

Nzuá 14:31

Maji phala o mundu u ijiie kuma eme nga zola Tata, o kioso kia ngi tumu muène, Eme kiene ki ngi bhanga. Balumukenu, tuie ku kanga!

Nzuá 18:11

Jezú anga uambela Phetele, uixi: Fomeka o xibhata ié mu kizu! Eie ua fika kuila dikáu dia ngi bhana Tata, manhi ngi kamba ku di nua?

Nzuá 5:19

Jezú anga u kuata dingi mù zuela, uixi: Kidi, kidi, ngi mi ambela: Mona ka tena kubhanga kima kʼubheka uê, kala u bhanga ngó ioso ia mona Tata kubhanga. Kuma ioso ima i bhanga Tata, ni Mona u i bhanga kiòmuene.

Nzuá 5:30

Jezú anga u kala dingi mu ku a tangela, uixi: Eme kʼ ubheka uami, ki ngi tena kubhanga kima, ki kala ki ngʼívua kua Tata, kiene ki ngi fundisa. O kufundisa kuami-phe kua kidi, mukonda ki nga-lu sota kubhanga vondadi iami, maji o vondadi ia ió ua ngi tumu.

Nzuá 6:38

Mbata eme nga tuluka mu diulu, kana mu kubhanga o vondadi iami, maji mu kubhanga vondadi ia ió uoso ua ngi tumu.

Jipoxolo 10:25

Kia kala Phetele mu kubokona, Koloneliu uia ku mu sangesa, u takana-nê, hé u mu fukamena bhu inama iê u mu bheza.

Filipe 2:8

o kia zubha kutukuluka mu kidifua kia muthu, muène ua di tununa, anga u tumaka katé mu kufua—kufua-phe kiá kua sebuluka kua dikulusu.

Jihebeleu 5:7

O muène kia kexile mu ngongo, u samba, u dionda, ni kudila masoxi, kua Nzambi u tena ku mu kudila mu kufua, anga a mu ivua, mukonda dia kudibha-kula kuê, ni kubatama.

Dijingunuinu 19:10

Eme anga ngi di bhala bhu inama ia anju phala ku mu bheza. Uixi-phe: Kana ku ki bhanga! Eme ue ngi selevende ni mukuenu, nga sokela ni phange jé oso a kuata o umbangi ua kidi kia Jezú. Bheza Nzambi! Kuma o kidi kia umbangi ua Jezú, uene o uanji u bhana huii ku jipolofeta.