Matesu 26:31 - O Mikanda Ikola

³¹ Jezú anga u ambela, uixi: Usuku uenhú, enu oso muanda kulenga hé mu ngi xa, kuma mua-nda kujuuala mukonda diami. Mbata a soneka, mu Mikanda ia Ngana, exi: O mubidi ngi mu jibha, jimbudi ja kilunga ji di muanga.

Matesu 26:31 ပူးပေါင်းရင်းမြစ်များ

Jisálamu 38:11

O makamba mami ni jinzukame jami, a ngi sondoloka mukonda dia uhaxi u ngala na-u; o jindandu jami jemanena kiá mu kanga.

Jisálamu 69:20

Malebhu a ngi tolola o muẋima moxi, kihongo kia ngi kuata kala kia kukata; nga tale uoso u ngi kuatela henda, maji ki bhuala muthu; o u ngi konda malamba, ki ngi mu mono.

Jisálamu 88:18

Ki ngʼene thumba, ki ngʼene samba; ndandu ni kamba a ngi muangana, kamba diami kífua o usuku.

Izaía 53:10

Maji kiene-phe kia uabhelele Jihova, o ku mu tutujula ni ku mu katesa; kioso o muenhu uê kia u bhanga kiamenga kia kituxi, muene ua-nda kumona o mbutu iê, ua-nda kuvula izuua ia kulaia, o kioso kia uabhela Jihova, kia kà Zediuila bhu lukuaku luê.

Kuditenda 1:19

Makamba mami nga exana kiua, maji ene a ngi koloka; jinganga jami ni ikulakaji iami azunzumukina mu mbonge muenhumu; kioso ene kia di tele mu sota kia kúdia phala kuximbakatesa o muenhu uâ.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Matesu 11:6

Uazediua ió uoso ka di bhukana mukonda dia kima kia mono ko-kuami!

Matesu 26:24

Monʼa Muthu iú uia mu kúfua, kala kia mu soneka mu Mikanda Ikôla. Muthu ió-phe kokolo diê, ua-nda kuthelekala Monʼa Muthu! Kimuua, muenhó se ka mu vualele!

Matesu 26:56

Kiene kiosuʼiki-phe kia bhiti, phala kubhitisa o Maka mòsoneke mu Madivulu ma misèsedi. Bhenhobho jixibulu joso ji mu-xa, ji lenga.

Nzuá 16:32

Talesenu-phe, kumbi dia bhixila kiá, dia kuila enu oso mu muangana, kala muthu ku mbandu iê, eme hé mu ngi xa ubheka uami. Maji ki ngala-phe ubheka, mukonda Tata uala ni eme.