Matesu 26:21 - O Mikanda Ikola

²¹ O kia kala mu kúdia, Jezú, uixi: Kidi kiene ngi mi ambela, mudienu sai-mu muthu ua-nda ku ngi thelekala.

Matesu 26:21 ပူးပေါင်းရင်းမြစ်များ

Matesu 26:2

Enu mua kʼijiia kuila kua kambe ngó izuua iiadi, kuanda kuiza Fesa ia Phasu, o Monʼa Muthu-phe a-nda ku mu thelekala phala ku mu phaphela ku dikulusu.

Matesu 26:22

Ene anga a kenanana kiavulu! A kuata ku mu ambela ene oso: O kuila eme, Ngana?

Nzuá 13:18

Ki ngi mi tange-phe enu oso, mukonda ngʼejiia oso nga a solo. Mbata kia bhingi-phe o maka mòsoneke mu Mikanda ia Nzambi ma bhita, ma kuila: Ió mukua kúdia ku mbolo iami, kiki ua ngi kitukila.

Nzuá 13:21

Kia zuba Jezú kuzuela kiki, u lalama ni muẋima, anga u bhana umbangi, uixi: Kidi kiene, ngi mi ambela: Mudienu sai ni iú ua-ndu ngi sumbisa.

Nzuá 13:22

Jixibulu anga ji kuata ku di tala mudiâ ni phata, mba muène ua tange uebhi.

Jihebeleu 4:13

Kana-ku kima kiobhange ki kamba ku moneka ku mesu ma Nzambi. Ima ioso iobhange, iene ioso ia tukuluka, ia zula ku mesu mê. O kua muène, etu-ene oso kuene ku tua kà bhakula o jikonda.

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.