Matesu 26:3 - O Mikanda Ikola

³ Kienhókio jinganga ja makota, ni adiakimi ku mundu, a bhongoloka ku lumbu lua Nganga ia dikota, a mu ixana Kaiafa;

Matesu 26:3 ပူးပေါင်းရင်းမြစ်များ

Jisálamu 56:6

A ta kikutu mudiâ, a ngi batamena, aia ni ku ngi tola mu manhanhu, ala ku ngi seia muene phala ku ngi jibha.

Jelemiia 11:19

Eme-phe ngedile kala kambudi ka belesela, kaia bhu dijibhilu; mbata ki nga kʼijidile kuamba ala ku ngi ta kikutu, exi: Tu jikinisienu o muxi ni ibundu iê; tu mu batudienu mʼoxi ia athu a muenhu, phala ki bhu kale dingi kulembalala o dijina diê.

Jelemiia 17:27

Maji o ki mu fula ku ngi bhana o mátui, phala ni mu kolesa o kizuua kia Sabhalu, mbé mu fule o kubheka kimbamba kioso-kioso, mu ku bokona bhu mielu ia Jeluzaleme mu kizuua kia Sabhalu, bhenhobho-phe eme nga-nda ku bambula túbhia ku mabhitu mê, anga tu buikisa mazemba ma Jeluzaleme, o tuenhutu ki tua kà jima dingi.

Matesu 26:69

Phetele-phe hanji kia xikama bhu kanga mu lumbu. Monʼa kilumba, uene mu xibhidila o nganga ia dikota anga uiza-bhu, uixi: Eie ue ua kexile ni Jezú dia Ngalileia.

Matesu 27:27

Masoladi a nguvulu Pilatu, anga ambata Jezú ku lumbu lua dizemba; anga a bhongolola o kibuka kiâ kioso.

Marku 14:54

Phetele-phe ua mu kaiela Jezú dikanga ku dima, kate mu lumbu lua nganga ia dikota. Anga u bokona, he u xikama ni jifixiiadi mu kuota tubhia.

Marku 14:66

Phetele kia xikama ku lumbu bhoxi, kueza monʼa kilumba ua tokala kua nganga ia dikota.

Marku 15:16

O masoladi anga aia-nê ku lumbu lua palasu,—o Palasu ia Nguvulu,—hé a bhongolola o kompaniia ioso.

Luka 22:55

O kia uika túbhia mu ʼaxaxi ka lumbu, anga enhoso a xikama kumoxi mu kuota, Phetele ue u xikama-nâ.

Luka 3:2

Mu izuua ia jinganga jònene Hana ni Kaiafa, kiene kieza Maka ma Nzambi kua Nzuá, monʼa Zakadiia, mu solongo dia muxitu.

Nzuá 11:57

O makota ma jinganga-phe, ni jifalizeu, a bhele ngonge kuma se bhuala muthu ua mu ijiia bhuoso bhuala, a mu tukulule, ene ni a mu kuate.

Nzuá 18:24

Kia zubha kubhita kiki, Hana anga u tuma ku mu bheka kua Kaiafa, nganga ia dikota. Jezú hanji ala ku mikolo.

Nzuá 18:28

Ene a tunda ni Jezú kua Kaiafa, hé aia-nê ku Pretório, mu kumbi dia kimene-mene. O Jijudé-phe ka bokona mu Dizemba dia Nguvulu, mukonda a lenge o kuxila, kala kiene o ubhezelu uâ, phala a tene kúdia o jandale ia Phasu.